Salome Zurabişvili gürc სალომე ზურაბიშვილი 18 mart 1952 XV arondisman Paris Paris Fransa və Gürcüstan siyasətçisi və siy

Salome Zurabişvili (gürc. სალომე ზურაბიშვილი, 18 mart 1952, XV arondisman (Paris), Paris) — Fransa və Gürcüstan siyasətçisi və siyasi xadimi. Gürcüstan Respublikasının 2004-cü ilin mart ayından 2005-ci ilin noyabr ayınadək Xarici İşlər Naziri olmuşdur. Gürcüstanın Mtatsminda rayonunun millət vəkilidir. 2018-ci ilin dekabrın 16-dan Gürcüstan Respublikasının 5-ci Prezidentidir.

Salome Zurabişvili
gürc. სალომე ზურაბიშვილი

Gürcüstan Respublikasının 5-ci Prezidenti
Vəzifədədir
16 dekabr 2018-ci ildən
Əvvəlki	Giorgi Marqvelaşvili
Gürcüstan Respublikasının 6-cı Xarici İşlər Naziri
18 mart 2004 – 19 oktyabr 2005
Əvvəlki	Tedo Caparidze
Sonrakı	Qela Bejuaşvili
Şəxsi məlumatlar
Doğum adı	Salomé Nino Zourabichvili
Doğum tarixi	18 mart 1952(1952-03-18)(72 yaş)
Doğum yeri	XV arondisman (Paris), Paris, Paris
Təhsili	Siyasi Araşdırmalar İnstitutu, Kolumbiya Universiteti
Fəaliyyəti	diplomat, dövlət xadimi, siyasətçi
Uşaqları	2
Dini	Gürcü Ortodoks Kilsəsi

Təltifləri

salome.ge
Vikianbarda əlaqəli mediafayllar

Gürcüstan Respublikası Xarici İşlər Naziri olaraq təyin edildiyi müddətdə, adı Rusiyanın Gürcüstandakı rus hərbi bazalarının geri çəkilməsi ilə əlaqələndirilir.

Salome Zurabişvili, Fransadakı gürcü diasporunun sədri olmuş Levan Zurabişvilinin ailəsində, gürcü siyasi mühacirlərinin ailəsində anadan olub və böyüyüb.

Həyatı

Salome Zurabişvili 1952-ci il martın 18-də Parisdə, gürcü siyasi mühacirlərin ailəsində, Fransadakı Gürcüstan diasporunun sədri ailəsində anadan olmuşdur. Levanın atası 1921-ci ildə Gürcüstandan SSRİ işğalına görə qaçan siyasi mühacirlərdən biri idi. 1972-ci ildə Salome Zurabişvili Paris Siyasi Elmlər İnstitutunu, 1973-cü ildə Kolumbiya Universitetini, 1981-ci ildə isə Parisin Milli Təhsil məktəbini bitirmişdir.

Siyasi fəaliyyəti

Salome 30 il Fransa XİN-də diplomat kimi fəaliyyət göstərib. Zurabişvili Gürcüstana ilk dəfə 2001-ci ildə Fransanın Gürcüstandakı səfiri kimi gəlib. Lakin 2004-cü ilin martında Zurabişvili artıq prezident Mixail Saakaşvilinin sərəncamı ilə inqilabçı hökumətdə ölkənin xarici işlər naziri təyin edilib.

Elə həmin vaxt gürcü vətəndaşlığı alan Zurabişvili bununla yanaşı fransız vətəndaşlığını da qoruyub saxlayıb. Xarici işlər naziri vəzifəsində Zurabişvili bir ildən artıq fəaliyyət göstərib. Zurabişvili xarici işlər naziri postunda əsas uğurlarından biri kimi Rusiya hərbi bazalarının ölkədən çıxarılması haqqında qərarın qəbul edilməsini göstərirdi. Hətta çıxışlarının birində deyib ki, bunu tarixi nailiyyət hesab edir. 2005-ci ildə nazirlikdən kənarlaşdırılan Salome, Saakaşviliyə müxalifət mövqeyinə keçib. 2005-ci ildən 2010-cu ilə qədər o, fəal şəkildə Saakaşvili hakimiyyətinə qarşı durub, amma müxalifət lideri elə də ola bilməyib. 2010-cu ilə qədər "Gürcüstanın yolu" müxalifət partiyasına rəhbərlik edən Zurabişvili daha sonra BMT-nin İrandakı vəziyyət üzrə monitorinqinin ekspert qrupuna daxil olub. 2013-cü ildə keçirilən prezident seçkilərində iştirak etmək istəyən Zurabişvilinin qeydiyyatdan keçmək barədə müraciəti ikili vətəndaşlığa görə rədd edilmişdi.

2016-cı ildə keçirilən parlament seçkilərində Tbilisidəki majoritar dairələrdən birində müstəqil namizəd kimi iştirak edən Zurabişvili hakim partiyanın dəstəyilə parlamentə seçilib. 2018-ci il seçkilərinə qatılmaq üçün o Fransa vətəndaşlığından imtina edib.

İstinadlar

Salomé Zourabichvili // Roglo. 1997.
Salome Surabischwili // Munzinger Personen (alm.).
https://www.legifrance.gouv.fr/affichTexte.do?cidTexte=JORFTEXT000000419116.
"Salome Zurabişvili Gürcüstanın yeni prezidenti seçildi". qafqazinfo.az (az.). 29 noyabr 2018 tarixində . İstifadə tarixi: 29 noyabr 2018.
"„ქართული ოცნება" საზოგადოებას მოუწოდებს, საქართველოს პრეზიდენტის პოსტზე მხარი დაუჭიროს სალომე ზურაბიშვილის კანდიდატურას" (gürcü). new.ipn.ge. İstifadə tarixi: 15 oktyabr 2018.
. 2019-06-26 tarixində orijinalından arxivləşdirilib. İstifadə tarixi: 2019-06-26.
Axmeteli, Nina. "Salome Zurabişvili – Gürcüstandakı prezident seçkilərində favorit. O, kimdir?". bbc.com. 2022-03-30 tarixində . İstifadə tarixi: 26 iyun 2019.

Xarici keçidlər

[_b70dba134a9cf246-1] Salomé Zourabichvili // Roglo. 1997.

[_d837aaead57fdbec-2] Salome Surabischwili // Munzinger Personen (alm.).

[_ce3792259e19584f-3] ttps://www.legifrance.gouv.fr/affichTexte.do?cidTexte=JORFTEXT000000419116.

[4] "Salome Zurabişvili Gürcüstanın yeni prezidenti seçildi". qafqazinfo.az (az.). 29 noyabr 2018 tarixində . İstifadə tarixi: 29 noyabr 2018.

[koba-5] "„ქართული ოცნება" საზოგადოებას მოუწოდებს, საქართველოს პრეზიდენტის პოსტზე მხარი დაუჭიროს სალომე ზურაბიშვილის კანდიდატურას" (gürcü). new.ipn.ge. İstifadə tarixi: 15 oktyabr 2018.

[6] . 2019-06-26 tarixində orijinalından arxivləşdirilib. İstifadə tarixi: 2019-06-26.

[7] Axmeteli, Nina. "Salome Zurabişvili – Gürcüstandakı prezident seçkilərində favorit. O, kimdir?". bbc.com. 2022-03-30 tarixində . İstifadə tarixi: 26 iyun 2019.