Xəyyam Abdullazadə

Xəyyam Musa oğlu Abdullazadə (22 fevral 1979, Mamırlı, Mirbəşir rayonu) — Azərbaycan kinorejissoru, ssenarist və şair.

Xəyyam Abdullazadə
Digər adları	Xəyyam Abdullayev Xəyyam Abdulla
Doğum tarixi	22 fevral 1979(1979-02-22) (45 yaş)
Doğum yeri	Mamırlı, Mirbəşir rayonu, Azərbaycan SSR, SSRİ
Vətəndaşlığı	SSRİ  Azərbaycan
Fəaliyyəti	rejissor ssenarist şair
Fəaliyyət illəri	2004-cü ildən
Təhsili	Azərbaycan Dövlət Mədəniyyət və İncəsənət Universiteti
İstiqamət	kino televiziya serial
Üzvlüyü	Azərbaycan Respublikası Kinematoqrafçılar İttifaqı

Həyatı

Xəyyam Abdullazadə 22 fevral 1979-cu ildə Tərtər rayonunun Mamırlı kəndində anadan olub. Orta məktəbi bitirdikdən sonra, 2000-ci ildə Azərbaycan Dövlət Mədəniyyət və İncəsənət Universitetinin "Rejissorluq" fakültəsinə daxil olub. 2004-cü ildə universiteti bitirərək ixtisası üzrə fəaliyyət göstərməyə başlayıb. ANS, SPACE, LİDER, AZTV, İTV televiziya kanallarında çalışaraq bir sıra yadda qalan layihələrin müəllifi və rejissoru olub. "Azərbaycanfilm" kinostudiyasında və "Mozalan" satirik kinojurnalında çalışıb. Çəkdiyi "Koramal" filmi Latviya, Serbiya, Ukrayna, İran və Azərbaycanda, "Nəfəs" filmi Ukraynada, "İşıq gələn tərəf" filmi İspaniyada beynəlxalq film festivallarının mükafatlarına layiq görülüb. "Ağ qan" filmi ilə Gent Beynəlxalq Film Festivalı (Belçika), Dubay Beynəlxalq festivalı (Birləşmiş Ərəb Əmirlikləri), Gulf Beynəlxalq Film Festivalı (Birləşmiş Ərəb Əmirlikləri), Tirana Beynəlxalq Film Festivalı (Albaniya), Tbilisi Beynəlxalq Film Festivalı (Gürcüstan), Batumi Beynəlxalq Film Festivalı (Gürcüstan), Kinofest Beynəlxalq Film Festivalı (Rumıniya), Kipr Beynəlxalq Film Festivalında; "İşıq gələn tərəf" filmi ilə Clermont-Ferrand Beynəlxalq Film Festivalı (Fransa), Friburq Beynəlxalq Film Festivalı (İsveçrə), Skepto Beynəlxalq Film Festivalında (İtaliya) iştirak etmişdir.

Xəyyam Abdullazadə "Exa prodakşn" MMC-nin direktoru vəzifəsini icra edir. Azərbaycan Respublikası Kinematoqrafçılar İttifaqının üzvüdür. 3 fəlsəfi şeir kitabının müəllifidir.

Mükafatları

• 2008 — Azərbaycan Respublikası Gənclər və İdman Nazirliyinin mükafatı (kinematoqrafiya sahəsində fərqləndiyinə görə)
• 2009 — 2Annas Beynəlxalq Film Festivalının (Latviya) "Special Mention" mükafatı ("Koramal" filminə görə)
• 2009 — VIII Dokufest Beynəlxalq Film Festivalının (Serbiya) "Special Mention" mükafatı ("Koramal" filminə görə)
• 2009 — VII Start Beynəlxalq Film Festivalının (Azərbaycan) "Special Mention" mükafatı ("Koramal" filminə görə)
• 2009 — III Steps Beynəlxalq Film Festivalında (Ukrayna) "Ən yaxşı rejissor işi" nominasiyasının qalibi ("Nəfəs" filminə görə)
• 2009 — III Steps Beynəlxalq Film Festivalında (Ukrayna) "Ən yaxşı rejissor işi" nominasiyasının qalibi ("Koramal" filminə görə)
• 2010 — IV Rəhmət Beynəlxalq Film Festivalında (İran) "Ən yaxşı film" nominasiyasının qalibi ("Koramal" filminə görə)
• 2014 — "Humay" milli mükafatı ("Məryəm" filminə görə)
• 2016 — IV Soria Beynəlxalq Film Festivalında (İspaniya) "Ən yaxşı ssenari" nominasiyasının qalibi ("İşıq gələn tərəf" filminə görə)
• 2016 — XIII Signs of the Night Beynəlxalq Film Festivalının (Fransa) münsiflər heyətinin xüsusi mükafatı ("İşıq gələn tərəf" filminə görə)

Filmoqrafiya

1. Nəfəs (film, 2007)
2. Koramal (film, 2009)
3. Qara qutu (film, 2009)
4. Ağ qan (film, 2012)
5. Məryəm (film, 2013)
6. İşıq gələn tərəf (film, 2015)
7. Qırx arşın quyunun dibi (film, 2016)
8. Solğun çiçəklər (serial, 2019)
9. Anamın kitabı (serial, 2020)
10. Xosrov və Şirin (serial, 2021)
11. Şeyx Sənan (serial, 2023)
12. Coğrafiya müəllimi (film, 2023)

Kitabları

• Şüurüstü. Bakı: Şərq-Qərb, 2010
• Rənglərin fəlsəfəsi. Bakı: Şərq-Qərb, 2015
• Daş. Bakı: Şərq-Qərb, 2019

İstinadlar

1. APA. ""İşıq gələn tərəf" filmi Paris film festivalında xüsusi mükafata layiq görülüb" (az.). APA. 11.12.2015. 2022-04-04 tarixində . İstifadə tarixi: 2021-03-21.
2. AzərTAc. ""İşıq gələn tərəf" filmi daha bir beynəlxalq festivalda ölkəmizi təmsil edir" (rus). AzərTAc. 20.03.2016. 2022-04-04 tarixində . İstifadə tarixi: 2021-03-21.
3. Афет Ислам. "Не просто смотреть, но и размышлять" (rus). Зеркало. 20.11.2009. İstifadə tarixi: 2021-03-21.
4. İntiqam. "Filmimiz beynəlxalq kinofestivalda mükafat qazanıb" (az.). "Mədəniyyət" qəzeti. 26.08.2009. 2022-04-04 tarixində . İstifadə tarixi: 2021-03-21.
5. APA. "Azərbaycan filmi Serbiyada keçirilən beynəlxalq kino festivalında mükafat qazanıb" (az.). APA. 18.08.2009. 2022-04-04 tarixində . İstifadə tarixi: 2021-03-21.
6. AzərTAc. "Азербайджанский фильм завоевал награду международного кинофестиваля в Сербии" (rus). AzərTAc. 18.08.2009. İstifadə tarixi: 2021-03-21.
7. APA. "Azərbaycan rejissorlarının istehsal etdiyi "Nəfəs" və "Koramal" filmləri III "Steps" beynəlxalq kinofestivalında mükafata layiq görülüb" (az.). APA. 28.12.2009. 2022-04-04 tarixində . İstifadə tarixi: 2021-03-21.
8. Həmidə. ""Humay" mükafatı qaliblərə təqdim edilib" (az.). "Mədəniyyət" qəzeti. 04.06.2014. 2022-04-04 tarixində . İstifadə tarixi: 2021-03-21.
9. Sənət.az. ""İşıq gələn tərəf" filmi festival qalibi olub" (az.). Sənət.az. 28.11.2016. 2022-01-21 tarixində . İstifadə tarixi: 2021-03-21.
10. Sputnik. "Azərbaycan filmi Paris festivalında mükafat qazandı" (az.). Sputnik. 04.01.2016. İstifadə tarixi: 2021-03-21.
11. Gülçin Cəmil. "İtkin düşmüş şəxslərlə bağlı filmin təqdimatı olub" (az.). Report. 17.10.2023. İstifadə tarixi: 2023-10-17.
12. Sevinc Mürvətqızı. ""Rənglərin fəlsəfəsi"" (az.). 525-ci qəzet. 13.04.2015. 2022-04-04 tarixində . İstifadə tarixi: 2021-03-21.
13. APA. ""Rənglərin fəlsəfəsi" kitabı işıq üzü görüb" (az.). APA. 11.03.2015. 2022-04-04 tarixində . İstifadə tarixi: 2021-03-21.

Xarici keçidlər

• Хайям Абдуллаев — КиноПоиск
• Мы верим, что фильм "Марьям" добьется успеха на международных фестивалях — режиссер Хаййам Абдуллаев