Səfərəli Məmmədov ilə səhv salmayın Səfəralı Məmmədov Azərbaycanın Milli Qəhrəmanı Qarabağ müharibəsi şəhidi Səfəralı Mə

Səfəralı Məmmədov — Azərbaycanın Milli Qəhrəmanı; Qarabağ müharibəsi şəhidi.

Səfəralı Məmmədov
Səfəralı Qurban oğlu Məmmədov

Şəxsi məlumatlar
Doğum tarixi	16 oktyabr 1963
Doğum yeri	Sərçuvar, Masallı rayonu, Azərbaycan SSR, SSRİ
Vəfat tarixi	16 fevral 1992 (28 yaşında)
Vəfat yeri	Qaradağlı, Xocavənd rayonu, Azərbaycan
Vəfat səbəbi	şəhid
Dəfn yeri	Sərçuvar, Masallı rayonu, Azərbaycan
Vətəndaşlığı	SSRİ→ Azərbaycan
Hərbi fəaliyyəti
Rütbəsi	Leytenant
Vəzifəsi	taqım komandiri
Döyüşlər	Birinci Qarabağ müharibəsi
Təltifləri

Həyatı

16 oktyabr 1963-cü ildə Masallı rayonunun Sərçuvar kəndində anadan olmuşdur. 1981-ci ildə burada məktəbi bitirir və hərbi xidmətə çağırılır. 1983-cü ildə ordudan tərxis edilir. Krasnodar şəhərinə gələrək milis sisteminə daxil olur. 1990-cı ildə Bakı Xüsusi Orta Milis Məktəbinə göndərilir. Buranı leytenant rütbəsi ilə bitirən Səfəralı Qarabağa getmək istədiyini bildirir, ona Bakıda hava limanında iş təklif edilsə də, o, inadından dönmür. Subay idi.

Döyüşlərdə iştirakı

Səfəralı Məmmədov Ağdam rayonunda polis komandiri kimi döyüşlərə atılır. Sarışın olması, rus dilini səlis bilməsi ona ermənilər arasına təkbaşına getməsinə imkan verirdi. Səfəralı Fərruxda, Ağbulaq fermasında, Qarakənd kəndində onlarla ermənini girov götürmüşdü. 1992-ci il 16 fevral Səfəralının son döyüşü oldu. Faşist, azğınlaşmış erməni dəstələri Xocavənd rayonunun Qaradağlı kəndinə hücum edib insanları vəhşicə qətlə yetirib meyitləri silos quyularına atmışdılar. Səfəralının başçılıq etdiyi dəstə erməni yaraqlılarını məhv edərək irəliləyirdi, onun idarə etdiyi maşın qumbaratanla vuruldu qəlpələrdən bir neçəsi kəmərindəki əl qumbarasına dəydiyindən o, faciəli surətdə həlak oldu. Masallı rayonunun Sərçuvar kəndində dəfn edilib.

İrsi və xatirəsi

Masallı şəhərindəki küçələrdən biri və təhsil aldığı orta məktəb qəhrəmanımızın adını daşıyır.

Milli Qəhrəman Səfəralı Məmmədova "Qəhrəman polis" adlı sənədli film həsr edilmiş və Masallı rayon Mədəniyyət mərkəzində təqdimatı olmuşdur.

Təltif və mükafatları

Azərbaycan Respublikası Prezidentinin 6 iyun 1992-ci il tarixli 831 saylı fərmanı ilə mayor Səfəralı Qurban oğlu Məmmədov ölümündən sonra "Azərbaycanın Milli Qəhrəmanı" adına layiq görülmüşdür.

(6 iyun 1992) — (ölümündən sonra)

Ədəbiyyat

Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 207.

İstinadlar

"Qəhrəman polis": Milli Qəhrəman Səfəralı Məmmədova həsr edilmiş sənədli filmin təqdimatı: [Masallı rayon Mədəniyyət mərkəzində] //Mədəniyyət.- 2014.- 28 may.- S.7.
"Azərbaycan Respublikası daxili işlər orqanlarının bir qrup əməkdaşına "Azərbaycanın Milli Qəhrəmanı" adı verilməsi haqqında Azərbaycan Respublikası Prezidentinin səlahiyyətini həyata keçirən Azərbaycan Respublikası Ali Sovetinin sədri İsa Qəmbərovun 6 iyun 1992-ci il tarixli 831 nömrəli fərmanı". www.e-qanun.az (Normativ hüquqi aktların vahid internet elektron bazası) ( (az.)). 06.06.1992. 2017-04-23 tarixində . İstifadə tarixi: 06.06.1992.

[1] "Qəhrəman polis": Milli Qəhrəman Səfəralı Məmmədova həsr edilmiş sənədli filmin təqdimatı: [Masallı rayon Mədəniyyət mərkəzində] //Mədəniyyət.- 2014.- 28 may.- S.7.

[:0-2] "Azərbaycan Respublikası daxili işlər orqanlarının bir qrup əməkdaşına "Azərbaycanın Milli Qəhrəmanı" adı verilməsi haqqında Azərbaycan Respublikası Prezidentinin səlahiyyətini həyata keçirən Azərbaycan Respublikası Ali Sovetinin sədri İsa Qəmbərovun 6 iyun 1992-ci il tarixli 831 nömrəli fərmanı". www.e-qanun.az (Normativ hüquqi aktların vahid internet elektron bazası) ( (az.)). 06.06.1992. 2017-04-23 tarixində . İstifadə tarixi: 06.06.1992.