Naxçıvan Muxtar Respublikasının fövqəladə hallar atlası

Naxçıvan Muxtar Respublikasının fövqəladə hallar atlası — Naxçıvan Muxtar Respublikasında fövqəladə hallar, təbii və texnogen fəlakətlərə hazırlıq, təhlükəsizlik tədbirləri və risk bölgələrini əks etdirən məlumat toplusu. Bu atlas bölgənin təhlükəsizlik potensialını artırmaq və fövqəladə hallar zamanı effektiv müdaxilə etməyə kömək edən mühüm bir kitabdır.

Naxçıvan MR fövqəladə hallar atlası
Naxçıvan Muxtar Respublikasının fövqəladə hallar atlası
Kitabın təqdimatı (2017)
Janr	Atlas
Mövzu	Fövqəladə hallar
Orijinalın dili	Azərbaycanca
Ölkə	Azərbaycan
Orijinalın nəşr ili	2017
Yazıldığı il	2016
Nəşriyyat
Səhifə	248
Tiraj	200

Nəşr tarixi

Naxçıvan MR fövqəladə hallar atlası 2017-ci ildə nəşr olunmuşdur. Atlasın hazırlanması və nəşri, Naxçıvan Muxtar Respublikası Ali Məclisi sədrinin təşəbbüsü ilə həyata keçirilmişdir.

Məzmun

Atlas aşağıdakı əsas məlumatları əhatə edir:

• Təbii fəlakətlər (zəlzələlər, torpaq sürüşmələri, sel və daşqınlar və s.) risk zonaları.
• Texnogen fəlakətlər (yanğınlar, partlayışlar, sənaye qəzaları və s.) risk bölgələri.
• Fəlakətlərin idarə olunması üçün mövcud infrastruktur və resurslar.
• Fövqəladə hallar zamanı əhalinin davranış qaydaları və evakuasiya planları.
• Ərazinin coğrafi və geoloji xüsusiyyətləri və bunların fəlakət risklərinə təsiri.

Əhəmiyyəti

Naxçıvan MR FH atlası, fövqəladə halların idarə olunması və risklərin azaldılması sahəsində mühüm bir rol oynayır. Atlas, fövqəladə hallar zamanı resursların effektiv idarə olunmasına və əhalinin təhlükəsizliyinin təmin edilməsinə kömək edir.

İstifadəçilər

Atlasın əsas istifadəçiləri arasında Naxçıvan MR Fövqəladə Hallar Nazirliyi, yerli icra hakimiyyətləri, təcili yardım xidmətləri, vətəndaş müdafiə qüvvələri və geniş ictimaiyyət yer alır.

Atlası bölgənin təhlükəsizlik potensialının gücləndirilməsi və fövqəladə hallara qarşı hazırlığın artırılması baxımından əhəmiyyətli bir resursdur.

Tarixi

2 mart 2016-cı ildə Azərbaycanın 4-cü prezidenti İlham Əliyev “”nın nəşri haqqında sərəncam imzaladıqdan 2 həftə sonra, martın 17-də Vasif Talıbov “Naxçıvan Muxtar Respublikasının fövqəladə hallar atlası”nın nəşr edilməsi barədə sərəncam imzalayıb. Bu sərəncamla həm də atlasın redaksiya heyətinin tərkibi təsdiqlənib.

Redaksiya heyətinin 2016-cı il noyabrın 29-da keçirilən ilk iclasında müvafiq işçi qrupu yaradılıb və işin icrasına başlanıb. 6 bölmədən ibarət olan atlasda təbii resurslardan səmərəli istifadə, əhalinin, yaşayış məntəqələrinin, sənaye və kənd təsərrüfatı müəssisələrinin, qaz kəmərlərinin, kommunikasiya xətlərinin, digər infrastruktur obyektlərinin mühafizəsi, təbii fəlakətlərin, texnogen qəzaların qarşısının alınması və nəticələrinin aradan qaldırılması üzrə tədbirlərin praktik olaraq planlaşdırılması və həyata keçirilməsi müəyyən edilib. Eyni zamanda atlasda muxtar respublikanın sosial-iqtisadi inkişafı ilə bağlı göstəricilər, infrastruktur obyektləri barədə məlumatlar, müxtəlif miqyaslı inzibati və coğrafi xəritələr verilib. 2017-ci ilin aprelində atlasın təqdimatı olub.

2017-ci ilin mayında “ atlasın müzakirəsi keçrilib. Universitetin rektoru, professor İsmayıl Əliyev deyib ki, müzakirənin “Naxçıvan” Universitetində keçirilməsində məqsəd muxtar respublika ərazisində ehtimal olunan təbii texnogen fəlakətlər və sosial-bioloji təhlükələr haqqında müəllim-tələbə heyətinə ətraflı məlumat vermək, eləcə də universitetdə mülki müdafiə işinin təşkilində və mülki müdafiə dərslərinin tədrisində metodiki vəsait kimi istifadə edilməsindən ibarətdir.

Həmçinin bax

• Naxçıvan Ensiklopediyası

İstinadlar

1. "Naxçıvanda mülki müdafiə işinin təşkili diqqət mərkəzindədir". Sia.az (az.). 2020-02-29. İstifadə tarixi: 2024-06-10.
2. "30 dekabr Naxçıvan Muxtar Respublikası Fövqəladə Hallar Nazirliyinin yaranması günüdür - FOTOLAR". nuhcixan.az (az.). 2019-12-30. İstifadə tarixi: 2024-06-10.
3. "Prezident "Azərbaycan Respublikasının fövqəladə hallar atlası"nın nəşri barədə Sərəncam imzalayıb". Azərtac. 2019-04-11 tarixində . İstifadə tarixi: 2024-06-10.
4. ""Azərbaycan Respublikasının fövqəladə hallar atlası"nın nəşri haqqında Azərbaycan Respublikası Prezidentinin Sərəncamı". Azərbaycan Prezidentinin Rəsmi internet səhifəsi (az.). İstifadə tarixi: 2024-06-10.
5. Talıbov, Vasif. ""Naxçıvan Muxtar Respublikasının fövqəladə hallar atlası"nın nəşri haqqında Naxçıvan Muxtar Respublikası Ali Məclisi Sədrinin Sərəncamı". oldserqqapisi.az (az.). İstifadə tarixi: 2024-06-10.
6. Pirəli, İlkin. ""Naxçıvan Muxtar Respublikasının fövqəladə hallar atlası"nın tərkibi təsdiqlənib". report.az. İstifadə tarixi: 2024-06-10.
7. ""Naxçıvan Muxtar Respublikasının fövqəladə hallar atlası"nın təqdimat mərasimi keçirilib". Azərtac. 2017-08-04 tarixində . İstifadə tarixi: 2024-06-10.
8. "Naxçıvanın fövqəladə hallar atlası hazırlandı". (az.). 2016-03-17. 2016-06-09 tarixində . İstifadə tarixi: 2024-06-10.
9. ""Naxçıvan Muxtar Respublikasının fövqəladə hallar atlası"nın müzakirəsi davam etdirilir". Azərtac. 2017-05-19 tarixində . İstifadə tarixi: 2024-06-10.

Xarici keçidlər

• Fövqəladə hallar atlası -