Urus-Martan cümə məscidi

Vaxi Camalxanov adına Urus-Martan cümə məscidi (çeç. Хьалха-Мартан Вахин Джамалханов цIарах дина маьждиг) — Çeçenistan Respublikasının Urus-Martan şəhərinin mərkəzində tikilmiş cümə məscidi. Məsciddə eyni vaxtda 5000 insan ibadət edə bilər.

Vaxi Camalxanov adına Urus-Martan cümə məscidi
çeç. Хьалха-Мартан Вахин Джамалханов цIарах дина маьждиг
Məscidin əsas girişi tərəfindən görünüşü
Ölkə	Rusiya Çeçenistan
Status	fəaliyyət göstərir
Şəhər	Urus-Martan
Rayon	Urus-Martan rayonu
Yerləşir	Əli Quçiqov küçəsi
Tikilmə tarixi	2009-2010
Üslubu	Osmanlı memarlığı
Hündürlüyü	22 metr
Sahəsi	1822 kv.m.
Minarələri	4
Günbəzləri	1 əsas 4 əlavə
Material	travertin mərmər, ağ mərmər
Vəziyyəti	fəaliyyət göstərir

Tarixi

1883-cü ilə qədər Urus Martan kəndində 9 məscid, o cümlədən əsas Cümə məscidi və 8 məhəllə məscidi fəaliyyət göstərirdi..

Urus-Martan şəhərində yeni cümə məscidinin tkintisi təşəbbüsü Çeçenistan Respublikasının başçısı Ramzan Kadırova məxsusudur. Onun təklifi ilə məscidin inşasına maliyyə cəsaiti ayrılmışdır. Cümə məscidinin inşası 2009–2010-cu illərdə aparılmışdır. 2010-cu il oktyabrın 5-də Çeçenistan Respublikasının rəsmi şəxslərinin və qonaqların iştirakı ilə məscidin açılışı baş tutmuşdur.

Təsviri

Urus-Martan məscidi şəhərin əsas simvollarından biridir. Boz-mavi günbəzləri olan açıq oxra rənglərində tikilmiş bu böyük bina 5000 müsəlman ibadətçini qəbul edə bilər. Məscidin üstündə dörd minarə ucalır, məscidin günbəzi iri aypara təsviri ilə taclanır..

Məscidin memarlığı iki üslubu — klassik Osmanlı memarlığı və Bizans üslubunu birləşdirir. Mərkəzi məscid Səudiyyə Ərəbistanında müsəlmanların əsas ziyarətgahı olan Məscidül-Hərama (ehtiyat məscidi) tərəf yönəlib. Memarlıq İstanbuldakı Sultan Əhməd məscidinə əsaslanır. Məscid on dörd kiçik günbəzlə bəzədilib, onların mərkəzində dörd yarımqübbə ilə əhatə olunmuş əsas böyük günbəzin hündürlüyü iyirmi metrdən çoxdur.

Urus-Martan cümə məscidinin binasının bayır və daxili divarları travertin mərmərlə bəzədilib. Məscidin daxili interyeri isə ağ mərmərlə döşənib. Məscidin divarında mərmərdən həkk olunmuş minbər və dua taxçası tikilmişdir. Ağ mərmərdən hazırlanmış mehrab Məkkəyə tərəf yönəlib, namaz zamanı möminlərə istiqamət göstərir.

Məscidin əsas zalı böyük günbəzlə örtülmüşdür. Günbəz və yarımqübbələr içəridən yazılarla — Qurandan surələr və Məhəmməd peyğəmbərin kəlamları ilə bəzədilib. Günbəzin altındakı mərkəzi zalda "Svarovski" daşları ilə bəzədilmiş böyük çilçıraq yerləşir. Cümə məscidinin ətrafı abadlaşdırılmışdır. Məscidin binasının və ətrafındakı parkın işıqlandırılması üçün dekorativ lampa və iğıq dirəkləri quraşdırılmışıdır. Məscid ətrafında kiçik park salınmış, xiyabanlar və səliqəli xəttlə həmişə yaşıl qazon salınmışdır.

Qalereya

• Məscidin ümumi görünüşü, 2020 год
• Məscidin minarələri
• Dəstəmaz üçün ayrıca bina
• Məscidin mərkəzi zalının ümumi görünüşü
• Minbər
• Mərkəzdə mehrab Kəbbənin istiqamətini göstərir
• Əsas günbəzin altında olan çılçıraq
• Məscidin günbəzləri və çılçıraq

İstinadlar

1. Н. П. ИнфоРост. "Список населенных мест Терской области : По сведениям к 1 янв. 1883 г. - Владикавказ, 1885". elib.shpl.ru. 2017-05-03 tarixində . İstifadə tarixi: 2020-07-19.
2. "В Чечне открылась новая мечеть - ГТРК "Ставрополье"". stavropolye.tv (rus). 2020-07-19 tarixində . İstifadə tarixi: 2020-07-19.
3. "Мечеть Урус-Мартана имени Вахи Джамалханова. - Урус-Мартан Чеченская Республика". urus-martan.etowns.ru. 2020-10-25 tarixində . İstifadə tarixi: 2020-07-19.
4. "Достопримечательности Урус-Мартана 2019 / Чеченская Республика / Едем-в-Гости.ру". edem-v-gosti.ru. 2020-07-17 tarixində . İstifadə tarixi: 2020-07-19.
5. "В Урус-Мартане открылась новая мечеть | Информационное агентство "Грозный-Информ"". www.grozny-inform.ru (rus). 2020-07-20 tarixində . İstifadə tarixi: 2020-07-19.
6. "«Центральная мечеть им. Вахи Джамалханова» в Урусе-мартане - путеводитель «HalalGuide»". halalguide.me (rus). 2020-07-19 tarixində . İstifadə tarixi: 2020-07-19.
7. "МКУК «Центральная районная библиотека» Урус-Мартановского муниципального района Чеченской Республики - Официальный сайт". urus-biblioteka.mk95.ru. 2020-07-19 tarixində . İstifadə tarixi: 2020-07-19.