Növrəs iman 13 may 1903 Ağkilsə Yeni Bəyazid qəzası XX əsr Azərbaycanlı ustad şair aşıq Növrəs imaniman Məşədi Saleh oğl

Növrəs İman (13 may 1903, Ağkilsə, Yeni Bəyazid qəzası – XX əsr) — Azərbaycanlı ustad şair, aşıq.

Növrəs İman
İman Məşədi Saleh oğlu

Təxəllüsü	Novrəs
Doğum tarixi	13 may 1903(1903-05-13)
Doğum yeri	Ağkilsə, Yeni Bəyazid qəzası, İrəvan quberniyası, Rusiya imperiyası
Vəfat tarixi	XX əsr
Vəfat yeri	bilinmir
Dəfn yeri	bilinmir
Uşağı	Şahmalı Salahov
Atası	Məşədi Saleh
Təhsili	mədrəsə
Fəaliyyəti	aşıq, şair
Növrəs İman Vikimənbədə

Həyatı

Növrəs İman 13 may 1903-cü ildə Göyçə mahalının Ağkilsə kəndində anadan olub. O Aşıq Ələsgərin qardaşı Məşədi Salehin oğludur. İman təhsilini Göyçənin Hüseynquluağalı kəndində molla məktəbində almışdır. Bir müddət Kəlbəcər rayonunun Seyidlər kəndində kənd sovetinin katibi vəzifəsində işləmişdir.

İman 1930-cu ildə əsəb xəstəliyinə tutulmuş və 1932-ci ildə itkin düşmüşdür. Bu tarixdən sonra onun haqqında hər hansısa məlumat alınmamışdır. Növrəs İman Aşıq Ələsgər ədəbi məktəbinin yetişdirdiyi ən istedadlı şair aşıqlardandır. O, gənc yaşlarından şer yazmağa başlamış və tez bir zamanda xalq içərisində ustad aşıq kimi məşhurlaşmışdır.

Bədahətən şer demək qabiliyyətinə malik olan el sənətkarının saysız-hesabsız qoşma, gəraylı, təcnis, divani, müxəmməs, cığalı təcnis, müstəzad, dodaqdəyməz və sair şəkillərdə şerləri olmuşdur. Təəssüf ki, o , xəstələndikdən sonra bu sənət incilərinin əksəriyyətini öz əli ilə məhv etmişdir. Deyilənlərə görə onun dram əsərləri də varmış. İman özündən əvvəlki bir çox aşıq və el şairlərinin şerlərinə cavab yazmış və açılmamış qıfılbəndləri açmışdır.

Kitabları

Miskin Vəli, Növrəs İman. İki ustad. Bakı: Azərbaycan Dövlət Nəşriyyatı, 1996, 192 s.
Novrəs İman. Seçilmiş əsərləri. (Toplayıb tərtib edəni: İslam Ələsgər) Bakı, "Səda", 2004.

Ailəsi

Növrəs İmanın Şahmalı Salahov adlı bir oğlu olub.

Şəcərəsi

Heydər
- Əbdüləzim
  - Təhməz
    - Talıbxan
      - Allahverdi
        Alməmməd kişi
        Məşədi Saleh
        Növrəs İman

İstinadlar

Bu günün tarixi (13.05.2011) ^{[ölü keçid]}
"Sazlı-sözlü Göyçə (II kitab)" (PDF) (az.). Elm və təhsil. 2018. 2018-06-01 tarixində arxivləşdirilib (PDF). İstifadə tarixi: 2018-06-01.
Azərbaycan Aşıqlar Birliyi. (PDF) (az.). “Zərdabi Nəşr” MMC nəşriyyatı. 2020. Archived from the original on 2023-06-16. İstifadə tarixi: 17 iyun 2023.
Qılman İman. . analoq.az. 23.03.2016. 2017-12-25 tarixində orijinalından arxivləşdirilib. İstifadə tarixi: 24 mart 2016.

Xarici keçidlər

Növrəs İmanın həyat və yaradıcılığı. Bakı, 2013. 2016-03-11 at the Wayback Machine

[1] Bu günün tarixi (13.05.2011) ^{[ölü keçid]}

[2] "Sazlı-sözlü Göyçə (II kitab)" (PDF) (az.). Elm və təhsil. 2018. 2018-06-01 tarixində arxivləşdirilib (PDF). İstifadə tarixi: 2018-06-01.

[3] Azərbaycan Aşıqlar Birliyi. (PDF) (az.). “Zərdabi Nəşr” MMC nəşriyyatı. 2020. Archived from the original on 2023-06-16. İstifadə tarixi: 17 iyun 2023.

[4] Qılman İman. . analoq.az. 23.03.2016. 2017-12-25 tarixində orijinalından arxivləşdirilib. İstifadə tarixi: 24 mart 2016.