Ruslan Dibirhacıyev

Ruslan Dibirhacıyev (20 iyul 1988, Mahaçqala) — 2002-2008-ci illərdə Rusiyanı, 2009-2018-ci illərdə isə Azərbaycanı təmsil edən sərbəst güləşçi.

Ruslan Dibirhacıyev
Şəxsi məlumatlar
Tam adı	Ruslan Adilxanoviç Dibirhacıyev
Vətəndaşlığı	Rusiya → Azərbaycan
Doğum tarixi	20 iyul 1988(1988-07-20) (35 yaş)
Doğum yeri	Mahaçqala, Dağıstan MSSR, RSFSR, SSRİ
Boyu	174 sm. (5 ft 6 in)
İdman növü	Güləş
Karyera illəri	2002—2018
Məşqçisi	Firdovsi Umudov
Komandası	Atasport İdman Klubu
Medallar Azərbaycan üçün Avropa Oyunları Bürünc 2015 Azərbaycan 70 Kq. Avropa Çempionatı Qızıl 70 Kq. Bürünc 70 Kq. Dövlət təltifləri 2015

Karyerası

Ruslan Dibirhacıyev 2008-ci ildə Rusiyada Şamil Umarxanovun xatirəsinə həsr olunan beynəlxalq turniri bürünc medalla başa vurdu. 2009-cu ildə Azərbaycan Güləş Federasiyası (AGF) tərədindən Ruslan Dibirhacıyev sərbəst güləş üzrə Azərbaycan yığmasının heyətinə cəlb edildi. Ruslan Dibirhacıyev 2009 və 2010-cu illərdə Azərbaycanın sabiq Prezidenti Heydər Əliyevin xatirəsinə həsr olunan Qızıl Qran-Pri beynəlxalq turnirləri müvafiq olaraq beşinci və yeddinci pillələrdə başa vurdu.

2013-cü ildə Ruslan Dibirhacıyev beynəlxalq turnirlərdə birinci uğurlarına imza tadı. İyulda İspaniyanın Madrid şəhərində baş tutan İspaniya Qran-Prisinin qalibi olan Ruslan Dibirhacıyev noyabrda Azərbaycanda Qızıl Qran-Pri beynəlxalq turnirinin bürünc medalına sahib oldu. Karyerasının ən uğurlu mövsümü 2014-cü ilə təsadüf edən Ruslan Dibirhacıyev fevralda Bolqarıstanın Sofiya şəhərində D. Kolov - N. Petrov beynəlxalq turnirinin, apreldə Finlandiyanın Vantaa şəhərində Avropa Çempionatının, iyunda isə Almaniyanın Dortmund şəhərində Almaniya Qran-Prisi beynəlxalq turnirinin qızıl medallarına sahib oldu. Həmin ilin sentyabrında Dünya Çempionatlarında debüt edən Ruslan Dibirhacıyev uğursuz çıxış elədi və turniri 15-ci pillədə başa vurdu.

Ruslan Dibirhacıyev 2015-ci ilin yanvarında Fransada Paris Qran-Prisinin bürünc medalına sahib oldu. İyunda isə Ruslan Dibirhacıyev Birinci Avropa Oyunlarında mübarizə apardı. Turnirin 1/8 final mərhələsində Ruslan Dibirhacıyev Polşa nümayəndəsi Məhəmmədmurad Hacıyev ilə üz-üzə gəldi. Həmin görüşdə Ruslan Dibirhacıyev rəqibinə 2:8 hesabı ilə məğlub oldu. Rəqib final görüşünə vəsiqə qazandığına görə Ruslan Dibirhacıyev təsəlliverici qrupda mübarizə apardı. Təsəlliverici qrupun birinci görüşündə Ruslan Dibirhacıyevin rəqibi Bolqarıstan nümayəndəsi Miroslav Kirov oldu. Həmin görüşdə Ruslan Dibirhacıyev rəqibi üzərində 4:1 hesabı ilə qələbə qazandı və təsəlliverici qrupun növbəti görüşünə adladı. Bu görüşdə onun rəqibi Macarıstan nümayəndəsi Zsombor Qulyas oldu. Gərgin idman mübarizəsi şəraitində baş tutan görüşdə Ruslan Dibirhacıyev rəqibinə 5:4 hesabı ilə qalib gəldi və bürünc medal uğrunda görüşə vəsiqə qazandı. Bu görüşdə onun rəqibi Gürcüstan nümayəndəsi David Tlaşadze oldu. Həmin görüşdə Ruslan Dibirhacıyev rəqibi üzərində 6:2 hesabı ilə qələbə qazandı və Birinci Avropa Oyunlarının bürünc medalına sahib oldu.

Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən Birinci Avropa Oyunlarında qazandığı nailiyyətlərə və Azərbaycan idmanında xidmətlərinə görə Ruslan Adilxanoviç Dibirhacıyev ilə təltif edildi.

2016-cı ildə beynəlxalq turnirlərdə çıxış eləməyən Ruslan Dibirhacıyev 2017-ci il ərzində Bolqarıstanda D. Kolov - N. Petrov beynəlxalq turnirinin və Serbiyada Avropa Çempionatının bürünc medallarına sahib oldu. Ruslan Dibirhacıyev 2018-ci ildə idmanla vidalaşdı.

Nəticələri

Sıra	İl	Yarış	Ev sahibi	Nəticə
Rusiya
1	2008	Şamil Umarxanov Turniri	Rusiya	3.
Azərbaycan
2	2009	Qızıl Qran-Pri	Azərbaycan	5.
3	2010	Qızıl Qran-Pri	Azərbaycan	7.
4	2013	İspaniya Qran-Prisi	İspaniya	1.
5		Poland Open	Polşa	8.
6		Qızıl Qran-Pri	Azərbaycan	3.
7	2014	Dan Kolov Turniri	Bolqarıstan	1.
8		Avropa Çempionatı	Finlandiya	1.
9		Almaniya Qran-Prisi	Almaniya	1.
10		Qızıl Qran-Pri	Azərbaycan	3.
11		Dünya Çempionatı	Özbəkistan	15.
12		Ramzan Kadırov Turniri	Rusiya	5.
13	2015	Paris Qran-Prisi	Fransa	3.
14		Avropa Oyunları	Azərbaycan	3.
15		Dünya Çempionatı	ABŞ	12.
16	2017	D. Kolov - N. Petrov Turniri	Bolqarıstan	3.
17		Avropa Çempionatı	Serbiya	3.
18	2018	Kiyev Turniri	Ukrayna	12.

İstinadlar

1. International Wrestling Database. "RUSLAN DIBIRGADZHIYEV". www.iat.uni-leipzig.de (ingilis). 2022-08-04. 2020-08-20 tarixində . İstifadə tarixi: 02.08.2022.
2. Normativ hüquqi sənədlərin vahid internet bazası. "I Avropa Oyunları qaliblərinin və Azərbaycan idmanında xidmətləri olan şəxslərin təltif edilməsi haqqında Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamı". www.e-qanun.az ( (az.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.