İsfəndiyar Vahabzadə

İsfəndiyar Bəxtiyar oğlu Vahabzadə (4 avqust 1954, Bakı) — filologiya elmləri doktoru, professor, diplomat, Moldova Respublikası Elmlər Akademiyasının həqiqi üzvü.

İsfəndiyar Vahabzadə
Haqq Ədalət Partiyasının sədr müavini
25 yanvar 2020 – 7 noyabr 2022
Sədr	Əli İnsanov
Azərbaycan Respublikasının Müstəqil Dövlətlər Birliyinin nizamnamə və digər orqanları yanında daimi səlahiyyətli nümayəndəsi
26 may 2011 – 6 dekabr 2016
Azərbaycan Respublikasının Belarus Respublikasındakı Fövqəladə və səlahiyyətli səfiri
20 aprel 2011 – 6 dekabr 2016
Azərbaycan Respublikasının Moldova Respublikasındakı Fövqəladə və səlahiyyətli səfiri
27 may 2005 – 20 aprel 2011
Xaricdə Yaşayan Azərbaycanlılarla İş üzrə Dövlət Komitəsinin sədr müavini
23 fevral 2004 – 1 iyun 2005
Azərbaycan Respublikasının BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndəsi
28 iyun 1999 – 19 oktyabr 2001
Azərbaycan Respublikasının Pakistan İslam Respublikasındakı Fövqəladə və səlahiyyətli səfiri
1 iyul 1997 – 28 iyun 1999
Sonrakı	Eynulla Mədətli
Azərbaycan Respublikası mədəniyyət nazirinin müavini
7 iyul 1994 – 1 iyul 1997
Nazir	Polad Bülbüloğlu
Şəxsi məlumatlar
Doğum tarixi	4 avqust 1954(1954-08-04) (69 yaş)
Doğum yeri	Bakı, Azərbaycan SSR, SSRİ
Partiya	Haqq Ədalət Partiyası (2020–2022)
Təhsili	Bakı Dövlət Universiteti, Bakı Ali Partiya Məktəbi
İxtisası	şərqşünaslıq
Fəaliyyəti	diplomatiya, yazıçılıq
Atası	Bəxtiyar Vahabzadə
Təltifləri	Belarusiya Yazıçılar İttifaqının Qızıl Qələm mükafatı

Həyatı

İsfəndiyar Vahabzadə 4 avqust 1954-cü ildə Bakıda anadan olmuşdur. 1971–1976-cı ildə Azərbaycan Dövlət Universitetinin Şərqşünaslıq fakültəsində təhsil almışdır. 1986–1988-ci illərdə Bakı Ali Partiya Məktəbində oxumuşdur. 2002–2004-cü illərdə Azərbaycan Dillər Universitetinin və Ali Diplomatiya Kollecinin müəllimi olmuşdur. Filologiya elmləri doktoru, professor və Moldova Respublikası Elmlər Akademiyasının həqiqi üzvüdür. Azərbaycan Yazıçılar Birliyinin (1996) və Belarus Yazıçılar İttifaqının, eləcə də Belarus Jurnalistlər Birliyinin üzvüdür.

Fars, dari, türk və rus dillərini bilir.

Ailəsi

• Bəxtiyar Vahabzadənin oğludur.

Diplomatik fəaliyyəti

1976–1979-cu illərdə İranın Hərbi Nazirliyində hərbi tərcüməçi işləmişdir. 1979–1983-cü illərdə Azərbaycan Komsomolunun Mərkəzi Komitəsində baş referent vəzifəsində çalışmışdır.

1983–1985-ci illərdə Əfqanıstanda hərbi tərcüməçi (SSRİ Müdafiə Nazirliyi) tərcüməçi vəzifəsində işləmişdir.

1 iyul 1997-ci il tarixində İsfəndiyar Vahabzadəyə Fövqəladə və Səlahiyyətli Səfir vəzifəsi verilmiş, Azərbaycan Respublikasının Pakistan İslam Respublikasındakı Fövqəladə və Səlahiyyətli səfiri təyin olunmuşdur. O bu vəzifədən 28 iyun 1999-cu il tarixində geri çağırılmışdır.

İsfəndiyar Vahabzadə 28 iyun 1999-cu il tarixində Azərbaycan Respublikasının BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndəsi təyin edilmişdir. Bu vəzifədən 19 oktyabr 2001-ci il tarixində geri çağırılmışdır.

İsfəndiyar Vahabzadə İlham Əliyev prezident seçildikdən sonra, 2004-cü ilin fevral ayının 23-də Azərbaycan Respublikasının Xarici Ölkələrdə Yaşayan Azərbaycanlılarla İş üzrə Dövlət Komitəsi sədrinin müavini təyin edilmişdir. 27 may 2005-ci il tarixində Azərbaycan Respublikasının Moldovada Fövqəladə və Səlahiyyətli səfiri təyin olunmuş, bu səbəbdən 1 iyul 2005-ci tarixində Azərbaycan Respublikasının Xarici Ölkələrdə Yaşayan Azərbaycanlılarla İş üzrə Dövlət Komitəsi sədrinin müavini vəzifəsindən azad edilmişdir. 20 aprel 2011 tarixində vəzifəsindən geri çağırılmış və həmin gün Azərbaycan Respublikasının Belarus Respublikasındakı Fövqəladə və Səlahiyyətli səfiri vəzifəsinə təyin olunmuşdur. 26 may 2011-ci il tarixində eyni zamanda Müstəqil Dövlətlər Birliyinin nizamnamə və digər orqanları yanında daimi səlahiyyətli nümayəndəsi təyin edilmişdir. 6 dekabr 2016-cı ildə İsfəndiyar Vahabzadə Azərbaycan Respublikasının Belarus Respublikasında fövqəladə və səlahiyyətli səfiri və eyni zamanda Azərbaycan Respublikasının Müstəqil Dövlətlər Birliyinin nizamnamə və digər orqanları yanında daimi səlahiyyətli nümayəndəsi vəzifələrindən geri çağırılmışdır.

Siyasi fəaliyyəti

1985–1986-cı illərdə Azərbaycan Komsomolunun Mərkəzi Komitəsində baş referent vəzifəsində çalışmışdır. 1988–1990-cı illərdə Bakı şəhər Partiya Komitəsinin təşkilat işi şöbəsində təlimatçı vəzifəsində, 1990–1991-ci illərdə Bakı Şəhər Səbail rayonunun İcraiyyə Komitəsində Sədr vəzifəsində işləmişdir.

1991–1994-cü illərdə Azərbaycan Respublikası Xarici İşlər Nazirliyində şöbə müdiri olaraq çalışmışdır.

7 iyul 1994-cü ildə İsfəndiyar Vahabzadə Azərbaycan Respublikası Mədəniyyət Nazirinin müavini vəzifəsinə təyin olunmuşdur. 1 iyul 1997-ci il tarixində vəzifəsindən azad edilmişdir.

Partiya fəaliyyəti

İsfəndiyar Vahabzadə 2019-cu ildə Əli İnsanovun rəhbərliyi ilə təşkil olunan Haqq Ədalət Partiyası Təşkilat Komitəsinin üzvü olmuş və 25 yanvar 2020 tarixində partiyanın Təsis Konfransında partiya sədrinin müavini və İdarə Heyətinin üzvü seçilmişdir.

5 noyabr 2022-ci il tarixində Haqq Ədalət Partiyasının sədri Əli İnsanov prezident İlham Əliyevin apardığı siyasəti birmənalı dəstəklədiyini açıqlamışdır. Bu açıqlamanın ardınca 7 noyabr 2022-ci il tarixində partiyanın sədr müavinləri İsfəndiyar Vahabzadə, Qüdrət Quliyev və partiya sədrinin müşaviri Nuridə Hidayət partiyadan istefa verdiklərini elan etmişdirlər.

Ədəbi və elmi fəaliyyəti

Ədəbi fəaliyyətə 70-ci illərdən başlamışdır. Dövri mətbuatda klassik ədəbiyyatın, müasir ədəbi-tənqidi fikrin problemləri haqqında məqalələr dərc etdirmişdir. "Süleyman Rüstəmin yaradıcılığında cənub mövzusu"nda namizədlik, "Məhəmməd Hadi və XX əsr Azərbaycan romantizmi" mövzusunda doktorluq dissertasiyası müdafiə etmişdir (1983).

"Süleyman Rüstəm və Cənub mövzusu" (1986), "Millətimin imzası" (1982) və "Sanma taleyindən küskündür şerim" (1995) kitabları, yüzdən artıq el-mipublisistik məqalələri çap olunmuşdur.

1996-cı ildən Azərbaycan Yazıçılar Birliyinin üzvüdür.

Mükafatları

Belarus Yazıçılar İttifaqının "Qızıl Qələm" ordeni ilə təltif edilmişdir.

İstinadlar

1. . 2019-06-27 tarixində orijinalından arxivləşdirilib. İstifadə tarixi: 2018-08-18.
2. "Xalq şairi Bəxtiyar Vahabzadənin oğlu, Azərbaycanın Belarusdakı sabiq səfiri İsfəndiyar Vahabzadə". 2018-08-10 tarixində . İstifadə tarixi: 2018-08-18.
3. "İsfəndiyar Vahabzadə: "Səməd Vurğunun əleyhinə deyilənlər gülünc ittihamlardır"". 2019-05-10 tarixində . İstifadə tarixi: 2018-08-18.
4. "Arxivlənmiş surət". 2017-04-18 tarixində . İstifadə tarixi: 2021-10-22.
5. "Arxivlənmiş surət". 2017-04-18 tarixində . İstifadə tarixi: 2021-10-22.
6. "Arxivlənmiş surət". 2021-10-22 tarixində . İstifadə tarixi: 2021-10-22.
7. "Arxivlənmiş surət". 2021-10-22 tarixində . İstifadə tarixi: 2021-10-22.
8. "Arxivlənmiş surət". 2021-10-22 tarixində . İstifadə tarixi: 2021-10-22.
9. "Arxivlənmiş surət". 2017-05-29 tarixində . İstifadə tarixi: 2021-10-22.
10. "Arxivlənmiş surət". 2021-10-22 tarixində . İstifadə tarixi: 2021-10-22.
11. "Arxivlənmiş surət". 2021-10-22 tarixində . İstifadə tarixi: 2021-10-22.
12. "Arxivlənmiş surət". 2021-10-22 tarixində . İstifadə tarixi: 2021-10-22.
13. "Arxivlənmiş surət". 2021-10-22 tarixində . İstifadə tarixi: 2021-10-22.
14. "Arxivlənmiş surət". 2021-10-22 tarixində . İstifadə tarixi: 2021-10-22.
15. "Arxivlənmiş surət". 2021-10-22 tarixində . İstifadə tarixi: 2021-10-22.
16. "Arxivlənmiş surət". 2021-10-22 tarixində . İstifadə tarixi: 2021-10-22.
17. "Arxivlənmiş surət". 2017-04-18 tarixində . İstifadə tarixi: 2021-10-22.
18. "Arxivlənmiş surət". 2021-10-22 tarixində . İstifadə tarixi: 2021-10-22.
19. https://qafqazinfo.az/news/detail/eli-insanov-ilham-eliyevi-desteklediyini-aciqladi-video-381277
20. https://demokrat.az/az/news/128995/isfendiyar-vahabzade-eli-insanovun-partiyasindan-istefa-verdi-foto

Xarici keçidlər

• İsfəndiyar Vahabzadə: "Belarus həmişə Azərbaycanı dəstəkləyib" – MÜSAHİBƏ  (az.) // 24 aprel 2015.
• İsfəndiyar Vahabzadə: "…15 aydır işsizəm, bu yandan da deyirlər Bəxtiyar Vahabzadənin oğlu yağ-bal içində üzür"  (az.) // 7 aprel 2018.