İsmət Abasov

İsmət Dursun oğlu Abasov (25 may 1954, İrəvan) — Azərbaycan siyasətçisi, Azərbaycan Respublikası Baş nazirinin müavini (2013–2018), Azərbaycan Respublikasının kənd təsərrüfatı naziri (2004–2013), iqtisad elmləri üzrə fəlsəfə doktoru, Yeni Azərbaycan Partiyasının üzvü. Azərbaycan Respublikası Baş nazirinin müavini.

İsmət Abasov
Azərbaycan Respublikası Baş nazirinin müavini
22 oktyabr 2013 – 21 aprel 2018
Azərbaycan Respublikasının kənd təsərrüfatı naziri
23 oktyabr 2004 – 22 oktyabr 2013
Əvvəlki	İrşad Əliyev
Sonrakı	Heydər Əsədov
Azərbaycan Respublikası kənd təsərrüfatı nazirinin birinci müavini
23 mart 1997 – 23 oktyabr 2004
Nazir	İrşad Əliyev
Sonrakı	Əhməd Əhmədzadə
Şəxsi məlumatlar
Doğum tarixi	25 may 1954(1954-05-25) (70 yaş)
Doğum yeri	İrəvan, Ermənistan SSR, SSRİ
Partiya	Yeni Azərbaycan Partiyası
Təhsili	Azərbaycan Xalq Təsərrüfatı İnstitutu (–1976)
Fəaliyyəti	siyasətçi, iqtisadçı
Elmi fəaliyyəti
Elmi dərəcəsi	fəlsəfə doktoru
Təltifləri
Vikianbarda əlaqəli mediafayllar

Həyatı

İsmət Dursun oğlu Abasov 25 may 1954-cü ildə İrəvan şəhərində anadan olmuşdur. 1971-ci ildə İrəvan şəhəri M. F. Axundov adına 9 saylı orta məktəbi, 1976-cı ildə D. Bünyadzadə adına Azərbaycan Xalq Təsərrüfatı İnstitutunu bitirmişdir. 1976–1980-ci illər Azərbaycan Dövlət Üzümçülük və Şərabçılıq Komitəsində Təchizat, Tədarük və Satış İdarəsində böyük mühəndis və şöbə rəisi, 1980–1989-cu illər Bakı Şampan Şərabları zavodunun planlaşdırma-istehsalat şöbəsinin rəisi və kommersiya məsələləri üzrə direktor müavini, 1989–1990-cı illər Bakı biskvit fabrikinin iqtisadi məsələlər üzrə direktor müavini, 1990–1993-cü illər Bakı 1 saylı şərab zavodunun iqtisadi məsələlər üzrə direktor müavini, 1993–1997-ci illər Bakı tütün kombinatında istehsalat üzrə direktor müavini, inzibati direktor, 1997–2004-cü illərdə respublika kənd təsərrüfatı nazirinin birinci müavini işləmiş, 23 oktyabr 2004-cü ildən 22 oktyabr 2013-cü ilə kimi isə respublikanın kənd təsərrüfatı naziri olmuşdur.

İqtisad elmləri üzrə fəlsəfə doktorudur, 1990-cı ildə Bakı şəhər Sovetinin deputatı seçilmişdir. 1993-cü ildən Yeni Azərbaycan Partiyasının üzvü, 2005-ci ildən isə Yeni Azərbaycan Partiyasının Siyasi Şurasının üzvü olmuşdur.

22 oktyabr 2013-cü ilə kimi Azərbaycan Stolüstü Tennis Federasiyasının prezidenti idi.

İsmət Abasov 2010-cu il may ayının 13–14-də İrəvan şəhərində keçirilən BMT-nin Ərzaq və kənd təsərrüfatı təşkilatı — FAO-nun 27-ci regional konfransında Əli Bayramov və Rəşad Məcidov ilə birgə iştirak etmişdir.

22 oktyabr 2013-cü ildə Azərbaycan Respublikası Kənd Təsərrüfatı naziri vəzifəsindən azad edildikdən sonra həmin tarixdən Azərbaycan Respublikası Baş nazirinin müavini təyin olunmuşdur.

23 may 2014-cü ildə ilə təltif edilmişdir. 2024-cü ildə ilə təltif edilmişdir.

Ailəlidir, iki övladı və beş nəvəsi var.

Əsərləri

• "Azərbaycanın kənd təsərrüfatı", Bakı, "Elm və təhsil" 2010. 592 səh. +24 səh.şəkil. 500 tiraj.
• "Ərzaq təhlükəsizliyi və kənd təsərrüfatının prioritet istiqamətləri", Bakı, "Elm və təhsil" 2011. 640 səh. +60 səh. şəkil. 500 tiraj.
• "Azərbaycanın və dünya ölkələrinin kənd təsərrüfatı". Bakı, "Şərq-Qərb" Nəşriyyat Evi, 2013. 712 səh, 500 tiraj.

İstinadlar

1. ABASOV İSMƏT DURSUN OĞLU 2013-10-19 at the Wayback Machine (az.)
2. İsmət Dursun oğlu Abbasov ^{[ölü keçid]}
3. "İ.D.Abasovun Azərbaycan Respublikasının kənd təsərrüfatı nazirinin birinci müavini vəzifəsindən azad edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". 2023-03-29 tarixində . İstifadə tarixi: 2023-03-29.
4. "İsmət Abasov İrəvanda səfərdədir" (az.). zaman.az. 10 May 2010. İstifadə tarixi: 2014-05-27.^{[ölü keçid]}
5. "Azərbaycan Respublikası Nazirlər Kabinetinin yeni tərkibi haqqında Azərbaycan Respublikası Prezidentinin Sərəncamı". 2014-11-09 tarixində . İstifadə tarixi: 2013-10-22.
6. "İ.D.Abasovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". 2021-06-23 tarixində . İstifadə tarixi: 2014-05-24.
7. "İ.D.Abasovun 2-ci dərəcəli "Vətənə xidmətə görə" ordeni ilə təltif edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-05-24 tarixində . İstifadə tarixi: 2024-05-24.
8. "Elektron kitbaxana — A". 2020-10-22 tarixində . İstifadə tarixi: 2013-10-21.

Vikianbarda İsmət Abasov ilə əlaqəli mediafayllar var.