Nurməhəmməd Hacıyev

Nurməhəmməd Murtuzəliyeviç Hacıyev (9 yanvar 1996, Qızılyurd, Dağıstan) — Azərbaycanı təmsil edən sərbəst güləşçi.

Nurməhəmməd Hacıyev
Nurməhəmməd Hacıyev 2017-ci ildə
Şəxsi məlumatlar
Tam adı	Nurməhəmməd Hacıyev
Vətəndaşlığı	Rusiya → Azərbaycan
Doğum tarixi	9 yanvar 1996(1996-01-09) (28 yaş)
Doğum yeri	Qızılyurd, Dağıstan, Rusiya
Boyu	180 sm. (5 ft 6 in)
İdman növü	Güləş
Karyera illəri	2009—2020
Medallar Azərbaycan üçün Avropa Oyunları Gümüş 2019 Belarus 97 Kq. Avropa Çempionatı Bürünc 97 Kq. Bürünc 97 Kq.

Karyerası

Azərbaycan Güləş Federasiyası (AGF) 2013-cü ildə Nurməhəmməd Hacıyevi yeniyetmələr arasında Azərbaycan Çempionatında mübarizə aparmağa səvət elədi və Nurməhəmməd Hacıyev həmin turnirin qalibi oldu. Bundan sonra Azərbaycan Güləş Federasiyası (AGF) tərəfindən Nurməhəmməd Hacıyev sərbəst güləş üzrə Azərbaycan yığmasının heyətinə cəlb edildi. Həmin il Nurməhəmməd Hacıyev Monteneqroda yeniyetmələr arasında Avropa Çempionatının qalibi oldu, Serbiyada yeniyetmələr arasında Dünya Çempionatını isə bürünc medalla başa vurdu.

Bir il sonra, 2014-cü ildə Nurməhəmməd Hacıyev Polşada gənclər arasında Avropa Çempionatının qalibi oldu, Serbiyada isə gənclər arasında Dünya Çempionatını beşinci pillədə başa vurdu. Nurməhəmməd Hacıyev həmin il həm də gənclər arasında Azərbaycan Çempionatının qızıl medalına sahib oldu.

2015-ci ildə növbəti dəfə gənclər arasında Azərbaycan Çempionatının qalibi olan Nurməhəmməd Hacıyev martda Polşada U23 Avropa Çempionatının gümüş medalına sahib oldu. İyunda Nurməhəmməd Hacıyev Birinci Avropa Oyunlarını beşinci pillədə başa vurdu. Həmin mövsüm Nurməhəmməd Hacıyev avqustda Braziliyada gənclər arasında Dünya Çempionatının qızıl, noyabrda Azərbaycanda Qızıl Qran-Pri beynəlxalq turnirinin isə gümüş medallarına sahib oldu.

Nurməhəmməd Hacıyev 2016-cı il ərzində Belarusda A. Medved Turnirinin, Bolqarıstanda U23 Avropa Çempionatının, Almaniyada isə Almaniya Qran-Prisinin qızıl medallarına sahib oldu. 2017-ci ilin mayında IV İslam Həmrəyliyi Oyunlarının da qalibi olan Nurməhəmməd Hacıyev 2018-ci ildə Avropa Çempionatlarında debüt elədi.Rusiyada baş tutan Avropa Çempionatını bürünc medalla başa vuran Nurməhəmməd Hacıyev həmin il həm də Kiyev Turnirinin, həmçinin Rusiyada D. Korin və V. Semenov beynəlxalq turnirlərinin də qalibi oldu.

2019-ci il ərzində Nurməhəmməd Hacıyev Rumıniyada Avropa Çempionatının bürünc, Belarusda Avropa Oyunlarının isə gümüş medallarına sahib oldu. 2020-ci ilin fevralında İtaliyada Avropa Çempionatını beşinci pillədə başa vuran Nurməhəmməd Hacıyev 2020-ci ildə idmanla vidalaşdı.

Nəticələri

Sıra	İl	Yarış	Ev sahibi	Nəticə
Azərbaycan
1	2013	Yeniyetmələrin Avropa Çempionatı	Monteneqro	1.
2		Yeniyetmələrin Dünya Çempionatı	Serbiya	3.
3	2014	Gənclərin Avropa Çempionatı	Polşa	1.
4		Gənclərin Dünya Çempionatı	Serbiya	5.
5	2015	U23 Avropa Çempionatı	Polşa	2.
6		Avropa Oyunları	Azərbaycan	5.
7		Gənclərin Dünya Çempionatı	Braziliya	1.
8		Qızıl Qran-Pri	Azərbaycan	2.
9	2016	A. Medved Turniri	Belarus	1.
10		U23 Avropa Çempionatı	Bolqarıstan	1.
11		Almaniya Qran-Prisi	Almaniya	1.
12	2017	İslam Həmrəyliyi Oyunları	Azərbaycan	1.
13	2018	Kiyev Turniri	Ukrayna	1.
14		Avropa Çempionatı	Rusiya	3.
15		D. Korin Turniri	Rusiya	1.
16		V. Semenov Turniri	Rusiya	1.
17	2019	Avropa Çempionatı	Rumıniya	3.
18		Ə. Əliyev Turniri	Rusiya	3.
19		Avropa Oyunları	Belarus	2.
20	2020	Avropa Çempionatı	İtaliya	5.

İstinadlar

1. International Wrestling Database. "NURMAGOMED GADZHIEV". www.iat.uni-leipzig.de (ingilis). 2022-08-04. 2020-08-25 tarixində . İstifadə tarixi: 02.08.2022.