Azərbaycan Respublikasının Milli Atlası

"Azərbaycan Respublikasının Milli Atlası" — Azərbaycan Respublikasına aid xəritələr toplusu.

Tarixi

"Azərbaycan Respublikasının Milli Atlası"nın nəşri Azərbaycan Respublikası Prezidentinin 20 aprel 2011-ci il tarixli, 1436 nömrəli Sərəncamı ilə qərara alınmışdır.

2014-cü ildə "Azərbaycan Respublikasının Milli Atlası" tərtib olunub. Atlasın nüsxələri AMEA prezidenti, akademik Akif Əlizadənin tapşırığı ilə Aqrar Elmləri Bölməsi tərəfindən akademiyanın institutlarının kitabxanalarına təqdim olunub.

Həmin ildə AR Dövlət Torpaq və Xəritəçəkmə Komitəsi tərəfindən akademik Qərib Məmmədovun rəhbərliyi ilə atlasın CIS variantı hazırlandığı bildirilib.

2015-ci ilin yanvarında AMEA Naxçıvan Bölməsində atlasın təqdimat mərasimi keçirilib. Tədbiri giriş sözü ilə bölmənin sədri, akademik İsmayıl Hacıyev açaraq Milli Atlası indiyə kimi çap edilən mükəmməl mənbə kimi qiymətləndirib, Azərbaycanın dünyada tanıdılması baxımından böyük əhəmiyyət kəsb etdiyini vurğulayıb.

2015-ci il fevralında Azərbaycan Milli Elmlər Akademiyasında “Azərbaycan Respublikasının Milli Atlası” və “Cənubi Qafqaz. 1903-cü il” xəritələrinin təqdimat mərasimi keçirilib. Tədbiri AMEA-nın prezidenti, akademik Akif Əlizadə açaraq milli atlas haqqında məlumat verib. O, da “Azərbaycan Respublikasının Milli Atlası”nı indiyədək çap edilən ən mükəmməl mənbələrdən biri kimi qiymətləndirərək, atlasın Azərbaycanı dünyada tanıtmaq baxımından böyük əhəmiyyət kəsb etdiyini vurğulayıb.

Həmin ilin mayında Atlas Müəllif Hüquqları Agentliyi tərəfindən qeydiyyata alınıb və müvafiq Şəhadətnamə təqdim olunub.

Redaksiya heyəti

İlk tərkib

"Azərbaycan Respublikasının Milli Atlası"nın redaksiya heyəti Azərbaycan Respublikası Prezidentinin 20 aprel 2011-ci il tarixli, 1436 nömrəli Sərəncamı ilə aşağıdakı tərkibdə təsdiq edilmişdir:

Redaksiya heyətinin sədri

• Artur Rasi-zadə – Azərbaycan Respublikasının Baş naziri

Redaksiya heyəti sədrinin müavini

• Mahmud Kərimov – AMEA-nın həqiqi üzvü, Azərbaycan Milli Elmlər Akademiyasının prezidenti

Məsul katib

• Qərib Məmmədov – AMEA-nın həqiqi üzvü, Dövlət Torpaq və Xəritəçəkmə Komitəsinin sədri

Redaksiya heyətinin üzvləri

• Elmar Məmmədyarov – Xarici işlər naziri
• Şahin Mustafayev – İqtisadi inkişaf naziri
• Natiq Əliyev – Sənaye və energetika naziri
• Ziya Məmmədov – Nəqliyyat naziri
• İsmət Abasov – Kənd təsərrüfatı naziri
• Hüseynqulu Bağırov – Ekologiya və təbii sərvətlər naziri
• Əbülfəs Qarayev – Mədəniyyət və turizm naziri
• Misir Mərdanov – Təhsil naziri
• Oqtay Şirəliyev – Səhiyyə naziri
• Əli Abbasov – Rabitə və informasiya texnologiyaları naziri
• Azad Rəhimov – İdman və gənclər naziri
• Arif Vəliyev – Dövlət Statistika Komitəsinin sədri
• Akif Əlizadə – AMEA-nın həqiqi üzvü, AMEA-nın vitse-prezidenti, AMEA-nın Geologiya İnstitutunun direktoru
• Xoşbəxt Yusifzadə – AMEA-nın həqiqi üzvü, Azərbaycan Respublikası Dövlət Neft Şirkətinin birinci vitse-prezidenti
• Ağamusa Axundov – AMEA-nın həqiqi üzvü, AMEA-nın Humanitar və İctimai Elmlər Bölməsinin akademik-katibi, AMEA-nın Dilçilik İnstitutunun direktoru
• Əhliman Əmiraslanov – AMEA-nın həqiqi üzvü, AMEA-nın Biologiya Elmləri Bölməsinin akademik-katibi, Azərbaycan Tibb Universitetinin rektoru
• Budaq Budaqov – AMEA-nın həqiqi üzvü, AMEA-nın Coğrafiya İnstitutunun direktoru
• Abel Məhərrəmov – AMEA-nın həqiqi üzvü, Bakı Dövlət Universitetinin rektoru
• Ziyad Səmədzadə – AMEA-nın həqiqi üzvü, Azərbaycan İqtisadçılar İttifaqının sədri
• Yaqub Mahmudov – AMEA-nın müxbir üzvü, AMEA-nın Tarix İnstitutunun direktoru, Bakı Dövlət Universitetinin kafedra müdiri
• Məhərrəm Babayev – AMEA-nın müxbir üzvü, AMEA-nın Torpaqşünaslıq və Aqrokimya İnstitutunun direktoru

Yeni tərkib

Azərbaycan Respublikası Prezidentinin 10 dekabr 2013-cü il tarixli, 147 nömrəli Sərəncamı ilə "Azərbaycan Respublikasının Milli Atlası"nın redaksiya heyəti ləğv edilmiş və aşağıdakı yeni tərkibi təsdiq edilmişdir:

Redaksiya heyətinin sədri

• Artur Rasi-zadə - Azərbaycan Respublikasının Baş naziri.

Redaksiya heyəti sədrinin müavini

• Akif Əli Zadə - AMEA-nın həqiqi üzvü, Azərbaycan Milli Elmlər Akademiyasının prezidenti.

Məsul katib

• Qərib Məmmədov - AMEA-nın həqiqi üzvü, Dövlət Torpaq və Xəritəçəkmə Komitəsinin sədri.

Redaksiya heyətinin üzvləri

• Elmar Məmmədyarov - xarici işlər naziri
• Şahin Mustafayev - iqtisadiyyat və sənaye naziri
• Natiq Əliyev - energetika naziri
• Ziya Məmmədov - nəqliyyat naziri
• Heydər Əsədov - kənd təsərrüfatı naziri
• Hüseynqulu Bağırov - ekologiya və təbii sərvətlər naziri
• Əbülfəs Qarayev - mədəniyyət və turizm naziri
• Mikayıl Cabbarov - təhsil naziri
• Oqtay Şirəliyev - səhiyyə naziri
• Əli Abbasov - rabitə və informasiya texnologiyaları naziri
• Azad Rəhimov - gənclər və idman naziri
• Arif Vəliyev - Dövlət Statistika Komitəsinin sədri
• Xoşbəxt Yusifzadə - AMEA-nın həqiqi üzvü, Azərbaycan Respublikası Dövlət Neft Şirkətinin birinci vitse-prezidenti
• Kamal Abdullayev - AMEA-nın müxbir üzvü, AMEA-nın Humanitar və İctimai Elmlər Bölməsinin akademik katibi, Bakı Slavyan Universitetinin rektoru
• Əhliman Əmiraslanov - AMEA-nın həqiqi üzvü, AMEA-nın Biologiya Elmləri Bölməsinin akademik katibi, Azərbaycan Tibb Universitetinin rektoru
• Abel Məhərrəmov - AMEA-nın həqiqi üzvü, Bakı Dövlət Universitetinin rektoru
• Ziyad Səmədzadə - AMEA-nın həqiqi üzvü, Azərbaycan İqtisadçılar İttifaqının sədri
• Yaqub Mahmudov - AMEA-nın müxbir üzvü, AMEA-nın Tarix İnstitutunun direktoru, Bakı Dövlət Universitetinin kafedra müdiri
• Məhərrəm Babayev - AMEA-nın müxbir üzvü, AMEA-nın Torpaqşünaslıq və Aqrokimya İnstitutunun direktoru.

Azərbaycan Respublikası Prezidentinin 7 avqust 2017-ci il tarixli, 1574 nömrəli Fərmanı ilə Ziya Məmmədov redaksiya heyətindən çıxarılmış, nəqliyyat, rabitə və yüksək texnologiyalar naziri Ramin Quluzadə əlavə edilmişdir.

Haqqında

Milli Atlas əhatəli elmi məlumatları ehtiva etməklə, Azərbaycanın təbii şəraiti, əhalisi, iqtisadiyyatı, ekologiyası, tarixi, mədəniyyəti, elm və təhsili haqqında təsəvvür yaradır.

19 bölmə, 444 səhifə, 1000-ə yaxın xəritə, diaqram, cədvəl, izahedici mətn və digər məlumatlardan ibarət olan atlasın məzmunu Azərbaycanın bütün əsas iqtisadiyyat və sosial-mədəni sahələrini əhatə edir.

Atlas Azərbaycanın coğrafi şəraiti, relyefi, bitki örtüyü, heyvanat aləmi, tarixi, mədəniyyəti, təhsili və s. sahələrini əhatə edən unikal xəritələr toplusundan ibarətdir.

Milli Atlasın elektron forması Azərbaycanda yaradılacaq Milli Məkan Məlumatları İnfrastrukturunun fundamenti hesab edilib.

Həmçinin bax

İstinadlar

1. “Azərbaycan Respublikasının Milli Atlası”nın nəşri haqqında 2023-06-29 at the Wayback Machine AZƏRBAYCAN RESPUBLİKASI PREZİDENTİNİN 20 aprel 2011-ci il tarixli, 1436 nömrəli SƏRƏNCAMI. e-qanun.az  (az.)
2. "Azərbaycanın Milli Atlası tərtib olunub". Report İnformasiya Agentliyi (az.). 2020-06-21. 2024-01-26 tarixində . İstifadə tarixi: 2024-01-26.
3. "Azərbaycan Respublikasının Milli Atlasının elektron variantı hazırlanır". BiG.Az (az.). 2024-01-26 tarixində . İstifadə tarixi: 2024-01-26.
4. "AMEA Naxçıvan Bölməsində "Azərbaycanın Milli Atlası" təqdim olunub". Report İnformasiya Agentliyi (az.). 2020-06-21. 2024-01-26 tarixində . İstifadə tarixi: 2024-01-26.
5. "Azərbaycan Respublikasının Milli Atlasının təqdimat mərasimi keçirilib". Azərbaycan Coğrafiya Cəmiyyəti (az.). 2024-01-26 tarixində . İstifadə tarixi: 2024-01-26.
6. ""Azərbaycanın Milli Atlas"ına müəlliflik şəhadətnaməsi verilib - FOTO". Report İnformasiya Agentliyi (az.). 2020-06-21. 2024-01-26 tarixində . İstifadə tarixi: 2024-01-26.
7. “Azərbaycan Respublikasının Milli Atlası”nın redaksiya heyətinin yeni tərkibi haqqında 2023-06-29 at the Wayback Machine AZƏRBAYCAN RESPUBLİKASI PREZİDENTİNİN 10 dekabr 2013-cü il tarixli, 147 nömrəli SƏRƏNCAMI. (“Respublika” qəzeti, 11 dekabr 2013-cü il, № 272; Azərbaycan Respublikasının Qanunvericilik Toplusu, 2013-cü il, № 12, maddə 1568) e-qanun.az  (az.)
8. “Azərbaycan Respublikasının Nəqliyyat, Rabitə və Yüksək Texnologiyalar Nazirliyinin yaradılması haqqında” Azərbaycan Respublikası Prezidentinin 2017-ci il 13 fevral tarixli 2669 nömrəli Sərəncamının icrası ilə əlaqədar Azərbaycan Respublikası Prezidentinin bəzi fərman və sərəncamlarında dəyişikliklər edilməsi barədə 2022-08-28 at the Wayback Machine AZƏRBAYCAN RESPUBLİKASI PREZİDENTİNİN 7 avqust 2017-ci il tarixli, 1574 nömrəli FƏRMANI. (“Xalq” qəzeti, 8 avqust 2017-ci il, № 170) e-qanun.az  (az.)
9. ""Azərbaycan Respublikasının Milli Atlası" tərtib olunub". 2019-02-24 tarixində . İstifadə tarixi: 2024-01-26.

Xarici keçidlər

• ""Azərbaycan Respublikasının Milli Atlası" və "Cənubi Qafqaz. 1903-cü il" xəritəsinin təqdimatı keçirildi". science.gov.az (az.). İstifadə tarixi: 2024-01-26.
• "Azərbaycanın Milli Atlası təqdim olundu". Teleqraf.com (az.). 2015-02-02. İstifadə tarixi: 2024-01-26.