Rasim Gənzəli

Rasim Gənzəli (tam adı: Rasim Qulu oğlu Məmmədli; 9 fevral 1962, Gənzə, Ordubad rayonu – 12 avqust 2018, Bakı) — Azərbaycan yazıçısı, jurnalisti, Azərbaycan Yazıçılar Birliyinin üzvü, Milli Dirçəliş Hərəkatı Partiyasının sədrinin humanitar məsələlər üzrə müşaviri, “”nin İdarə Heyəti üzvü

Rasim Gənzəli
Rasim Qulu oğlu Məmmədli
Rasim Gənzəli 2016-cı ildə.
Doğum tarixi	9 fevral 1962(1962-02-09)
Doğum yeri	Gənzə, Ordubad rayonu, Naxçıvan MSSR, Azərbaycan SSR, SSRİ
Vəfat tarixi	12 avqust 2018(2018-08-12) (56 yaşında)
Vəfat yeri	Bakı, Azərbaycan
Təhsili	Naxçıvan Dövlət Universiteti

Bioqrafiya

Rasim Qulu oğlu Məmmədli 9 fevral 1962-ci ildə Naxçıvan MSSR-nin Ordubad rayonunun Gənzə kəndində anadan olmuşdur. Uşaqlıqdan əlildir, yeriyə bilmir. Evdə fərdi surətdə orta, daha sonra isə ali təhsil almışdır. Naxçıvan Dövlət Universitetinin tarix-filologiya fakultəsinin kitabxanaçılıq və biblioqrafiya ixtisasını bitirmişdir.

Gənc yaşlarından publisistik və bədii yaradıcılıqla məşğul olmuşdur. Ordubadda çap olunan "Yeni Ordubad" və "El həyatı" qəzetlərində ştatdankənar müxbir kimi fəaliyyət göstərib. 2001-ci ildən Azərbaycan Yazıçılar Birliyinin üzvüdür.

Bütün kitablarının adları “Q” hərfi ilə başlayır. Səbəbini özündən soruşduqda belə cavab verib: “İki kitabım nəşr olunmuşdu. Bir gün qardaşım qızı gəldi ki, əmi, bəs fikir vermisənmi, sənin kitablarının adı “Q” hərfi ilə başlayır? Doğrusu, özüm diqqət etməmişdim. O gündən sonra yazdığım kitablarıma “Q” hərfi ilə başlayan adlar seçdim”.

2012-ci ildə Bakıda Mahmud Allahmanlının "Elm və təhsil" nəşriyyatında Rasim Gənzəlinin yaradıcılığının təhlil olunduğu, hekayələrinin, povestlərinin, romanlarının mövzu istiqamətləri, elmi-nəzəri şərh edildiyi "Rasim Gənzəlinin bədii nəsri" əsəri çap edilib.

2018-ci ilin fevral ayında Azərbaycan Yazıçılar Birliyinin Natəvan klubunda yazıçı-publisist Rasim Gənzəlinin 55 illiyi münasibətilə tədbir keçirilib. Görüşdə həmçinin oxuculara yazıçının yenicə çapdan çıxmış “Qərib gecələr” kitabı da təqdim olunub.

Respublikanın dövri mətbuatında 600-ə yaxın məqalə və publisistik yazıları dərc olunub.

"Ədəbiyyat sahəsində xidmətlərinə görə Prezident mükafatı", "Qızıl qələm", "Vətən", "Yaddaş", "Türk ədəbiyyatına xidmət", BMT-nin ədəbiyyat üzrə Avropa ordeni ilə təltif edilmişdir.

12 avqust 2018-ci ildə Bakı şəhərində vəfat etmişdir.

Ailəli idi. Həyat yoldaşı olmuş də şairədir, Azərbaycan Yazıçılar Birliyinin üzvüdür.

Kitabları

Rasim Gənzəlinin kitabları

• 1. “Qanlı çay”. Povest və hekayələr. Bakı. Gənclik nəşriyyatı. 1999-cu il.
• 2. “Qara sevda”. Roman. Bakı. Gənclik nəşriyyatı. 2000-ci il.
• 3. “Qurdlar və manqurtlar”. Roman. Bakı. “Adiloğlu” nəşriyyatı. 2004-cü il.
• 4. “Qaranlıq gündüzlər”. Povest və hekayələr. Bakı. “Vektor” nəşrlər evi. 2005-ci il.
• 5. “Qəlbi asiman kimi”. Publisistika. Bakı. “Qanun” nəşriyyatı. 2007-ci il.
• 6. “Qalib gələn adam”. Publisistika. Bakı. “Vektor” nəşrlər evi. 2008-ci il.
• 7. “Qiyamət qopanda...”. Roman. Bakı. “Vektor” nəşrlər evi. 2010-cu il.
• 8. “Qərib gecələr”
• 9. "Qurdbəşər"

İstinadlar

1. "Azərbaycan yazıçıları" (az.). aztc.gov.az. 2018-04-21 tarixində . İstifadə tarixi: 2018-12-03.
2. "3 Dekabr - Beynəlxalq Əlillər Günü ilə bağlı tədbir keçirilib" (az.). science.az. 2017-12-05. 2018-11-13 tarixində . İstifadə tarixi: 2018-12-03.
3. Fərəc Quliyev. "Fərəc Quliyev Rasim Gənzəlinin vəfatı ilə bağlı başsağlığı verdi". . 2018-08-13. 2018-09-13 tarixində . İstifadə tarixi: 2018-12-03.
4. (az.). mys.gov.az. 2017-06-13. 2017-06-20 tarixində orijinalından arxivləşdirilib. İstifadə tarixi: 2018-11-13.
5. Xəyalə Məmmədova. ""Mən 14 yaşıma qədər dizlərim üstündə yerimişəm, ayaqlarım..."" (az.). . 2017-04-22. 2017-08-14 tarixində . İstifadə tarixi: 2018-12-02.
6. "RASİM GƏNZƏLİ" (az.). qartal.org. 2017-03-20 tarixində . İstifadə tarixi: 2018-12-02.
7. . ""...bəxtimə yazılmışdı"" (az.). . 2013-08-28. 2018-12-02 tarixində arxivləşdirilib. İstifadə tarixi: 2018-12-03.
8. Mahmud Allahmanlı, Rasim Gənzəlinin bədii nəsri^{[ölü keçid]}, Bakı, "Elm və təhsil", 2012, 188 səh.
9. Qiymət Məhərrəmli. "Əbədiləşən ədəbi sima–RASİM GƏNZƏLİ" (az.). . 2017-02-16. 2017-02-18 tarixində . İstifadə tarixi: 2018-12-05.
10. "YAZIÇILAR BİRLİYİNİN MÜKAFATLARI TƏQDİM OLUNMUŞDUR" (az.). azertag.az. 2003-12-04. 2018-12-02 tarixində arxivləşdirilib. İstifadə tarixi: 2018-12-03.
11. Səbinə Kərimova. (az.). . 2018-08-13. 2018-10-16 tarixində orijinalından arxivləşdirilib. İstifadə tarixi: 2018-12-03.
12. ""Köçdü özünün əbədi diyarına..." - Aybəniz Haşımova bu xəbərlə sarsıldı - FOTO" (az.). . 2018-08-14. 2018-12-02 tarixində arxivləşdirilib. İstifadə tarixi: 2018-12-03.
13. "Qiyamət qopanda... (roman)" (az.). . 2018-02-25 tarixində . İstifadə tarixi: 2018-12-05.

Xarici keçidlər

• Rasim Gənzəli — Instagram səhifəsi
• İsmayıl Həkimli (Padaroğlu). "Dağ vüqarlı insan - Rasim Gənzəli 55" (az.). . 2017-02-18. 2018-12-05 tarixində . İstifadə tarixi: 2018-12-05.