Xansultan Daçiyev rus Хансултан Чапаевич Дачиев 12 dekabr 1922 Qudermes rayonu çeçen Muxtar Vilayəti d 2001 Qudermes çeç

Xansultan Daçiyev (rus. Хансултан Чапаевич Дачиев; 12 dekabr 1922, Qudermes rayonu, Çeçen Muxtar Vilayəti^[d] – 2001, Qudermes, Çeçenistan) — İkinci Dünya müharibəsi dövründə Qırmızı Orduda xidmət etmiş çeçen süvari. 15 yanvar 1944-cü ildə Sovet İttifaqı Qəhrəmanı adına layiq görülmüşdür. Lakin sonradan etnik mənsubiyyətinə görə Cəlal-Abada sürgün edilmişdir. Lavrenti Beriyaya çeçen xalqının hüquqlarının geri qaytarılmasını tələb edən məktub yazmasından sonra tutuldu və iyirmi il həbs cəzasına məhkum edildi. Həbs edildikdən sonra Sovet İttifaqı Qəhrəmanı adı və digər hərbi medalları ləğv edildi. Nəhayət 1985-ci ildə sərbəst buraxıldı və bəraət aldı. Həmçinin Sovet İttifaqı Qəhrəmanı adı Mixail Qorbaçov tərəfindən ona yenidən verildi.

Xansultan Daçiyev

Şəxsi məlumatlar
Doğum tarixi	12 dekabr 1922(1922-12-12)
Doğum yeri	Qudermes rayonu, Çeçen Muxtar Vilayəti^[d], RSFSR^[d]
Vəfat tarixi	2001
Vəfat yeri	Qudermes, Qudermes rayonu, Çeçenistan, Rusiya
Vətəndaşlığı	SSRİ
Hərbi fəaliyyəti
Mənsubiyyəti	Sovet Sosialist Respublikaları İttifaqı
Qoşun növü	piyada
Rütbəsi	kiçik leytenant, SSRİ Silahlı Qüvvələri
Döyüşlər	Böyük Vətən müharibəsi, Dnepr uğrunda döyüş^[d], Berlin döyüşü
Təltifləri
Vikianbarda əlaqəli mediafayllar

Erkən həyatı

Xansultan Daçiyev 12 dekabr 1922-ci ildə indiki Çeçenistanda yerləşən Qerzel-Aul bölgəsində kəndli ailəsində anadan olmuşdur. İbtidai məktəbi bitirdikdən sonra yerli kənd sovetində katib işləmişdir.

İkinci Dünya müharibəsi

Xansultan Daçiyev 1941-ci ildə Qırmızı Ordu sıralarına qatılmışdır. 1942-ci ilin iyununda ön cəbhəyə gətirilmiş və Dnepr hücumu dövründə 58-ci Mühafizə Süvari Alayında qəhrəmanlığı ilə seçilmişdir. 23 sentyabr 1943-cü ildə gecə vaxtı Xansultan Daçiyev və yoldaşı Dnepri keçdi və çayın qərb sahilində düşmənə qarşı iki kilometrlik müdafiə xətti qurdu. Həmçinin hərbi məlumatları ağır atəş altında çatdırmağı bacardı. Xansultan Daçiyevin sayəsində Sovet qoşunları 1943-cü il sentyabrın 26-da Dnepri keçə bildilər. Bu uğuruna görə Çeçen-inquş sürgününün başlanmasından bir neçə həftə əvvəl, 15 yanvar 1944-cü ildə Sovet İttifaqı Qəhrəmanı elan edildi. Müharibənin qalan hissəsi dövründə Novoçerkassk Süvari Məktəbində təhsil aldı və təhsilini ki,ik leytenant rütbəsi ilə bitirdi.

Sürgündəki həyatı və ölümü

Xansultan Daçiyev 1946-cı ildə Sovet İttifaqı Qəhrəmanı və müharibə veteranı olmasına baxmayaraq Qırmızı Ordudan tərxis olundu. Çeçen olduğu üçün xain damğası vurularaq Cəlal-Abada sürgün edildi. Lavrenti Beriyaya çeçen xalqının hüquqlarının geri qaytarılmasını tələb edən bir məktub yazmasından sonra tutuldu və iyirmi il həbs cəzasına məhkum edildi. 1955-ci ildə ona verilmiş Sovet İttifaqı Qəhrəmanı adı SSRİ Ali Soveti tərəfindən ləğv edildi. 1985-ci ildə sərbəst buraxıldı və bəraət aldı. Həmçinin Sovet İttifaqı Qəhrəmanı adı Mixail Qorbaçov tərəfindən ona yenidən verildi.

İki dəfə infarkt keçirdikdən sonra 2001-ci ilin may ayında 78 yaşında vəfat etdi.

Xansultan Daçiyevin həyat hekayəsi yazıçılar üçün ilham mənbəyi olmuşdur. Doğulduğu şəhərdəki bir çox küçəyə onun adı verilmişdir. "Polad qığılcımı" (rus. Стальная искра) adlı kitabını yazarkən Xansultan Daçiyevin həyatından ilham almışdır.

Həmçinin bax

Xanbaba Nurədilov

İstinadlar

Ufarkin, Nikolai. "Дачиев Хансултан Чапаевич". warheroes.ru. 28 October 2007 tarixində . İstifadə tarixi: 11 August 2018.
Shadov, Ivan. Герои Советского Союза: краткий биографический словарь I, Абаев - Любичев [Heroes of the Soviet Union: A Brief Biographical Dictionary] (rus). Moscow: . 1987.
Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года 2021-09-24 at the Wayback Machine // Ведомости Верховного Совета Союза Советских Социалистических Республик : газета. — 1944. — 23 января (№ 4 (264)). — С. 1.
"Последний бой Хансултана Дачиева. ЖЗЛ » ИА Чеченинфо". checheninfo.ru. 2021-11-27 tarixində . İstifadə tarixi: 2018-08-11.
"улица им. Х.Ч. Дачиева 2018-04-01 at the Wayback Machine". Яндекс.Карты (Rusça). istifadə tarixi: 12 oktyabr 2020.
"Почтовый индекс улица Дачиева, с. Энгель-юрт, Гудермесский р-н, республика Чеченская 2018-04-01 at the Wayback Machine". index.kodifikant.ru. İstifadə tarixi: 12 Ekim 2020.
"Ушел из жизни народный писатель Чечни Хож-Ахмед Берсанов | Информационное агентство "Грозный-Информ" 2018-03-25 at the Wayback Machine". www.grozny-inform.ru (rus.). İstifadə tarixi: 12 oktyabr 2020

[Ufarkin_2018-1] Ufarkin, Nikolai. "Дачиев Хансултан Чапаевич". warheroes.ru. 28 October 2007 tarixində . İstifadə tarixi: 11 August 2018.

[2] Shadov, Ivan. Герои Советского Союза: краткий биографический словарь I, Абаев - Любичев [Heroes of the Soviet Union: A Brief Biographical Dictionary] (rus). Moscow: . 1987.

[3] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года 2021-09-24 at the Wayback Machine // Ведомости Верховного Совета Союза Советских Социалистических Республик : газета. — 1944. — 23 января (№ 4 (264)). — С. 1.

[4] "Последний бой Хансултана Дачиева. ЖЗЛ » ИА Чеченинфо". checheninfo.ru. 2021-11-27 tarixində . İstifadə tarixi: 2018-08-11.

[5] "улица им. Х.Ч. Дачиева 2018-04-01 at the Wayback Machine". Яндекс.Карты (Rusça). istifadə tarixi: 12 oktyabr 2020.

[6] "Почтовый индекс улица Дачиева, с. Энгель-юрт, Гудермесский р-н, республика Чеченская 2018-04-01 at the Wayback Machine". index.kodifikant.ru. İstifadə tarixi: 12 Ekim 2020.

[7] "Ушел из жизни народный писатель Чечни Хож-Ахмед Берсанов | Информационное агентство "Грозный-Информ" 2018-03-25 at the Wayback Machine". www.grozny-inform.ru (rus.). İstifadə tarixi: 12 oktyabr 2020