Tahir Süleyman

Tahir Süleyman (kürd. Tahir Silêman; 1954, Xalisa, Vedi rayonu) — Azərbaycan jurnalisti, PKK dəstəkçisi. O, "Diplomat" qəzetinin təsisçisi və baş redaktoru olmuşdur.

Tahir Süleyman
Doğum tarixi	1954
Doğum yeri	Xalisa, Vedi rayonu, Ermənistan SSR, SSRİ
Təhsili	Azərbaycan Dövlət Pedaqoji Universiteti
Fəaliyyəti	jurnalist

Həyatı

Tahir Süleyman 1954-cü ildə Ermənistan SSR-nin Vedi rayonu tərkibindəkii Xalisa kəndində, bir kürd ailəsində anadan olmuşdur. O, Azərbaycanın paytaxtı Bakıda orta məktəbi bitirdikdən sonra Azərbaycan Dövlət Pedaqoji Universitetində Azərbaycan dili fakültəsinə qəbul olmuş və 1980-ci ildə oranı bitirmişdir. Universiteti bitirdikdən sonra Ermənistana qayıtmış, Vedi rayonunda bir orta məktəbdə kürd və Azərbaycan dillərini tədris etməyə başlamışdır. 1988-ci ildə Tahir Süleyman ailəsi ilə birlikdə Ermənistandan deportasiya edilmişdir. O, Bakıda məskunlaşmış, həmin vaxtdan jurnalist kimi fəaliyyət göstərir. Evlidir, bir oğlu var.

Tahir Süleyman 2003-cü ildə "Diplomat" həftəlik qəzetini təsis etmişdir. Qəzet kürd, Azərbaycan, rus və türk dillərində çap olunurdu. Burada Kürdüstan Fəhlə Partiyasının (PKK) liderləri Murad Karayılan və Abdullah Öcalana dəstək verən yazılar dərc olunmuşdur. Tahir Süleyman özü Abdullah Öcalanı "milli azadlıq hərəkatının rəhbəri" adlandırmışdır. O, zaman-zaman İraqa gedərək, oradakı İraq Kürdüstanı iqtidarı ilə görüşlər keçirmişdir. Tahir Süleyman Azərbaycan mətbuatında dəfələrlə separatizmlə məşğul olmaqda ittiham edilmişdir. Buna baxmayaraq, PKK ilə bir əlaqəsi olmadığını demişdir. 2008-ci ildə qəzetin təsisçisi Tahir Süleymanın "ölkə Türkiyənin gününə salına bilər" ifadələri səbəbilə qəzetin Azərbaycan nəşriyyatında çapı dayandırılmış, Tahir Süleyman isə qəzetini dərc etmək üçün Gürcüstanın paytaxtı Tblisi şəhərinə getməyə məcbur olmuşdur.

İstinadlar

1. "İlham Əliyevin İraqın xarici işlər naziri Hoşyar Zebarinin başçılıq etdiyi nümayəndə heyətini qəbul etmişdir". Diplomat (az.). 37 (148). 24–31 dekabr 2011. səh. 1.
2. "Azerbaijan's Kurds Fear Loss Of National Identity". Azadlıq Radiosu (ingilis). 1 iyul 2011. 2022-02-02 tarixində arxivləşdirilib. İstifadə tarixi: 2 fevral 2022.
3. "Hevpeyvîna Selîam Zencîrî bi Tahir Silêman (Sernivîskarê rojnameya Dîplomat)". kurdistanmedia.com (kürd). 21 aprel 2010 tarixində .
4. "Ethnic Kurd Among Presidential Hopefuls in Azerbaijan Polls". Rudaw (ingilis). 14 sentyabr 2013. 2022-02-02 tarixində arxivləşdirilib. İstifadə tarixi: 2 fevral 2022.
5. "THE PUBLICATION OF THE NEWSPAPER DIPLOMAT PROHIBITED". Reportyorların Azadlıq və Təhlükəsizlik İnstitutu (ingilis). 13 mart 2012. 2022-02-02 tarixində arxivləşdirilib. İstifadə tarixi: 2 fevral 2022.
6. "Tahir Süleyman: ""Diplomat" qəzetinin çapına mane olan şəxsin adını tapmışam"". Modern.az. 12 mart 2012. 2022-02-02 tarixində arxivləşdirilib. İstifadə tarixi: 2022-02-06.
7. "Tahir Süleymandan sensasion açıqlamalar". Moderator.az (az.). 12 sentyabr 2013. 2022-02-02 tarixində arxivləşdirilib. İstifadə tarixi: 2 fevral 2022.
8. "Əhəd Abıyev kürd "Diplomat" - da təbliğat aparır?". Demokratik.az (az.). 9 aprel 2018. 2022-02-02 tarixində arxivləşdirilib. İstifadə tarixi: 2022-02-06.
9. ""HƏR BİR XALQIN MİLLİ MƏNSUBİYYƏTİ ONUN QÜRUR MƏNBƏYİDİR"". Diplomat (az.). 127 (16). 1–8 iyul 2011. səh. 3.
10. "PKK-çılar AZƏRBAYCANI HƏDƏLƏDİ". GünAz TV (az.). 9 oktyabr 2008. 2022-02-02 tarixində orijinalından arxivləşdirilib. İstifadə tarixi: 2 fevral 2022.