Bronks əhvalatı ing A Bronx Tale Robert de Nironun 1993 cü ildə çəkdiyi və özündə dram və döyüş kimi janrları cəmləşdirə

Bronks əhvalatı (ing. A Bronx Tale) — Robert de Nironun 1993-cü ildə çəkdiyi və özündə , dram və döyüş kimi janrları cəmləşdirən ABŞ filmidir. Film Robert de Nironun rejissor kimi debüt işidir. O, filmi atasının xatirəsinə həsr etmişdir.

Bronks əhvalatı
ing. A Bronx Tale

Janr	dram
Rejissor	Robert de Niro
Prodüserlər	Ceyn Rozental Robert de Niro Con Kilik
Əsərin müəllifi	Çezz Palminteri
Ssenari müəllifi	Çezz Palminteri
Baş rollarda	Robert de Niro Çezz Palminteri Lillo Brankato Frensis Kapra
Operator	Reynaldo Vilyalobos
Bəstəkar	Butç Barbella
Montajçı	Devid Rey^[d]
İstehsalçı	Tribeca Productions
Distribütor	Netflix
İlk baxış tarixi	14 sentyabr 1993 (Toronto Beynəlxalq Film Festivalı) 29 sentyabr 1993 (ABŞ)
Filmin növü	bədii film
Müddət	121 dəqiqə
Büdcə	$10 milyon
Gəlir	$17,287,898
Ölkələr	ABŞ
Dil	ingilis dili
İl	1993
Rəng	rəngli
Çəkiliş yeri	Nyu-York, Nyu Cersi
IMDb	ID0106489

Film (əsl adı Kalocero Lorenso Palminteri) avtobioqrafik pyesi əsasında ekranlaşdırılıb. İlk zamanlar müəllif kitabın ekranlaşdırılması üçün müəllif hüquqlarını satmaqdan imtina edirdi. O, yalnız Robert de Nironun ona filmin ssenari müəllifi olmağı və filmdə baş rollardan birini oynamağı təklif etməsindən sonra əsərin müəllif hüquqlarını satmağa razılaşıb.

Məzmun

Xəbərdarlıq: Yazının davamı əsərin məzmunu haqqında məlumat ehtiva edir.

Film atası (Robert de Niro) sadə avtobus sürücüsü işləyən, İtaliyanın Bronks məhəlləsindən olan Kalocero adlı oğlan haqqındadır. Uşaqlıqda Kalocero yerli qanqsterlərin başçısı olan Sonninin (Çezz Palminteri) törətdiyi qətlin şahidi olur, ancaq o, polisə yalan məlumatlar verir, nəticədə cinayətkar Sonni azadlıqda qalır. Uşağı olmayan Sonni, Kaloceronu öz himayəsinə götürür. Bununla da Kalocero sanki iki ata tərbiyəsi ilə böyüməli olur, lakin doğma atası Sonninin onun oğluna verdiyi dərsləri bəyənmir.

Gənc oğlan olduqdan sonra, Kalocero digər ictimai problem ilə üzləşir, belə ki, onun italyan məhəlləsindən olan dostları afroamerikan məhəlləsindən olan gənclərlə mübahisə edirlər, məhz belə bir zamanda Kalocero həmin məhəllədən olan mulat Ceyn Vilyamsla görüşməyə başlayır. İtaliyalı yeniyetmələr afroamerikalıların yaşadığı məhəlləyə hücum etmək istəyirlər, ancaq bu hücum onlar üçün faciə ilə bitir.

Filmin sonunda Sonni ölür. Kalocero mafiya başçısının dəbdəbəli dəfn mərasiminə gəlir, bu zaman ona ata kimi olan Sonni ilə təklikdə vidalaşmağa imkan yaradılır. Kaloceronun qarşısında həyat yolunun seçimi ilə bağlı yenidən çətin məsələ dayanır.

Xəbərdarlığın sonu.

Rollarda

Robert de Niro — Lorenso Anello
— Sonni LoSpekko
— Kalocero "Si" Anello (17 yaşında)
— Kalocero Anello (9 yaşında)
— Ceyn Vilyams
— Rozina Anello
— Cimmi "Pıçıltı"
— Karmayn

İstinadlar

Kachka, Boris. "How 'A Bronx Tale' Got Told — New York Magazine". Nymag.com. 2007-10-14. 2020-09-28 tarixində . İstifadə tarixi: 2014-02-20.
"A Bronx Tale (1993)". Box Office Mojo. 1993-11-16. 2012-07-21 tarixində . İstifadə tarixi: 2014-02-20.
"В Италии состоялась премьера фильма Роберта Де Ниро о его отце". Tass.ru. 2020-01-19 tarixində . İstifadə tarixi: 2014-12-30.

Xarici keçidlər

Bronks əhvalatı — Internet Movie Database saytında.

Bronks əhvalatı Allmovie saytında

[1] Kachka, Boris. "How 'A Bronx Tale' Got Told — New York Magazine". Nymag.com. 2007-10-14. 2020-09-28 tarixində . İstifadə tarixi: 2014-02-20.

[2] "A Bronx Tale (1993)". Box Office Mojo. 1993-11-16. 2012-07-21 tarixində . İstifadə tarixi: 2014-02-20.

[3] "В Италии состоялась премьера фильма Роберта Де Ниро о его отце". Tass.ru. 2020-01-19 tarixində . İstifadə tarixi: 2014-12-30.