Tosun paşa rejissoru Kartal Tibet ssenarisini Yavuz Turgul prodüserləri Ertem Eğilmez və Nahit Ataman olan 1976 cı ildə

Tosun paşa — rejissoru Kartal Tibet, ssenarisini Yavuz Turgul, prodüserləri Ertem Eğilmez və Nahit Ataman olan 1976-cı ildə çəkilmiş komediya janrında çəkilmiş türk filmi. Baş rollarda Kamal Sunal, Şənər Şən, Müjdə Ar, Adile Naşit və Ayşən Qruda çəkilib. Filmin hekayəsi Nazim Hikmətin 1939-cu ildə yazdığı eyniadlı ssenaridən götürülüb. Film həm də Kartal Tibetin rejissoru olduğu ilk filmdir.

Tosun paşa
türk. Tosun Paşa
Janr	komediya filmi
Rejissor	Kartal Tibet
Baş rollarda	Kamal Sunal Şener Şen Adile Naşit Ayşən Qruda Müjde Ar
İlk baxış tarixi	1976
Müddət	86 dəq.
Ölkə	Türkiyə
Dil	türk dili
Rəng	rəngli
IMDb	ID0253828

Filmdə Kamal Sunalın canlandırdığı "Tosun Paşa" obrazı dövrün Misir valisi Kavalalı Mehmed Əli Paşanın oğlu Əhməd Tosun Paşadan ilhamlanıb.

Mövzu

Filmin süjeti 19-cu əsrdə Osmanlı İmperiyasının Misir vilayətində cərəyan edir. İki məşhur ailə Tellioğulları və Səfəroğulları İsgəndəriyyənin ən qiymətli yeri olan "yaşıl vadi" üçün bir-birləri ilə şiddətli mübarizə aparırlar. Dövlət məmurları vadinin kimə məxsus olduğuna qərar verə bilmirlər. Tellioğlu və Səfəroğlu ailələri daha sonra yaşıl vadini və İsgəndəriyyənin ən yüksək məmuru Davər bəyin qızı Leylanı (Müjdə Ar) almaq üçün şiddətli mübarizəyə girirlər. Davər bəy (Mete Sezər) Leylanı Səfəroğullarına verməyə qərar verir. Bu halda Tellioğlu ailəsi daha böyük üstünlük əldə etmək üçün evin uşağı Şabanı (Kamal Sunal) Qahirənin ən görkəmli və ən heyranedici paşası Tosun Paşa kimi təqdim edir.

Tosun Paşa qiyafəsində olan Şaban özünü Tellioğlular ailəsinin böyük oğlu Lütfü (Şənər Şən) ilə yaxın dost kimi göstərərək, yaşil vadi və Leylanı Tellioğullarına qazanmaq əvəzinə Leylaya özü aşiq olur və hər şeyi alt-üst edir. Nəticədə işlər ərəb saçına çevrilir və nəhayət əsl Tosun Paşa Qahirə sarayından çıxıb gəlir.

Əsl Tosun Paşa (Oktar Durukan) yaşıl vadini ələ keçirərək Davər bəyin qızı Leylanı özünə arvad alır. Nəticədə bu hadisə ilə canlarını çətinliklə xilas edən Tellioğulları sağ qaldıqları üçün şükür edirlər. Hamının gözündə günahkar Şaban olmuşdu. Lakin Lütfü özü qazdığı quyuya düşərək Tosun Paşanın varlığını bir anlıq unutmuşdu.

Film heyəti

Tellioğulları

Kamal Sunal — Şaban (saxta Tosun Paşa)
Şənər Şən — Lütfü
Aqil Öztuna — Aqil
Adile Naşit — Adilə
Ayşən Qruda — Zəkiyə
Tuncay Gürəl — Bəkir (kiçik yeznə)
Ərgin Orbəy — Vəhbi
Oya Aydonat — Əminə
Zihni Göktay — Ruhi
Filiz Toprak — Fatma
İhsan Bilsev — Mülayim
Günfər Fəray — Xədicə

Səfəroğulları

Sıtkı Akçatepe — Sıtkı
Cövdət Arıkan — Suphi
Hikmət Gül — Rukiyə
Ata Saka — Qasım
Aytən Ərman — bənövşəyi geyimli
Akif Kilman — Aqilə çubuqla vuran'
Nevin Gülər — sarı geyimli
Tofiq Şən — mavi pencəkli
Suna Yıldızoğlu — sarışın qız
Sıdıka Duruer

Digər obrazlar

Müjdə Ar — Leyla
Mete Sezər — Davər bəy
Oktar Durukan — həqiqi Tosun Paşa
Bilgə Zobu — mərasim komandiri
Yasəmən Əsmərgül — Dadı
Hayri Əsən — Dəftərdar bəy
Cəlal Yonat — Çığırtqan
Əli Dəmir — Tellioğullarının səhvən qaçırtdığı oğlan

Çəkiliş yerləri

Filmdə Tellioğulları ailəsinin yaşadığı Simenoğlu köşkü. (Yeşilköy, İstanbul)

Filmdə Yeşilköy səmtindəki Simenoğlu köşkü Tellioğulları ailəsinin iqamətgahı kimi istifadə edilib. Filmin səhra səhnələri İstanbulun Arnavutköy mahalının Ağaçlı kəndində çəkilərkən, İsgəndəriyyə ağası Daver bəyin malikanə səhnələri üçün açıq məkan olaraq Əmirqandakı Sarı Köşkü, daxili səhnələr üçün Sarıyerdəki Səid Halim Paşa Köşkü seçilib. Tellioğulları və Səfəroğulları ailələrinin sahib olmaq üçün mübarizə apardıqları yaşil vadi İstanbulun Kəmərburqaz rayonundadır.

Çəkiliş qəzası

Filmdə Tellioğullarının başcısı Aqil obrazını canlandıran Aqil Öztuna filmin çəkilişlərinin davam etdiyi Kəmərburqazda dəvədən yıxılaraq daxili qanaxma keçirib və xəstəxanaya yerləşdirilib. Filmin əvvəlində görünən Aqil Öztuna çəkilişlərdə iştirak edə bilməyib və sonrakı səhnələrdə yer almayıb. 1976-cı il noyabrın 18-də film ekranlara çıxmazdan əvvəl 71 yaşında xəstəxanada vəfat edib.

İstinadlar

http://www.imdb.com/title/tt0253828/.
. imdb.com. 17 sentyabr 2004 tarixində arxivləşdirilib. İstifadə tarixi: 16 iyul 2023.
"Tosun Paşa nerede çekildi? Tosun Paşa filmi konusu ve oyuncular". hurriyet.com.tr. 16 iyul 2023 tarixində . İstifadə tarixi: 16 iyul 2023.
"Tosun Paşa Filmini Başka Bir Gözle Seyretmenize Sebep Olacak, Herkesin Bilmediği 13 İlginç Bilgi". onedio.com. 13 dekabr 2017 tarixində . İstifadə tarixi: 16 iyul 2023.
"Tosun Paşa filmi nerede ve ne zaman çekildi? Tosun Paşa oyuncu kadrosu". haberturk.com. 1 iyul 2023 tarixində . İstifadə tarixi: 16 iyul 2023.
"Türk sinemasının en önemli platolarından: Simenoğlu Köşkü". posta.com.tr. 12 may 2022 tarixində . İstifadə tarixi: 17 iyul 2023.
"Hababam Sınıfı'nın ünlü hocası Akil Öztuna bakın nasıl ölmüş?". cnnturk.com. 21 may 2017 tarixində . İstifadə tarixi: 17 iyul 2023.

[_c94b9a624bc7e1f9-1] ttp://www.imdb.com/title/tt0253828/.

[2] . imdb.com. 17 sentyabr 2004 tarixində arxivləşdirilib. İstifadə tarixi: 16 iyul 2023.

[3] "Tosun Paşa nerede çekildi? Tosun Paşa filmi konusu ve oyuncular". hurriyet.com.tr. 16 iyul 2023 tarixində . İstifadə tarixi: 16 iyul 2023.

[4] "Tosun Paşa Filmini Başka Bir Gözle Seyretmenize Sebep Olacak, Herkesin Bilmediği 13 İlginç Bilgi". onedio.com. 13 dekabr 2017 tarixində . İstifadə tarixi: 16 iyul 2023.

[5] "Tosun Paşa filmi nerede ve ne zaman çekildi? Tosun Paşa oyuncu kadrosu". haberturk.com. 1 iyul 2023 tarixində . İstifadə tarixi: 16 iyul 2023.

[6] "Türk sinemasının en önemli platolarından: Simenoğlu Köşkü". posta.com.tr. 12 may 2022 tarixində . İstifadə tarixi: 17 iyul 2023.

[7] "Hababam Sınıfı'nın ünlü hocası Akil Öztuna bakın nasıl ölmüş?". cnnturk.com. 21 may 2017 tarixində . İstifadə tarixi: 17 iyul 2023.