Polad Bülbüloğlu

Polad Bülbüloğlu (doğum adı: Polad Murtuza oğlu Məmmədov; 4 fevral 1945, Bakı) — Azərbaycan bəstəkarı və müğənnisi, Azərbaycanın sabiq mədəniyyət naziri (1988–2006), Azərbaycanın Rusiyadakı fövqəladə və səlahiyyətli səfiri (2006–h. h.), Azərbaycan SSR xalq artisti (1982), Türkmənistanın xalq artisti (2017),TÜRKSOY-un sədri (1994), Dağıstan Respublikasının əməkdar incəsənət xadimi.

Polad Bülbüloğlu
Azərbaycan Respublikasının Rusiya Federasiyasında fövqəladə və səlahiyyətli səfiri
Vəzifədədir
30 yanvar 2006-cı ildən
Əvvəlki	Ramiz Rizayev
Azərbaycan Respublikasının mədəniyyət naziri
5 fevral 1991 – 30 yanvar 2006
Əvvəlki	vəzifə təsis edilib
Sonrakı	Əbülfəs Qarayev
Azərbaycan SSR mədəniyyət naziri
26 dekabr 1988 – 5 fevral 1991
Əvvəlki	Zakir Bağırov
Sonrakı	vəzifənin adı dəyişdirilib
Şəxsi məlumatlar
Doğum adı	Polad Murtuza oğlu Məmmədov
Doğum tarixi	4 fevral 1945(1945-02-04) (79 yaş)
Doğum yeri	Bakı, Azərbaycan SSR, SSRİ
Vətəndaşlığı	SSRİ Azərbaycan
Təhsili	Bakı Musiqi Akademiyası
Fəaliyyəti	bəstəkar, müğənni, aktyor, diplomat
Atası	Bülbül
Anası	Adelaida Məmmədova
Dini	islam
Təltifləri	2020 2005 2015 2019 1982 1970 Azərbaycanda ilin adamı mükafatı (2009)
Vikianbarda əlaqəli mediafayllar

Həyatı

Polad Murtuza oğlu Məmmədov 4 fevral 1945-ci ildə Bakıda anadan olmuşdur. Özünə soyad kimi atasının ləqəbini — Bülbül götürmüşdür. 1968-ci ildə Azərbaycan Dövlət Konservatoriyasını bitirmişdir (Qara Qarayevin sinfi). Polad geniş yayılmış bir sıra mahnıların müəllifi və onların ifaçısı kimi tanınmışdır. Kino-filmlərin, dram tamaşalarının musiqilərinin, simfoniya, simfonik poema və.s əsərlərin müəllifidir. 1973-cü ildə Azərbaycan SSR əməkdar artisti, 1982-ci ildə isə Azərbaycan SSR xalq artisti fəxri adlarını alıb. 1987-ci ildən Azərbaycan Dövlət Filarmoniyasının direktoru və bədii rəhbəri vəzifələrində çalışıb.

Azərbaycanın Rusiyadakı fövqəladə və səlahiyyətli səfiri Polad Bülbüloğlu Müqəddəs Knyaz Nevski mükafatına layiq görülüb. Səfir bu mükafata Rusiyanın Regionlararası İctimai Fondu tərəfindən layiq görülüb.

Polad Bülbüloğlu Rusiya və Azərbaycan xalqları arasında sülhün, anlaşmanın qorunmasında, dostluq tellərinin möhkəmlənməsindəki xidmətlərinə görə təltif edilib.

O, Azərbaycanın ərazi bütövlüyü uğrunda apardığı mübarizəni beynəlxalq ictimaiyyətə dürüst təqdim etdiyinə, diplomatiyaya qoyulan təbii məhdudiyyətlərə baxmayaraq verdiyi bəyanatlar və müsahibələrdə ölkəmizin ədalətli mövqeyinin güzəştsiz olduğunu aşıladığına, ictimai düşüncədə mövcud olan anlaşılmazlıq və ziddiyyətlərə, cəmiyyətin hələ hər hansı riskli addıma hazır olmamasına baxmayaraq Dağlıq Qarabağa etdiyi səfərlərdə, münaqişəyə səbəb olmuş tərəfin — ermənilərin düz içərisində Azərbaycanın maraqlarına uyğun apardığı işə, yaratdığı "Məhəbbət və ölüm" baletinin Rusiya Federasiyasının paytaxtı Moskva şəhərində tamaşaya qoyulması ilə böyük mədəniyyətimizə verdiyi samballı töhfəyə, ölkəmizin imici üçün göstərdiyi səylərdə mənəviyyət və vətənpərvərlik nəzər nöqtəsindən çıxış etdiyinə görə Azərbaycanda "2009-cu İlin Adamı" elan edilib.

2005-ci ildə ilə təltif edilib.

3 fevral 2015-ci ildə ilə təltif edilmişdir.

18 may 2016-cı ildə məşhur heykəltaraş və rəssam Zurab Seretellinin "Mənim müasirlərim" adlı heykəllər silsiləsi çərçivəsində Moskvada Polad Bülbüloğlunun abidəsinin açılışı olub.

2017-ci ildə "Rus ifaçılıq sənəti" (rus. Русское исполнительное искусство) İctimai Fondunun 25 illiyi medalına layiq görülüb. 2019-cu ilin iyul ayında Polad Bülbüloğlu 2-ci dərəcəli "Vətənə xidmətə görə" ordeni ilə təltif olunub.

2020-ci ildə Azərbaycan mədəniyyətinin inkişafında böyük xidmətlərinə və uzunmüddətli səmərəli ictimai-siyasi fəaliyyətinə görə Azərbaycanın ən ali ordeni olan ilə təltif edilib.

Filmoqrafiya

• Abbas Səhhət (film, 2007)(qısametrajlı sənədli film) (AzTV) - musiqisindən istifadə edilən bəstəkar ("Uşaqlığın son gecəsi" filmindən)
• Abşeron ritmləri (film, 1970) (tammetrajlı musiqili-bədii film) - bəstəkar, filmdə iştirak edən
• Aktrisanın təbəssümü (film, 1974)
• Ay çox, il çox... (film, 1985)
• Babək (film, 1979)
• Cavanşir (film, 2002)
• Dolu (film, 2012)
• Əliyevin əli (film, 2000)
• Ən vacib müsahibə (film, 1971)
• Ərənlər (film, 2005)
• Hökmdarın taleyi (film, 2008)
• İşgüzar səfər (film, 1982)
• İstintaq davam edir (film, 1966)
• Qorxma, mən səninləyəm
• Qorxma, mən səninləyəm! 1919 (film, 2013)
• Mahnı qanadlarında (film, 1972)
• Mən mahnı qoşuram (film, 1979)
• Mənə inanın! (film, 2007)
• Mənim günahım (film, 1985)
• Nəğməkar torpaq (film, 1981)
• Oxuyur Müslüm Maqomayev (film, 1971)
• Oxuyur Şövkət Ələkbərova (film, 1970)
• Papaq (film, 2007)
• Payızın 17 anı (film, 2007)
• Poladın mahnıları (film, 1982)
• Rəfibəylilər (film, 2009)
• Sevinc buxtası (film, 1977)
• Səmt küləyi (film, 1973)
• Səni axtarıram (film, 1981)
• Sürüşmə (film, 1991)
• Şəki (film, 1977)
• Tikdim ki, izim qala (film, 1997)
• Toy (film, 2005)
• Uşaqlığın son gecəsi (film, 1968)
• Ürək nəğməsi (film, 1989)
• Ürək... Ürək... (film, 1976)
• Var olun, qızlar... (film, 1972)
• Yarımçıq xatirələr (film, 2015)
• Yarımçıq qalmış mahnı (film, 1979)
• Yol əhvalatı (film, 1980)
• Zəlimxan dastanı (film, 2007)
• Zirvəyə gedən yol (film, 1995)

Xatirəsi

1995-ci ildə Polad Bülbüloğlunun 50 illik yubileyinə Tofiq İmirli tərəfindən istehsal olunmuş Zirvəyə gedən yol adlı qısametrajlı sənədli film həsr olunmuşdur.

İstinadlar

1. . 2018-07-11 tarixində orijinalından arxivləşdirilib. İstifadə tarixi: 2017-04-30.
2. "Polad Bülbüloğluna Dağıstanın "Əməkdar incəsənət xadimi" fəxri adı verilib". 2020-10-23 tarixində . İstifadə tarixi: 2015-02-25.
3. "Polad Bülbüloğlunun "İkinci bahar"ı – FOTOLAR" (az.). modern.az. İstifadə tarixi: 2023-10-23.
4. . 2012-01-27 tarixində orijinalından arxivləşdirilib. İstifadə tarixi: 2010-02-22.
5. "Görkəmli musiqiçi Polad Bülbüloğlunun 67 yaşı tamam oldu" (az.). www.anl.az. 2012-11-05 tarixində . İstifadə tarixi: 2023-10-23.
6. . 2015-10-19 tarixində orijinalından arxivləşdirilib. İstifadə tarixi: 2015-08-31.
7. Lider TV. "Səda - Polad Bülbüloğlunun heykəli qoyuldu (18.05.2016)" (az.). Youtube.com. 18.05.2016. 2022-03-26 tarixində . İstifadə tarixi: 2016-05-19.
8. lent.az. (az.). Lent.az. 23.10.2017. 2017-10-25 tarixində orijinalından arxivləşdirilib. İstifadə tarixi: 2017-10-25.
9. "Azərbaycan Respublikası Prezidentinin Sərəncamı". 2019-07-11 tarixində . İstifadə tarixi: 2019-07-11.
10. "P. Bülbüloğlunun "Heydər Əliyev" ordeni ilə təltif edilməsi haqqında Azərbaycan Respublikası Prezidentinin Sərəncamı". 2021-09-29 tarixində . İstifadə tarixi: 2020-02-03.

Xarici keçidlər

Vikianbarda Polad Bülbüloğlu ilə əlaqəli mediafayllar var.