Şarja Amerika Universiteti

Şarja Amerika Universiteti (ərəb. الجامعة الأميركية في الشارقة) — Birləşmiş Ərəb Əmirliklərinin Şarja şəhərində özəl universitet. Universitet 1997-ci ildə Ali Şuranın üzvü və Şarja hökmdarı Sultan bin Məhəmməd Əl Qasimi tərəfindən təsis edilib.

Şarja Amerika Universiteti
^HGYO
Əsası qoyulub	1997
Ölkə	BƏƏ
Sayt	aus.edu
Vikianbarda əlaqəli mediafayllar

Universitet mühəndislik sistemlərinin idarə edilməsi üzrə 26 ixtisas və 48 bakalavr dərəcəsi, həmçinin 16 magistr və fəlsəfə doktoru dərəcələri təklif edir. Universitet üç kollec və bir məktəbdən ibarətdir.

Şarja Amerika Universiteti Birləşmiş Ərəb Əmirliklərinin Ali Təhsil və Elmi Tədqiqatlar Nazirliyinin Akademik Akkreditasiya Komissiyası tərəfindən lisenziyaya malikdir. Universitet ABŞ Ali Təhsil Komissiyası tərəfindən akkreditə olunub.

Tarixi

Şarja Amerika Universiteti 1997-ci ildə Şarja əmiri Sultan bin Məhəmməd Əl-Qasimi tərəfindən təsis edilib. Universitet 2000-ci ildə ilk Biznesin İdarəedilməsi Magistri (MBA) dərəcəsini təsis etdi və növbəti il ​​ilk buraxılışını keçirdi. Amerika Ali Təhsil Komissiyası 2004-cü ildə universitetə ​​akkreditasiya verdi.

2006-cı ildə Əmir Əl-Qasimi yeni Universitet kitabxanasının açılışını etdi. Universiteti 2009-cu ildə 5000-dən çox tələbə bitirdi. 2010-cu ildə universitetin Memarlıq üzrə bakalavr proqramı Şimali Amerikadan kənarda olan, ABŞ Milli Memarlıq Akkreditasiya şurası tərəfindən akkreditasiyaya layiq görülən ilk proqram oldu. 2012-ci ildə Yaxın Şərq MBA proqramı Körfəz bölgəsindəki özəl universitet tərəfindən təklif olunan ən yaxşı proqram kimi qiymətləndirdi.

Kampusları

Şarja Amerika Universiteti, Şarja şəhərinin mərkəzindən 16 km (10 mil) və qonşu Dubay Əmirliyindən təxminən 25 km məsafədə, Universitet şəhərciyində yerləşir.

Universitet kampusunun mərkəzi 12 tədris korpusdan ibarətdir. Akademik binalarda sinif otaqları və mühazirə zalları, kitabxana, laboratoriyalar, emalatxanalar, rəqəmsal studiyalar və ofislər yerləşir. Kampusa tələbə yataqxanaları və böyük idman kompleksi daxildir.

Kitabxanası

11.000 kv. m. ərazisi olan Universitet kitabxanası ingilis dilində 141.000 əşyadan ibarət fiziki kolleksiyaya malikdir. Bununla belə, materiallar ərəb dilində də mövcuddur. Kitabxananın internet saytında onlayn kataloq sistemi də mövcuddur. Oturacaqların tutumu təxminən 800 nəfərdir. Universitetin arxiv şöbəsində müxtəlif akademik və inzibati departamentləri tərəfindən yaradılmış qeydlər və materiallar saxlanılır.

Qlobal reytinqləri

Ardıcıl iki il, 2017 və 2018-ci illərdə Şarja Amerika Universiteti qlobal miqyasda beynəlxalq tələbələrin ən yüksək faizinə malik olan universitetlər siyahısına başçılıq edib.

2024-cü ildə Universitet QS World University Rankings görə 332-ci yerdə qərarlaşıb.

Beynəlxalq mübadilə proqramları

Beynəlxalq Mübadilə proqramları şöbəsi öz tələbələrinə və müəllim heyətinə xaricə alimləri göndərmək və qəbul etmək imkanı vermək üçün yaradılmışdır. Proqram digər ölkələrin universitetlərində bir semestr və ya bir il təhsil almaq istəyən tələbələrlə işləyir. Şöbə həmçinin universitetdə təhsil almaq üçün gələn xarici tələbələrin qəbulunu asanlaşdırır.

Beynəlxalq Mübadilə proqramları şöbəsi həmçinin tələbələrə, alimlərə və nümayəndə heyətlərinə beynəlxalq təqaüdlər və təcrübə ilə bağlı tanışlıq səfərləri təşkil edir.

Həmçinin bax

• BƏƏ-də təhsil
• Dubay Kanada Universiteti
• Dubay Universiteti

İstinadlar

1. "Arxivlənmiş surət". 2015-12-25 tarixində arxivləşdirilib. İstifadə tarixi: 2025-02-04.
2. "Shaikh Sultan to inaugurate new AUS library Wednesday". Khaleej Times. 2023-04-12 tarixində arxivləşdirilib. İstifadə tarixi: 2019-03-14.
3. "UAE MBAs among best in Arab world". gulfnews.com (ingilis). 2021-05-11 tarixində arxivləşdirilib. İstifadə tarixi: 2019-03-14.
4. "American University of Sharjah introduces new Master of Arts in International Studies". theprint.in. 2024.
5. "NCEES: AUS registration". 2013-08-03 tarixində orijinalından arxivləşdirilib. İstifadə tarixi: 2013-07-15.
6. "NCEES: AUS registration". 2013-08-03 tarixində orijinalından arxivləşdirilib. İstifadə tarixi: 2013-07-15.
7. "Search". 2017-06-07 tarixində arxivləşdirilib. İstifadə tarixi: 2025-02-04.
8. "AUS Library". 19 June 2011. 30 November 2024 tarixində arxivləşdirilib. İstifadə tarixi: 4 February 2025.
9. "International student table 2018: top 200 universities". Times Higher Education (THE) (ingilis). 2018-05-16. 2020-11-11 tarixində arxivləşdirilib. İstifadə tarixi: 2019-05-23.
10. "American University of Sharjah". Top Universities (ingilis). 2015-12-25 tarixində arxivləşdirilib. İstifadə tarixi: 2023-10-09.
11. "International Study and Exchange". 9 November 2016. 26 March 2023 tarixində arxivləşdirilib. İstifadə tarixi: 4 February 2025.
12. "International Study and Exchange". 9 November 2016. 26 March 2023 tarixində arxivləşdirilib. İstifadə tarixi: 4 February 2025.
13. "International Student Exchange Programs". 2023-12-28 tarixində arxivləşdirilib. İstifadə tarixi: 2025-02-04.
14. "Studying Abroad at the American University in Sharjah". wellesleystudentabroadinsharjah.blogspot.ae. 2016-10-20 tarixində arxivləşdirilib. İstifadə tarixi: 2025-02-04.

Xarici keçidlər