Texnofest-2022 (Azərbaycan)

Texnofest Azərbaycan — 2021-ci ildən etibarən Azərbaycanda keçirilən və texnologiya festivalı.

Texnofest Azərbaycan
Başlayır	26 May 2022
Bitir	29 May 2022
Məkan	Bakı Kristal Zalı
Ölkə	Azərbaycan
Təşkilatçı	Azərbaycan Respublikasının Rəqəmsal İnkişaf və Nəqliyyat Nazirliyi Türkiyə Respublikasının Sənaye və Texnologiya Nazirliyi
www.teknofest.az

2021

Azərbaycan ilk dəfə 2021-ci ildə TeknofestAviasiya, Kosmos və Texnologiya sahələri üzrə festivalda iştirak edib. Festivalın sərgi hissəsində Rəqəmsal İnkişaf və Nəqliyyat Nazirliyi tərəfindən qurulmuş Azərbaycan Milli Pavilyonunda 11 yerli şirkət və startapın məhsul və həlləri nümayiş olunub, həmçinin ölkəmizin yerli istehsalı olan pilotsuz uçuş aparatları sərgilənib. Tədbir çərçivəsində təşkil olunan hava şoularında Azərbaycan Hərbi Hava Qüvvələrinin peşəkar pilotları "MiQ-29" qırıcı təyyarələri ilə solo pilotaj uçuşları həyata keçiriblər. Tədbirdə Azərbaycanın Müdafiə Nazirliyi tərəfindən iki "MiQ-29" təyyarəsi, eləcə də Müdafiə Sənayesi Nazirliyi tərəfindən "İti qovan", "Orbiter 2", "Orbiter 3", "Orbiter 4" kimi pilotsuz hava vasitələri də sərgilənib. "MiQ-29" təyyarələri beş gün ərzində İstanbulda hava şoularında da iştirak edib.

2022

Teknofest Azərbaycan tədbirinin 2022-ci ilin 26–29 may tarixlərində "Bakı Kristal Zalı" və Dənizkənarı bulvar ərazisində keçirilib. Festivalın təşkilatçıları "Türkiyə Texnologiya Komandası" — T3 Fondu, Azərbaycan Respublikasının Rəqəmsal İnkişaf və Nəqliyyat Nazirliyi və Türkiyə Respublikasının Sənaye və Texnologiya Nazirliyidir. Yarışlarda beynəlxalq iştirakçıların da iştirak edib. Dünyanın müxtəlif ölkələrindən olan iştirakçılar texnologiya müsabiqələrinə qatılıblar.

Həmçinin akademik tərəfdaşlar isə ADA Universiteti, Azərbaycan Texniki Universiteti və Milli Aviasiya Akademiyasıdır.

Tədbir çərçivəsində Azərbaycan Hərbi Hava Qüvvələrinin "MİQ-29" qırıcı təyyarələri, Türkiyənin Solotürk və Türk Ulduzları aerobatika komandaları, Bayraktar Akıncı PUA-sı, Hürkuş təlim təyyarəsi və T-129 helikopterləri uçuşlar həyata keçiriblər.

İstinadlar

1. "Texnofest aerokosmik və texnologiya festivalı". teknofest.az. 2022-02-25 tarixində . İstifadə tarixi: 2022-02-09.
2. "Azərbaycan hərbi texnikaları "Teknofest-2021" festivalında nümayiş olunur". www.azerbaycan24.com. 2022-02-09 tarixində . İstifadə tarixi: 2022-02-09.
3. "Azərbaycan "Teknofest"də 11 startapla təmsil olunur". ikisahil.az. 2022-02-09 tarixində . İstifadə tarixi: 2022-02-09.
4. "Azərbaycan "Teknofest-2021" festivalında təmsil olunur". azertag.az. 2022-02-09 tarixində . İstifadə tarixi: 2022-02-09.
5. "Teknofest Təşkilatçılar". teknofest.az. 2022-02-25 tarixində . İstifadə tarixi: 2022-02-12.
6. "Azərbaycanda keçiriləcək "Texnofest-2022" festivalının vaxtı məlum olub". report.az. 2022-02-12 tarixində . İstifadə tarixi: 2022-02-12.
7. "Azərbaycanda "Texnofest-2022" festivalının nə vaxt keçiriləcəyi açıqlandı". sputnik.az. 2022-02-12 tarixində . İstifadə tarixi: 2022-02-12.
8. "Azərbaycanda keçiriləcək "Texnofest-2022" festivalına qeydiyyat başlayıb". apa.az. 2022-02-12 tarixində . İstifadə tarixi: 2022-02-12.
9. "Texnofest-2022 Azərbaycanda keçiriləcək". modern.az. 2022-02-12 tarixində . İstifadə tarixi: 2022-02-12.
10. ""TEKNOFEST Azərbaycan" festivalında aviaşou keçirildi". 2022-06-04 tarixində . İstifadə tarixi: 2022-06-28.

Xarici keçidlər

Texnofest Azərbaycan — Instagram səhifəsi