Lider TV 1 sentyabr 2000 ci il tarixində fəaliyyətə başlayan Azərbaycanın özəl telekanallarından biri idi 16 iyun 2020 c

Lider TV — 1 sentyabr 2000-ci il tarixində fəaliyyətə başlayan, Azərbaycanın özəl telekanallarından biri idi. 16 iyun 2020-ci ildə məhkəmə qərarı ilə müflis elan edilmişdir. 1 iyun 2021-ci ildən etibarən Lider TV və radiosunun fəaliyyəti rəsmən dayandırılmışdır.

Lider TV
1 sentyabr 2010-cu il tarixindən fəaliyyətini dayandırdığı günə kimi istifadə edilən loqotip
Ölkə	Azərbaycan
Dil	Azərbaycan dili
Baş qərargah	Şəfayət Mehdiyev küçəsi 177, Bakı, Azərbaycan
Yaranma tarixi	1 sentyabr 2000
Bağlanma tarixi	1 iyun 2021
Sahibi	Ədalət Əliyev
Şüar	Biz sizinləyik!
Qardaş kanallar	Lider Jazz FM
Sayt	lidertv.com

Tarixçə

Lider TV 1 sentyabr 2000-ci ildə fəaliyyətə başlamışdır. "Lider Tv&Radio-Azərbaycan" MMC-nin nəzdində fəaliyyət göstərən telekanal idi. 30 avqust 2001-ci ildən Lider televiziyası dünya teleməkanına daxil olaraq, dünyaya yayımlanmağa başlamışdır.

Lider TV klip yayımına görə ölkədə ilk yerlərdə idi. Yeni çəkilmiş hit klipləri tez-tez Lider TV-nin efirində görmək olurdu.

2003-cü il Prezident seçkiləri günü axşam saatlarında baş verən hadisələr zamanı Azad Azərbaycan TV-nin çəkiliş heyəti ilə yanaşı Lider TV-nin çəkiliş heyəti də ciddi zərər görmüşdülər. Oktyabrın 15-dən 16-na keçən gecə Lider TV-nin müxbiri Sahil Kərimlinin Müsavat Partiyasının qərargahı önündə soyuq silahla döyülməsi həmin dövrdə bir çox mətbuat orqanı tərəfindən ciddi etirazla qarşılanmışdı. Həmin vaxt Lider TV-yə təhdid məktubu yazılaraq televiziya binasının boşaldılması tələb edilirdi.

2003-cü ildə Lider TV ilə Fransanın "Canal France International (CFI)" şəbəkəsi arasında tərəfdaşlıq müqaviləsi imzalandı. Müqaviləyə əsasən "CFI" Lider TV-nin həftəlik yayımının 19 saatını öz proqramları ilə təmin edirdi.

"Səda" Lider televiziyasının əsas informasiya proqramı idi. Həftənin 5 günü Azərbaycanda və dünyada baş vermiş ictimai-siyasi, iqtisadi, mədəni prosesləri geniş tamaşaçı auditoriyasına təqdim edirdi. "Səda" hər gün saat 09:00, 13:00, 15:00, 17:00 və 19:00-da efirə çıxırdı. Telekanal həmçinin Azərbaycan Premyer Liqasının, İngiltərə Premyer Liqasının, Fransa Liqa 1-in, UEFA Çempionlar Liqasının, UEFA Avropa Liqasının, UEFA Superkubokunun, 2004, 2008-ci illərin Olimpiya oyunlarının, FIFA 2006 və FIFA 2010 Kuboklarının oyunlarını canlı yayımlamışdır.

2008-ci ildə idman kanalının yaradılması ilə əlaqədar müsabiqədə iştirak etsə də AzTV-yə məğlub olaraq idman kanalını yaratmaqdan məhrum olmuşdu. 1 sentyabr 2010-cu il tarixində 10 illik loqotipini dəyişdirmişdir. 1 aprel 2011-ci il tarixindən etibarən Rusiyanın "NTV Plus" kabel televiziyasında yayımlanırdı. Bir müddət sonra "NTV Plus"un kanal siyahısından çıxarılıb.

15 yanvar 2016-cı il tarixində "Azerspace-1" peykində HD sınaq yayıma başlamışdır. Lakin bu yayım 1 aydan sonra dayandırıldı.

8 yanvar 2019-cu ildə qismən 16:9 geniş ekran formatlı yayıma keçmişdir. 1 iyun 2020-ci ildə Nəqliyyat, Rabitə və Yüksək Texnologiyalar Nazirliyinin "Radio-Televiziya Yayımı və Peyk Rabitəsi" İstehsalat Birliyi "Lider TV və Radio-Azərbaycan" MMC-nin müflis elan edilməsi və əmlak inzibatçısının təyin edilməsi barədə həmin MMC-yə qarşı iddia qaldırıb. 16 iyun 2020-ci il tarixində iddia təmin edilib və telekanal və radionun tabe olduğu şirkət müflis elan edilmişdir.Milli Televiziya və Radio Şurasının 24 may 2021-ci il tarixli iclasında "Lider TV və Radio-Azərbaycan" MMC-nin televiziya və radio yayımının 1 iyun 2021-ci il tarixdə saat 00:00-dan etibarən dayandırılması barədə qərar qəbul edildi.

Beləliklə, "Lider TV və Radio-Azərbaycan" MMC-nin televiziya və radio yayımı 1 iyun 2021-ci il tarixində saat 00:00-dan etibarən dayandırılıb.

Bağlanması

2020-ci ilin mart ayının 10-da saat 22:00-da telekanalın yayımı dayandırılıb. MTRŞ sədrinin sözlərinə görə, telekanalda texniki problemlər yarandığına görə yayım dayanıb. Şura tərəfindən Lider TV ilə bağlı heç bir qərar qəbul olunmayıb. MTRŞ-nin aparat rəhbəri isə qeyd edib ki, texniki problem aradan qalxdıqdan sonra Lider fəaliyyətini bərpa edəcək. Martın 11-də telekanalın və radionun fəaliyyəti bərpa edilib.

3 may 2020-ci ildə "O qızı tapın" bədii filmində tütün məmulatından istifadə səhnəsinin aşkar şəkildə yayımlanması ilə "Televiziya və radio yayımı haqqında" Azərbaycan Respublikasının Qanununun 35.10-cu maddəsinin tələbləri pozulub. Milli Televiziya və Radio Şurası həmin Qanunun 23.1-ci maddəsini rəhbər tutaraq 6 may 2020-ci il tarixli 5/2 nömrəli qərarı ilə Lider TV-nin yayımı 7 may 2020-ci ildə 1 saatlıq (saat 11:00-dan saat 12:00-dək) dayandırılıb. Telekanal saat 12:00-da fəaliyyətini bərpa edib.

4 avqust 2020-ci ildə saat 20:00–21:00 arası müddətdə 17 dəqiqə 25 saniyə reklam yayımlanması "Televiziya və radio yayımı haqqında" Azərbaycan Respublikasının Qanununun 35.7-ci maddəsinin tələbləri pozulub. Milli Televiziya və Radio Şurası həmin Qanunun 23.1-ci maddəsini rəhbər tutaraq 20 avqust 2020-ci il tarixli 12/1 nömrəli qərarı ilə Lider TV-nin yayımı 22 avqust 2020-ci ildə saat 08:00-dan 11:00-dək 3 saatlıq dayandırılıb. Telekanal saat 11:00-da fəaliyyətini bərpa edib.

Milli Televiziya və Radio Şurasının 24 may 2021-ci il tarixli iclasında "Lider TV və Radio-Azərbaycan" MMC-nin televiziya və radio yayımının 01 iyun 2021-ci il tarixdə saat 00:00-dan etibarən dayandırılması barədə qərar qəbul edildi.

Beləliklə, "Lider TV və Radio-Azərbaycan" MMC-nin televiziya və radio yayımının 1 iyun 2021-ci il tarixdə saat 00:00-dan etibarən dayandırılıb.

Loqoları

1 sentyabr 2000-1 sentyabr 2010 tarixləri arasında istifadə etdiyi loqo
1 sentyabr 2010-1 iyun 2021 tarixləri arasında istifadə etdiyi loqo

İstinadlar

"Məhkəmə "Lider" TV-nin iflas elan olunmasına dair iddianı təmin edib". 2022-03-15 tarixində . İstifadə tarixi: 2021-06-01.
""Lider TV"də "SON ZƏNG":". 2021-06-03 tarixində . İstifadə tarixi: 2021-06-01.
. 2017-08-22 tarixində orijinalından arxivləşdirilib. İstifadə tarixi: 2016-04-15.
""Lider" TV-nin müflis elan edilməsi barədə iddia qaldırıldı". 2021-09-28 tarixində . İstifadə tarixi: 2020-06-01.
""Lider TV"nin müflis elan edilməsi haqda qərar verildi". 2021-09-26 tarixində . İstifadə tarixi: 2020-06-16.
Lent.az — "Lider" TV-nin yayımı dayandırıldı^{[ölü keçid]}
"APA — "Lider" TV-nin yayımının dayandırılmasının səbəbini açıqlayıb". 2023-07-26 tarixində . İstifadə tarixi: 2020-03-11.
"Qafqazinfo — Lider TV-də nə baş verir". 2021-09-26 tarixində . İstifadə tarixi: 2020-03-11.
"Arxivlənmiş surət". 2020-03-18 tarixində . İstifadə tarixi: 2020-05-07.
"Arxivlənmiş surət". 2020-06-10 tarixində . İstifadə tarixi: 2020-05-07.

Xarici keçidlər

Lider TV Online | Facebook
Lider TV Online | Twitter
Lider TV Online | YouTube 2015-11-03 at the Wayback Machine
Lider TV-nin yayımı dayandırılıb
"Lider" TV-nin yayımının dayandırılması ilə bağlı rəsmi açıqlama
"Lider TV" yayımını bərpa etdi
"Lider" televiziyası 1 saatlıq bağlandı

[1] "Məhkəmə "Lider" TV-nin iflas elan olunmasına dair iddianı təmin edib". 2022-03-15 tarixində . İstifadə tarixi: 2021-06-01.

[2] ""Lider TV"də "SON ZƏNG":". 2021-06-03 tarixində . İstifadə tarixi: 2021-06-01.

[3] . 2017-08-22 tarixində orijinalından arxivləşdirilib. İstifadə tarixi: 2016-04-15.

[4] ""Lider" TV-nin müflis elan edilməsi barədə iddia qaldırıldı". 2021-09-28 tarixində . İstifadə tarixi: 2020-06-01.

[5] ""Lider TV"nin müflis elan edilməsi haqda qərar verildi". 2021-09-26 tarixində . İstifadə tarixi: 2020-06-16.

[lent.az-6] Lent.az — "Lider" TV-nin yayımı dayandırıldı^{[ölü keçid]}

[apa.az-7] "APA — "Lider" TV-nin yayımının dayandırılmasının səbəbini açıqlayıb". 2023-07-26 tarixində . İstifadə tarixi: 2020-03-11.

[qafqazinfo.az-8] "Qafqazinfo — Lider TV-də nə baş verir". 2021-09-26 tarixində . İstifadə tarixi: 2020-03-11.

[9] "Arxivlənmiş surət". 2020-03-18 tarixində . İstifadə tarixi: 2020-05-07.

[10] "Arxivlənmiş surət". 2020-06-10 tarixində . İstifadə tarixi: 2020-05-07.