Alberto Cakometti 10 oktyabr 1901 Borqonovo d Qraubünden kantonu 11 yanvar 1966 Kur d isveçrə heykəltaraşı boyakar və qr

Alberto Cakometti (10 oktyabr 1901^[…], Borqonovo^[d], Qraubünden kantonu – 11 yanvar 1966^[…], Kur^[d]) — İsveçrə heykəltaraşı, boyakar və qrafik.

Alberto Cakometti
ing. Alberto Giacometti
Alberto Cakometti
Doğum tarixi	10 oktyabr 1901
Doğum yeri	Qraubünden kantonu, Stampa yaxınlığında Borqonovo, İsveçrə
Vəfat tarixi	11 yanvar 1966 (64 yaşında)
Vəfat yeri	Kur, Qraubünden kantonu, İsveçrə
Vəfat səbəbi	Ağciyərlərin xroniki obstruktiv xəstəliyi
Dəfn yeri	Borqonovo^[d]
Həyat yoldaşı	Anette Arm
Atası	Covanni Cakometti^[d]
Fəaliyyəti	Sürrealizm, Ekspressionizm, Kubizm
Fəaliyyət illəri	1913–1966
Mükafatları	"Heykəltaraşlıq Qrand mükafatı" 1962-ci ildə Venis Binnel
Vikianbarda əlaqəli mediafayllar

Həyatı

Erkən həyatı

Boyakar Covanni Cakomettinin (1868–1933) oğludur. Cenevrədə Zərif Sənətlər Məktəbində, İncəsənət və peşə məktəbində oxumuşdur (1919–20). 1920–21-ci illərdə İtaliyada olmuş, italyan incəsənətini, antik memarlığı, Qədim Misir kolleksiyalarını öyrənmişdir. 1922-ci ildən Parisdə yaşamış, 1925-ci ilədək E.A. Burdelin "Qrand-Şomyer" akademiyasındakı emalatxanasında təcrübə toplamışdır.

Sonrakı həyatı

Ən yeni cərəyanların təsiri ilə Cakometti yaradıcılığında kubizm formaları meydana gəldi ("Tors", 1925, Kunsthaus, Sürix, Cakometti fondu); Afrika və Kolumbaqədərki Amerika incəsənətinə, Kiklat adalarındakı bütlərə maraq onun bir sıra əsərlərində əksini tapmışdır ("Baş", 1925, Müasir İncəsənət Milli Muzeyi, Paris). 1920-ci illərin sonundan Cakometti sürrealizm təmsilçiləri ilə yaxınlaşmışdır; bu dövr heykəltaraşlığında bəsitləşən formalar abstraksiyaya yaxınlaşır ("Tamaşa edən baş", 1927–28, Kunsthaus, Sürix).

Fəaliyyəti

İrreal formalar axtarışında Cakometti şəbəkəli struktura ("Saray səhər saat 4-də", 1932–33, Müasir İncəsənət Muzeyi, Nyu-York), üfüqi sərili heykəllərə müraciət edir ("Başı kəsilmiş qadın", 1932, orada). 1934-cü ildən sürrealizm cərəyanından uzaqlaşan Cakometti fərdi üslubunu inkişaf etdirmişdir ["Görünməyən obyekt" ("Boşluğu saxlayan əllər"), 1934, Yel universitetinin rəssamlıq qalereyası, Nyu-Heyven].

İrsi

İkinci dünya müharibəsi illərində Cenevrədə olan Cakometti tuncdan miniatürlər ("Adam cığaz kürsülük üzərində ", 1940–41, şəxsi kolleksiya, Paris) və gözəl natürmortlar ("Bufet üzərində alma", 1937) yaratmışdır.

Əsərləri

Sənətkar 1945-ci ildə Parisə qayıtmışdır; J.P. Sartrın və J. Jenenin Cakometti yaradıcılığı haqqında məqalələri ona şöhrət gətirmişdir. Son dövr əsərlərini tuncla işləmişdir ("Əyləşmiş qadın", 1946, Müasir İncəsənət Milli Muzeyi, Paris; "Büdrəmiş insan", 1950, Kunsthaus, Sürix). Fransız ekzistensializminin təsiri ilə yaratdığı əsərlərində təcrid olunmuş, özünə qapanmış fiqurlar ağac gövdəsinə bənzədilir, müxtəlifmiqyaslı personaj və detalları birləşdirən priyomlar heykəltaraşlığı boyakarlıq perspektiv effektləri ilə zənginləşdirir ["Tala" ("Doqquz fiqur ilə kompozisiya", 1950, Kunsthaus, Sürix), "Təməl üzərində dörd fiqur" (1950, A. Maqın kolleksiyası, Paris) və s.]. Son dövr boyakarlıq portretlərində perspektiv ixtisarlar, yığcam və ya uzadılmış məkan effektlərindən istifadə edilmişdir ("Rəssamın anası", 1951, Müasir İncəsənət Milli Muzeyi, Paris).

Həmçinin bax

İstinadlar

RKDartists (nid.).
Bibliothèque nationale de France BnF identifikatoru (fr.): açıq məlumat platforması. 2011.
Alberto Giacometti (nid.).
http://vocab.getty.edu/page/ulan/500118871.
https://data.bnf.fr/ark:/12148/cb11904811p.
Library of Congress Authorities (ing.). Library of Congress.
The Fine Art Archive. 2003.
Cakometti// Büssel – Çimli-podzol torpaqlar / baş red. M.K. Kərimov. — Azərbaycan Milli Ensiklopediyası. — Bakı: "Azərbaycan Milli Ensiklopediyası" Elmi Mərkəzi, 2014. — 25 cilddə. — V cild. — Səhifələrin sayı: 592. — Səh.: 170. — 25 000 nüsx. — .

Xarici keçidlər

Alberto Cakometti fondunun rəsmi internet saytı
Alberto Cakometti verilənlər bazası
Alberto Cakomettinin İsveç Milli Kitabxanasındakı əsərləri^{[ölü keçid]}
Alberto Cakomettinin Müasir İncəsənət Muzeyindəki əsərləri

[_8af93166d927678e-1] RKDartists (nid.).

[_d1ce6bb758ce63ca-2] Bibliothèque nationale de France BnF identifikatoru (fr.): açıq məlumat platforması. 2011.

[_78de1502277d07a4-3] Alberto Giacometti (nid.).

[_715a0e0456cac811-4] ttp://vocab.getty.edu/page/ulan/500118871.

[_9e239ea5876981ef-5] ttps://data.bnf.fr/ark:/12148/cb11904811p.

[_eee1a2ba84e04d3a-6] Library of Congress Authorities (ing.). Library of Congress.

[_6acfbc10b75efa40-7] The Fine Art Archive. 2003.

[:0-8] Cakometti// Büssel – Çimli-podzol torpaqlar / baş red. M.K. Kərimov. — Azərbaycan Milli Ensiklopediyası. — Bakı: "Azərbaycan Milli Ensiklopediyası" Elmi Mərkəzi, 2014. — 25 cilddə. — V cild. — Səhifələrin sayı: 592. — Səh.: 170. — 25 000 nüsx. — .