Şahmalı Kürdoğlu

Şahmalı Mirsəqulu oğlu Hacıyev (12 aprel 1930, Ağdam rayonu – 6 noyabr 1992) — azərbaycanlı xanəndə

Şahmalı Hacıyev-Kürdoğlu
Ümumi məlumatlar
Doğum adı	Hacıyev Şahmalı Mirsəqulu oğlu
Doğum tarixi	12 aprel 1930
Doğum yeri	Qiyaslı, Ağdam, Azərbaycan
Vəfat tarixi	6 noyabr 1992 (şəhid olmuşdur) (62 yaşında)
Dəfn yeri	Ağdam rayonu
Vətəndaşlığı	Azərbaycan SSR—> Azərbaycan
Milliyyəti	azərbaycanlı
Musiqiçi məlumatları
Fəaliyyəti	Xanəndə

Həyatı

1930-cu il aprelin 12 də Ağdamın Qiyaslı kəndində dünyaya göz açıb. Atası, əslən Dərələyəz mahalından Mirsəqulu Fətəliyev qaçaq olub. Daha sonra Qarabağa üz tutub. Ağdamın Qiyaslı kəndinə sığınıb Ermənilərin onu tanımaması üçün özünə "kürd" ləqəbi götürüb. Təqiblərə məruz qalmamaqdan ötrü anası oğlunun soyadını "Hacıyev" yazdırıb. Buna baxmayaraq atasının adına uyğun olaraq Şahmalı Kürdoğlu kimi tanınıb.

Şahmalı Kürdoğlu Ağdam pedaqoji institutunu (indiki Şuşa Pedaqoji Texnikumu) Aşqabad Universitetinin hüquq fakültəsini, Asəf Zeynallı adına musiqi texnikumunu, Bakı Dövlət Universitetinin filologiya fakültəsini bitirib. Asəf Zeynallı adına Musiqi Kollecində Seyid Şuşinskidən muğam təhsili alıb. İslam Abdullayev, Xan Şuşinski, Seyid Şuşinski kimi xanəndələrin davamçısı hesab olunurdu.

Atasına görə Sovet hökuməti onu ixtisası üzrə işləməyə qoymamışdı. Bir müddət rayon məktəblərindən birində müəllim kimi fəaliyyət göstərib. Fikrət Əmirov Ağdama "Leyli və Məcnun"da oynaya bilən xanəndə tapmaq üçün gəldikdə Şahmalı Kürdoğlunu Bakıya dəvət edir. Şahmalı Kürdoğlu bundan sonra filarmoniyada konsertlər verir.

1978-ci ildə həbs olunub. Yeddi il Şuşa türməsində məhbus həyatı yaşayıb. "Şur" ansamblının yaradıcılarından biri olub.

Şahmalı Kürdoğlu 1992-ci ildə Ağdamda həyətlərində 8 yaşlı oğlu Şahiməli ilə birlikdə nar yeyərkən həyətə düşən "qrad" qəlpəsinin partlaması ilə həlak olub.

Ailəsi

İki dəfə ailə həyatı qurub. Şahmalı Hacyevin 6 övladı var. Vaqif, Afət, Ceyhun, Seyhun, Tərxun və Şahiməlı.

İstinadlar

1. "Erməni qadın onu 7 il həbs etdirdi, yas yerində "Rast" oxudu, həyətinə düşən mərmidən 8 yaşlı oğlu ilə şəhid oldu – Məşhur müğənninin film kimi həyatı". Kulis.az (az.). 2024-01-30 tarixində . İstifadə tarixi: 2024-01-30.
2. . web.archive.org. 2017-06-15. Archived from the original on 2017-06-15. İstifadə tarixi: 2024-01-30.
3. "UNUDULMAYAN ŞAHMALI KÜRDOĞLU". www.anl.az. 2024-01-30 tarixində . İstifadə tarixi: 2024-01-30.
4. "Bir Şahmalı var idi". www.anl.az. 2024-01-30 tarixində . İstifadə tarixi: 2024-01-30.
5. "Şəhid xanəndə - Şahmalı Kürdoğlu". www.anl.az. 2024-01-30 tarixində . İstifadə tarixi: 2024-01-30.

Mənbə

• Azərbaycan muğamının şəhidlik zirvəsi — Ədalət qəzeti ^{[ölü keçid]}