Bu məqalədəki məlumatların yoxlanılabilər olması üçün əlavə mənbələrə ehtiyac var Daha ətraflı məlumat və ya məqalədəki

Səlim İsmayıl oğlu Səlimov (11 oktyabr 1941, Xaçınyalı, Laçın rayonu – 23 mart 2024, Bakı) — Azərbaycan SSR Ali Sovetinin XII çağırış deputatı (1990–1995).

Səlim Səlimov
Səlimov Səlim İsmayıl oğlu
Azərbaycan SSR Ali Sovetinin XII çağırış deputatı
1990 – 1995
Laçın Rayon Xalq Deputatları Soveti İcraiyyə Komitəsinin sədri
1986 – 1991
Əvvəlki	Xanlar Məmmədov
Sonrakı	Vəzifə ləğv olundu.
Şəxsi məlumatlar
Doğum tarixi	11 oktyabr 1941(1941-10-11)
Doğum yeri	Xaçınyalı, Laçın rayonu, Azərbaycan SSR, SSRİ
Vəfat tarixi	23 mart 2024(2024-03-23) (82 yaşında)
Vəfat yeri	Bakı, Azərbaycan
Dəfn yeri	Dədə Qorqud qəsəbə qəbiristanlığı^[d]
Təhsili	Bakı Dövlət Universiteti, Bakı Ali Partiya Məktəbi
Fəaliyyəti	deputat

Həyatı

Səlim Səlimov 1941-ci il oktyabrın 11-də Laçın rayonunun Xaçınyalı kəndində anadan olub.

1963-cü ildə S. M. Kirov adına Azərbaycan Dövlət Universitetinin (indiki BDU) Azərbaycan dili və ədəbiyyatı fakültəsinə qəbul olmuşdur.

1969-cu ildə dilçi-ədəbiyyatçı, azərbaycan dili və ədəbiyyatı müəllimi ixtisası alaraq universiteti bitirmişdir.

Səlim Səlimov 1996-cı ildən təqaüdçü idi . 23 mart 2024-cü il tarixində vəfat edib.

Siyasi fəaliyyəti

1956-cı ildən ÜİLKGİ-nin, 1968-ci ilin yanvar ayından isə Azərbaycan KP-nın üzvü olmuşdur.

1973–1975-ci illərdə Bakı Ali Partiya Məktəbinin tam kursunu bitirmişdir.

Laçında

1971-ci ildə 56 saylı seçki dairəsindən XIII çağırış, 1975-ci ildə 51 saylı seçki dairəsindən XIV çağırış Laçın Rayon Zəhmətkeşlərin Deputatları Sovetinə, 1979-cu ildə isə 50 saylı seçki dairəsindən XV çağırış Laçın Rayon Xalq Deputatları Sovetinə deputat seçilmişdir.

Laçın rayon VII (1978), VIII (1980), IX (1983) partiya konfranslarının üzvü olmuşdur.

1971–1973-cü illərdə Azərbaycan ÜİLKGİ Laçın rayon Komsomolun katibi işləmişdir.

1981-ci ildə Azərbaycan SSR "Bilik" cəmiyyətinin üzvü olaraq mühazirəçi olmuşdur.

1986–1988-ci illərdə Azərbaycan KP Laçın rayon komitəsinin II katibi işləmişdir.

Parlamentdə

1990-cı ildə Azərbaycan Respublikasının Xalq deputatı seçilmiş və 1995-ci ilə qədər deputat olmuşdur.

Mükafatları

1977-ci ildə "Slava oktyabr" döş nişanı, 3 oktyabr 1980-ci ildə "Əlaçı əməyə görə" döş nişanı, 1978-ci ildə ÜİLKGİ-nin "60 illik yubiley"i, 1988-ci ildə ÜİLKGİ-nin "70 illik yubiley"i ilə əlaqədar yubiley medalları, Səlim Səlimov Daxili İşlər Nazirliyinin "Əla xidmətə görə" medalı ilə təltif olunmuş, 5 may 1983-cü ildə Baş Leytenant rütbəsi almış və 1988-ci ilin fevral ayından 1 oktyabr 1991-ci ilədək könüllü özünümüdafiə dəstələrinin tərkibində erməni təcavüzkarlarına qarşı gedən döyüşlərdə iştirak etmişdir. Ona 17 fevral 2004-cü ildə "Müharibə veteranı" vəsiqəsi təqdim olunmuşdur.

İstinadlar

Arif Məmmədli. "Hələ yaşamağa dəyər", "Laçın yurdu" jurnalı, № 1(4), 2012, Bakı, , 2012. səh.24.
Qlobal.az. "Laçının tanınmış ziyalısı, sabiq deputat Səlim Səlimov vəfat edib". qlobal.az (ingilis). 2024-03-24 tarixində . İstifadə tarixi: 2024-03-24.

Xarici keçidlər

Səlim Səlimov ^{[ölü keçid]}

[1] Arif Məmmədli. "Hələ yaşamağa dəyər", "Laçın yurdu" jurnalı, № 1(4), 2012, Bakı, , 2012. səh.24.

[2] Qlobal.az. "Laçının tanınmış ziyalısı, sabiq deputat Səlim Səlimov vəfat edib". qlobal.az (ingilis). 2024-03-24 tarixində . İstifadə tarixi: 2024-03-24.