Jan Bosko Barayaqviza fr Jean Bosco Barayagwiza 1950 Qiseni d 25 aprel 2010 Porto Novo 1993 cü ildən etibarən 1994 cü il

Jan Bosko Barayaqviza (fr. Jean-Bosco Barayagwiza; 1950, Qiseni^[d] – 25 aprel 2010, Porto-Novo) — 1993-cü ildən etibarən 1994-cü il Ruanda soyqırımı dövründə Ruanda diplomatı və Ruanda radiostansiyasının icra komitəsinin sədri.

Jan Bosko Barayaqviza

Doğum tarixi	1950
Doğum yeri	Qiseni^[d]
Vəfat tarixi	25 aprel 2010(2010-04-25)
Vəfat yeri	Porto-Novo, Veme departamenti, Benin
Vəfat səbəbi	Hepatit
Vətəndaşlığı	Ruanda
Fəaliyyəti	hüquqşünas, dövlət qulluqçusu
Cinayət	soyqırım törətməyə hazırlıq, soyqırım, soyqırım törətməyə birbaşa və açıq şəkildə təhrik, soyqırımda iştirak və insanlıq əleyhinə cinayətlər (təqib, əhalini məhv etmə və qəsdən adamöldürmə) (RBCT-97-27-1 10 noyabr 1999)
Cinayət cəzası	32 il müddətinə azadlıqdan məhrumetmə
Cinayət statusu	ölmüş şəxs

Barayaqviza ektremist partiya olan Respublika Müdafiəsi Koalisiyasının qurucu üzvü idi.

O, digər lider Ferdinand Nahimana və Kanqura qəzetinin direktoru və redaktoru Həsən Ncizi ilə birlikdə 23 oktyabr 2000-ci ildə Ruanda Beynəlxalq Cinayət Tribunalı tərəfindən təqsirləndirilmişdir. Cənab Barayaqvizanı ilk əvvəl Kanadalı vəkil xanım Marşesso və Amerikan vəkil cənab Danielson müdafiə etmişdir. Həmin iki hüquqşünas müdafiədən imtina etdikdə, cənab Barayaqviza proses zamanı birinci instansiya məhkəməsinin hökmü çıxanadək italyan vəkil Ciakomo Barletta Kaldarera tərəfindən müdafiə olunmuşdur; o, indiyə qədər BMT-nin Beynəlxalq Tribunalında müdafiəçi kimi fəaliyyət göstərən yeganə italyan vəkildir. Barayaqviza, hakimlərin qərəzsiz olmadığını iddia edərək, prosesə qatılmaqdan imtina etmişdi.

35 il müddətinə azadlıqdan məhrumetmə cəzasının (həbsdə keçirdiyi vaxtı nəzərə aldıqda əslində 27 il müddətinə cəza verilmişdi) verilməsini nəzərdə tutan 3 dekabr 2003-cü il tarixli hökmdən sonra Barayaqviza hökmdən şikayət verdiyini elan etmişdi. 30 noyabr 2004-cü ildə Donald Herbert və Tanoo Milvaqanam onun yeni müdafiəçiləri qismində təyin olunmuşdular. Cənab Alfred Poqnon, cənab Barletta Kaldareranın "əlavə" müdafiəçisi hesab olunurdu. Onun sonuncu şikayəti 22 iyun 2009-cu ildə Ruanda Beynəlxalq Cinayət Tribunalı tərəfindən rədd edilmişdir.

O, hepatit C-nin inkişaf etmiş vəziyyətinə görə 25 aprel 2010-cu ildə Beninin Kotonu şəhərində vəfat etmişdir. Ailəsinin bildirdiyi məlumata görə, Barayaqviza müvafiq müalicədən imtina etmişdir.

İstinadlar

Jean-Bosco Barayagwiza // MAK (pol.).
"SUMMARY OF JUDGEMENT. Nahimana et al. v. The Prosecutor. Case No. ICTR-99-52-A. Wednesday, 28 November 2007" (PDF). 14 October 2021 tarixində (PDF). İstifadə tarixi: 19 February 2019.
https://unictr.irmct.org/en/news/death-convict-jean-bosco-barayagwiza.
"ICTR Newsletter" (PDF). RBCT. April 2010. səh. 10.
Hate Radio: Rwanda - Radio Netherlands Worldwide - English 2006-10-14 at the Wayback Machine
"Jean-Bosco Barayagwiza v. The Prosecutor. p. 13" (PDF). 2017-05-06 tarixində (PDF). İstifadə tarixi: 2019-02-21.

Xarici keçidlər

Ruanda işi: İngilis, fransız və Ruanda dillərində məqalələr. Kanqura qəzeti.

[_cddfbe81fa6627cb-1] Jean-Bosco Barayagwiza // MAK (pol.).

[JUDGEMENT-2] "SUMMARY OF JUDGEMENT. Nahimana et al. v. The Prosecutor. Case No. ICTR-99-52-A. Wednesday, 28 November 2007" (PDF). 14 October 2021 tarixində (PDF). İstifadə tarixi: 19 February 2019.

[_db06ac10041de1b7-3] ttps://unictr.irmct.org/en/news/death-convict-jean-bosco-barayagwiza.

[newsletter-4] "ICTR Newsletter" (PDF). RBCT. April 2010. səh. 10.

[5] Hate Radio: Rwanda - Radio Netherlands Worldwide - English 2006-10-14 at the Wayback Machine

[6] "Jean-Bosco Barayagwiza v. The Prosecutor. p. 13" (PDF). 2017-05-06 tarixində (PDF). İstifadə tarixi: 2019-02-21.