Adıge Xabl abq Адыгьа ХӀабльа kab çərk Адыгэ Хьэблэ qaraç balk Адыге Хабль noq Адыге Хабль Rusiya Federasiyası Qaraçay ç

Adıge-Xabl (abq. Адыгьа-ХӀабльа, kab.-çərk. Адыгэ Хьэблэ, qaraç.-balk. Адыге-Хабль, noq. Адыге-Хабль) — Rusiya Federasiyası, Qaraçay-Çerkesiya Respublikasının kənd, Adıge-Xabl rayonunun inzibati mərkəzi.

Adıge-Xabl



Ölkə	Rusiya
Tarixi və coğrafiyası
Mərkəzin hündürlüyü	443 m
Əhalisi
Əhalisi	4.492 nəf. (2023)
Rəqəmsal identifikatorlar
Telefon kodu	+7 87870
Poçt indeksi	369330
Xəritəni göstər/gizlə Adıge-Xabl

Tərkibində yeganə yaşayış məntəqəsi olan inzibati ərazi vahidliyinə aiddir.

Coğrafiyası

Adıge-Xabl rayonunun şərq hissəsində, Kiçik Zelençuk çayının sağ sahilində yerləşir. Çerkessk şəhərindən 12 km şimal-qərbdə, P217 şossesi üzərində yerləşir. Kənd yaşayış məntəqəsinin sahəsi 11,75 km²-dir.

Aşağıdakı yaşayış məntəqələri ilə həmsərhəddir: cənub-qərbdə İkon-Xalq, şimal-qərbdə Adil Xalq, şimalda Erken Xalq və Erken-Şaxar.

Kənd respublikanın meşə-çöl zonasında, Qafqazın şimal yamaclarının aşağı hissəsində yerləşir. Kənd yaşayış məntəqəsinin ərazisindəki orta hündürlük dəniz səviyyəsindən 443 metr təşkil edir. Mütləq yüksəkliklər 500 metrdən çoxdur.

Torpaq örtüyü son dərəcə müxtəlifdir. Ərazidə qara torpaqlar yayılmışdır.

Hidroqrafik şəbəkə əsasən Kiçik Zelençuk çayı ilə təmsil olunur. Kəndin şimalında böyük bir su anbarı vardır.

İqlimi isti mülayimdir. Orta illik temperaturu + 10 °C-dir. İyul ayının orta temperaturu + 21,5 °C, yanvarın ayının orta temperaturu −2 °C təşkil edir. Yayda maksimum temperatur + 38 °C-ə çatır. Qışda minimum temperatur −30 °C-ə enə bilər. Günəşli günlərin sayı 210-dur. Kifayət qədər rütubətə sahib olsa da, yay aylarının sonu quraqlıq gətirən güclü şərq və şimal-şərq küləkləri müşahidə edilir. Bir illik yağıntının miqdarı 680 mm təşkil edir. Yağıntılar əsasən aprel-iyun ayları düşür.

Tarixi

Kənd 1925-ci ildə Xabez kəndindən gələn köçkünlər tərəfindən qurulmuşdur. İlk məskunlaşanlar tərəfindən kənd "Adıge-Xabl" adlandırılır. Sonradan kəndə abazinlər, noqaylər və ruslar da köçür.

1936-cı ildə Çərkəz Muxtar Vilayətinin İkon-Xalq rayonunun inzibati mərkəzi olur. 1955-ci ildə İkon-Xalq rayonu ləğv edilir.

1957-ci ildə kənd Qaraçay-Çərkəz Muxtar Vilayətinin yeni yaradılan Adıge-Xabl rayonunun inzibati mərkəzi olur.

Yaşayış məntəqəsi respublikanın qida sənayesinin mərkəzlərindən biridir.

Əhali

Milli tərkib

2010-cu il Ümumrusiya siyahıya alınmasının məlumatlarına görə rayonun milli tərkibi haqqında aşağıdakı məlumatlar verilmişdir:

xalq	say, nəf. (2010)	ümumi əhaliyə olan nisbət, % (2010)
çərkəzlər	2 173	55,1 %
noqaylar	682	17,3 %
ruslar	385	9,7 %
abazinlər	346	8,8 %
qaraçaylılar	60	1,5 %
digərləri	300	7,6 %
ümumi	3 946	100 %

Mədəniyyət

Mədəniyyət evi

Adıge-Xabl kitabxana sistemi

İctimai-siyasi təşkilatlar:

Adıge Hase

Əmək və Müharibə Veteranları Şurası

İstinadlar

"Численность постоянного населения Российской Федерации по муниципальным образованиям на 1 января 2023 года (с учётом итогов Всероссийской переписи населения 2020 г.)" (rus). 2023-08-18. İstifadə tarixi: 2023-08-23..
. 2014-06-09 tarixində orijinalından arxivləşdirilib. İstifadə tarixi: 2019-10-27.

Mənbə

Аул Адыге-Хабль на официальном сайте КЧР
Официальный сайт Адыге-Хабльского района
Институт географии РАН: Адыге-Хабль

[_45ebe4a0800a5efa-1] "Численность постоянного населения Российской Федерации по муниципальным образованиям на 1 января 2023 года (с учётом итогов Всероссийской переписи населения 2020 г.)" (rus). 2023-08-18. İstifadə tarixi: 2023-08-23..

[2] . 2014-06-09 tarixində orijinalından arxivləşdirilib. İstifadə tarixi: 2019-10-27.