Wordtris Sergey Utkin Vyaçeslav Tsoy və Ermənistanın keçmiş prezidenti Armen Sarkisyan tərəfindən dizayn olunmuş və 1991

Wordtris – Sergey Utkin, Vyaçeslav Tsoy və Ermənistanın keçmiş prezidenti Armen Sarkisyan tərəfindən dizayn olunmuş və 1991-ci ildə buraxılmış videooyun. "Tetris" oyununun davamı kimi buraxılmışdır.

Wordtris

Hazırlayanlar	Realtime Associates^[d]
Yayımlayanlar	Spectrum HoloByte^[d]
Buraxılış tarixləri	1991
Janr	pazl video oyunu^[d]
Bəstəkar	Ed Boqas^[d]
Texniki məlumat
Platforma	DOS əməliyyat sistemi, Super Nintendo Entertainment System^[d], Klassik Mac OS^[d]
Oyun rejimi	çoxnəfərli oyun, birnəfərli oyun

Qeympley

Oyunun qeympleyi "Tetris" oyununa olduqca oxşardır. Oyunun məqsədi yuxarıdan düşən hərflərlə ən az 3 hərfən ibarət olan sözlər yaratmaqdır. Sözlər şaquli və ya üfuqi formada yaradıla bilər. Əgər oyunçu ekranın yuxarısında qeyd olunan sehrli sözü yığa bilsə, bütün sətirlər təmizlənir və oyunçu böyük bonus qazanır.

Bəzən yuxarıdan "?" kimi işarə olunan sərbəst hərf düşür. Oyunçu bu dropu istədiyi hərf kimi seçə bilər. Əgər seçim etməsə, drop təsadüfi bir hərfə çevrilir.

İstehsal

Oyun 1980-ci illərdə SSRİ Elmlər Akademiyasında işləyən Armen Sarkisyan, Sergey Utkin və Vyaçeslav Tsoy tərəfindən hazırlanmışdır. Oyunun ideyası bir dildən digər dilə tərcümə aparan hazırlayarkən yaranmışdır. Onlar hazırladıqları oyunu dostlarına göstərsələr də, sovet rejimi səbəbilə oyunu yayımlaya bilməmişdirlər.

1987-ci ildə Sarkisyan SSRİ-nin icazəsi ilə ABŞ-də təhsil almağa yollanmış və oyunun bir neçə nüsxəsini özü ilə aparmışdır. ABŞ-də erməni diasporundan olan vəkillərin məsləhəti ilə oyunun hüquqlarını ABŞ-dəki bir videooyun şirkətinə verməyə qərar vermişdir. Sarkisyan oyun üçün əvvəlcə "Armenia" və "America" sözlərinin birləşməsindən ibarət olan "Armenica" adını təklif etmişdir. O, Kaliforniyaya yollanaraq "" şirkəti ilə əməkdaşlıq edən "" şirkətinə oyunun demosunu təqdim etmişdir.

"Spectrum Holobyte" oyunu bəyənmiş və 1988-ci ildə Ermənistana gələrək oyunun tam versiyanı görmək istəyini bildirmişdir. Utkin və Tsoy İrəvana köçərək Sarkisyanla birlikdə oyunu mükəmmələşdirmişdirlər. Onlar oyuna ingilis dili dəstəyi və musiqi əlavə etmiş, oyunu qaraçı dilində "söz ustası" mənasına gələn "Lavengro" adlandırmışdırlar. ABŞ şirkətinin təmsilçiləri SSRİ-yə gizli şəkildə – turist kimi gələrək oyuna baxmış və Sarkisyanı müqavilə üçün ABŞ-yə dəvət etmişdirlər. Şirkət ona oyunun "Wordtris" adı ilə və "Tetris" oyununun davamı kimi buraxılacağını açıqlamışdır.

Qəbul

"Computer Gaming World" oyun müsbət fikir bildirmişdir: "Xələfləri kimi Wordtris də əsəbedici olduğu qədər aludəçilik yaradan oyundur … Tetris klassik oyundur. Wordtris onun etdiyinin daha yaxşısını edir".

İstinadlar

Sarkisyan, Armen. "Guest Column: Apple TV's 'Tetris' is Only One Half of the Story of Soviet-Born Video Games". The Hollywood Reporter (ingiliscə). 22 mart 2023. 2024-04-30 tarixində . İstifadə tarixi: 30 aprel 2024.
Lasky, Michael S. "In a Word, "Yes!"". Computer Gaming World. No. 89. dekabr 1991. 102. 2013-12-03 tarixində . İstifadə tarixi: 20 aprel 2024.

[tetris-1] Sarkisyan, Armen. "Guest Column: Apple TV's 'Tetris' is Only One Half of the Story of Soviet-Born Video Games". The Hollywood Reporter (ingiliscə). 22 mart 2023. 2024-04-30 tarixində . İstifadə tarixi: 30 aprel 2024.

[lasky199112-2] Lasky, Michael S. "In a Word, "Yes!"". Computer Gaming World. No. 89. dekabr 1991. 102. 2013-12-03 tarixində . İstifadə tarixi: 20 aprel 2024.