Tomazo Albinoni it Tomaso Albinoni 8 iyun 1671 Venesiya 17 yanvar 1751 Venesiya italiyalı bəstəkar Tomazo Albinoniit Tom

Tomazo Albinoni (it. Tomaso Albinoni; 8 iyun 1671^[…], Venesiya^[…] – 17 yanvar 1751^[…], Venesiya) — İtaliyalı bəstəkar.

Tomazo Albinoni
it. Tomaso Albinoni

Ümumi məlumatlar
Doğum adı	Tomaso Giovanni Albinoni
Doğum tarixi	8 iyun 1671(1671-06-08)^[…]
Doğum yeri	Venesiya, Venesiya Respublikası^[…]
Vəfat tarixi	17 yanvar 1751(1751-01-17)^[…](79 yaşında)
Vəfat yeri	Venesiya, Venesiya Respublikası
Vəfat səbəbi	şəkərli diabet
Dəfn yeri	Müqəddəs Mark kafedralı
Vətəndaşlığı	Venesiya Respublikası
Musiqiçi məlumatları
Fəaliyyəti	bəstəkar, skripkaçı, dramaturq, yazıçı
Fəaliyyət illəri	1694-cü ildən
Janrlar	opera, simfoniya
Musiqi aləti	skripka
Vikianbarda əlaqəli mediafayllar

Həyatı

Tomazo Albinoni 1671-ci ilin 8 iyun tarixində İtaliyanın Venesiya şəhərində varlı ailədə anadan olmuşdur. Albinoni maddi baxımdan çətinlik çəkmədiyindən musiqi ilə tez-tez məşğul olurdu. Ailədə ən böyük övlad olması, atasının ölümündən sonra ailə daxili və xarici münasibətləri nizamlamaq üçün ailə şirkətinə rəhbərlik etməyə başlamışdır. Albinoni Dilettante Veneto adlı gənc musiqiçi ilə öz musiqi fəaliyyətinə başlamışdır. Albinoni opera müğənnisi Marqarita Raimondi ilə evlənmişdir. 1721-ci ildə Tomazo Albinoninin xanımı Marqarita Raimondinin vəfat etməsi, ona pis təsir etmişdir. 1740-cı illərdə Fransada Albinonin skripka sonatalarından ibarət musiqi kitabı nəşr olunmuşdur. Kitabın ön səhifəsində müəllifin 1741-ci ildə vəfat etdiyi göstərilmişdir. Bu səbəbdən bir çox tarixçi və alimlər Tomazo Albinoninin ölüm tarixi kimi 1741-ci ili götürürdülər, Ancaq Venesiya şəhərində yerləşən San Barnaba kilsəsinin arxivində, kilsə nəznində saxlanılan şəxslər haqqındakı, hesabatda musiqiçi Tomazo Albinoninin 1751-ci ildə şəkərli diabetdən vəfat etdiyi göstərilmişdir.

Əsərləri

Tomazo Albinoni 80 yaxın opera bəstələmişdir, Ancaq əsərlərinin bir çoxu 1945-ci ildə Drezden şəhərinin bombalanması zamanı itmişdir. 1720-ci ildə operaları ilk dəfə olaraq İtaliyadan kənarda Münhen şəhərində səhnələşdirilmişdir.

Əsas əsərləri və yayımlandığı yerlər

Op. 1 : 12 Suonate a tre, Venesiya 1694;
Op. 2 : 6 Sinfonie & 6 concerti a 5, Venesiya 1700;
Op. 3 : 12 Baletti a tre, Venesiya 1701;
Op. 4 : 6 Sonate da chiesa pour violon & B. C., Amsterdam yaxınlığında 1709-cu ildə göstərilmişdir;
Op. 5 : 12 Concerti a cinque (& B. C.), Venesiya 1707;
Op. 6 : 12 Trattenimenti armonici per camera pour violon, violone et clavecin, Amsterdam 1712;
Op. 7 : 12 Concerti a cinque pour un ou deux hautbois & cordes, Amsterdam 1715;
Op. 8 : 6 Balletti e 6 Sonate a tre, Amsterdam 1722;
Op. 9 : 12 Concerti a cinque pour un ou deux hautbois & cordes, Amsterdam 1722;
Op. 10 : 12 Concerti a cinque pour 3 violons, alto, violoncelle & B. C., Amsterdam (? 1735–36);

Bu əsərlərdən başqa Albinoninin iyirmiyə yaxın əl yazma formasında saxlanılan opera əsərləridə vardır.

Nümunələr

Albinoni — 2 Obua üçün Fa-Majör Konçerto, op. 9 No. 3–1. Allegro (Advent Orkestrı:Humbert Lucarelli və Edino Biaggi)

Albinoni — 2 Obua üçün Fa-Majör Konçerto, op. 9 No. 3–2. Adagio (Advent Orkestrı:Humbert Lucarelli və Edino Biaggi)

Albinoni — 2 Obua üçün Fa-Majör Konçerto, op. 9 No. 3–3. Allegro (Advent Orkestrı:Humbert Lucarelli və Edino Biaggi)

İstinadlar

Roux P. d. Nouveau Dictionnaire des œuvres de tous les temps et tous les pays (fr.). 2 Éditions Robert Laffont, 1994. Vol. 1. P. 46.
Tommaso Albinoni // filmportal.de. 2005.
Archivio Storico Ricordi. 1808.

Bəstəkar ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

[_c84fd8b8d51a0399-1] Roux P. d. Nouveau Dictionnaire des œuvres de tous les temps et tous les pays (fr.). 2 Éditions Robert Laffont, 1994. Vol. 1. P. 46.

[_49bf090b75c4ba5c-2] Tommaso Albinoni // filmportal.de. 2005.

[_12c68deabe8c9086-3] Archivio Storico Ricordi. 1808.