Həsən ibn Təlal

Həsən ibn Təlal (ərəb. الحسن بن طلال‎; 20 mart 1947, Amman) — İordaniya kralı I Təlalın oğullarından biri, taxt vəliəhdi.

Həsən ibn Təlal
ərəb. حسونه‎
Şəxsi məlumatlar
Doğum tarixi	20 mart 1947(1947-03-20)(77 yaş)
Doğum yeri	Amman, İordaniya
Təhsili	Harrou Məktəbi^[d], Oksford Universiteti
Fəaliyyəti	siyasətçi
Atası	Talal I of Jordan
Anası	Zein al-Sharaf Talal
Ailəsi	Haşimilər
Dini	sünni islam
Rütbəsi	general
Vikianbarda əlaqəli mediafayllar

1947-ci ildə Ammanda dünyaya gəldi. Atası İordaniya kralı I Təlal, anası isə onun türk əsilli xanımı Zeynəl-şərəf bint Cəmildir. Orta təhsilini Ammanda tamamladıqdan sonra İngiltərəyə göndərildi və Oksford Universitetinin şərqşünaslıq fakültəsində təhsil aldı.Ərəbcə, ingiliscə, fransızca və almanca sərbəst danışa bilir, türkcə və ispanca yaxşı səviyyədə bilir. Universitet illərində isə ivrit dili üzrə dərslər aldı.1951-ci ildə babasının ölümü və atasının qısa səltənətinin ardından böyük qardaşı I Hüseyn taxta çıxarıldı. 1965-ci ildə konstitusiya dəyişikliyinin ardından İordaniya taxtının vəliəhdi elan olundu və qardaşının ölümündən 3 həftə öncə qardaşıoğlu Abdullah təyin edilənədək bu vəzifədə qaldı.

34 il boyunca taxta çıxmağı gözləyən Həsən ibn Təlalın kralın ölümünə 3 həftə qalmış vəzifədən alınmasında bir neçə versiya irəli sürülür. Bəziləri kralın son illərdə səhhətinin pis olması və naib olaraq dövlət idarəsini ələ alan Həsən ibn Təlalın ordunun yuxarı zümrələrində vəzifə dəyişikliyi etmə niyyətini buna səbəb göstərir. Bir qrup tədqiqatçı isə bunu I Hüseynin səltənəti öz şəcərəsində tutmaq istəməsi kimi izah edir.

Ailəsi

1968-ci ildə hindu siyasətçi Məhəmməd İkramullahın qızı Sərvət İkramullah ilə evləndi. Cütlüyün bu nigahdan 4 övladı dünyaya gəldi.

• Rəhimə bint Həsən (13 avqust 1969-), 1997-ci ilin iyulunda İordaniyanın keçmiş Energetika naziri Alaa Bataynehlə evləndi və 2 övladı doğuldu.
  • Ayşə bint Batayneh (2 yanvar 2002-)
  • Arif ibn Batayneh (15 fevral 2006-)
• Süməyya bint Həsən (14 may 1971-), 1992-ci ilin avqustunda İordaniyanın keçmiş Xarici işlər naziri Nasir Cudiylə evləndi və 4 övladı doğuldu. 2007-ci ildə cütlük boşandı.
  • Tarık ibn Cudi (1994-)
  • Zeynəl-şərəf bint Cudi (1994-)
  • Əli ibn Cudi (1996-)
  • Sukayna bint Cudi (1998-)
• Bədiyyə bint Həsən (28 mart 1974-), 24 iyun 2005-ci ildə Xalid Eduard Bleyrlə evləndi və bir övladı doğuldu.
  • Əli ibn Xalid
• Raşid ibn Həsən (20 may 1979-), 22 iyul 2011-ci ildə tennisçi Zeyna Şaban ilə evləndi və 2 övladı doğuldu.
  • Həsən ibn Raşid (2013-)
  • Təlal ibn Raşid (2016-)

İstinadlar

1. al-Hassan bin Talal // AlKindi.
2. Hassan // Munzinger Personen (alm.).
3. "Statement from the Royal Hashemite Court". rhc.jo (ingilis). 2023-06-01. İstifadə tarixi: 2024-12-28.
4. "HRH Prince EL Hassan Bin Talal - Religions for Peace" (ingilis). 2020-10-14. İstifadə tarixi: 2024-12-28.
5. "THE COURT OF KING HUSSEIN. - Free Online Library". www.thefreelibrary.com. İstifadə tarixi: 2024-12-28.
6. "H.R.H. Prince El Hassan bin Talal; Chairman of RSS Board of Trustees". Royal Scientific Society. Archived from the original on 29 March 2009
7. "THE MAN WHO WOULD BE KING. - Free Online Library". www.thefreelibrary.com. İstifadə tarixi: 2024-12-28.
8. "Hussein sacks brother in favour of half-English son. - Free Online Library". www.thefreelibrary.com. İstifadə tarixi: 2024-12-28.
9. Terrill, W. Andrew. Global Security Watch—Jordan (ingilis). Bloomsbury Academic. 2010-07-20. ISBN .