Nadejda Sementsova

Nadejda Sementsova (2 noyabr 1985, Baxmut^[d], Donetsk vilayəti) — 2000–2005-ci illərdə Ukraynanı, 2010-2015-ci illərdə isə Azərbaycanı təmsil edən qadın güləşçi, 2010 və 2011-ci illərdə Avropa Çempionatlarının qalibi.

Nadejda Sementsova
Şəxsi məlumatlar
Tam adı	Nadejda Sementsova
Vətəndaşlığı	Ukrayna → Azərbaycan
Doğum tarixi	2 noyabr 1985(1985-11-02) (38 yaş)
Doğum yeri	Baxmut, Ukrayna SSR
Boyu	168 sm. (5 ft 6in)
İdman növü	Güləş
Karyera illəri	2000—2015
Məşqçisi	Sergey Latışev
Medallar Azərbaycan üçün Avropa Çempionatı Qızıl 67 Kq. Qızıl 67 Kq. Bürünc 67 Kq.

Karyerası

Nadejda Sementsova 2002-ci ildə Albaniyanın Albena şəhərində yeniyetmələr arasında Avropa Çempionatını gümüş medalla başa vurdu. Həmin dönəmdə yığmada rəqabət olduğuna görə Nadejda Sementsova beynəlxalq turnirlərdə mübarizə apara bilmirdi. 2010-cu ildə Azərbaycan Güləş Federasiyası (AGF) Nadejda Sementsovanı qadın güləşi üzrə Azərbaycan yığmasının heyətinə cəlb elədi.

2010-cu ilin aprelində Nadejda Sementsova Avropa Çempionatında bütün rəqibləri üzərində qələbə qazanaraq turnirin qalibi oldu. Həmin il Rusiyada baş tutan Dünya Çempionatında isə Nadejda Sementsova turniri beşinici pillədə başa vurdu. Karyerasının ən uğurlu mövsümü 2011-ci ilə təsadüf edən Nadejda Sementsova həmin il əvvəl fevralda Yaşar Doğu Turnirinin, sonra isə martda Klippan Lady Openin qızıl medallarına sahib oldu. Apreldə Nadejda Sementsova Almaniyanın Dortmund şəhərində baş tutan Avropa Çempionatında bütün rəqibləri üzərində qələbə qazanaraq növbəti dəfə Avropa Çempionatının qalibi oldu. Daha sonra Avstriyada Austrian Ladies Openin bürünc medalına sahib olan Nadejda Sementsova həmin il İstanbul şəhərində Dünya Çempionatını 8-ci pillədə başa vurdu.

Nadejda Sementsova 2012-ci ilin fevralında Kiyev şəhərində Kiyev Turnirinin qalibi oldu, martda isə Serbiyanın Belqrad şəhərində Avropa Çempionatını bürünc medalla başa vurdu. Mayda Nadejda Sementsova Finlandiyada Dünya Olimpiya Təsnifat Turnirində çıxış etsə də, olimpiya lisenziyası əldə edə bilmədi. İyulda Nadejda Sementsova Azərbaycanın sabiq Prezidenti Heydər Əliyevin xatirəsinə həsr olunan beynəlxalq turnirin qızıl medalına sahib oldu.

Analıq məzuniyyətinə görə Nadejda Sementsova bir müddət idmandan uzaqlaşdı. 2014-cü ildən beynəlxalq turnirlərdə mübarizə aparmağa davam edən Nadejda Sementsova həmin il Almaniya Qran-Prisini bürünc medalla başa vurdu. 2015-ci ildə isə Nadejda Sementsova Bolqarıstanda D. Kolov - N. Petrov Turnirini və Polşada Poland Open beynəlxalq turnirinin gümüş medallarına sahib oldu. Nadejda Sementsova 2015-ci ildə 30 yaşında idmanla vidalaşdı.

Nəticələri

Sıra	İl	Yarış	Ev sahibi	Nəticə
Ukrayna
1	2001	Yeniyetmələrin Avropa Çempionatı	Türkiyə	5.
2	2002	Yeniyetmələrin Avropa Çempionatı	Albaniya	2.
3	2005	Gənclərin Avropa Çempionatı	Polşa	5.
Azərbaycan
4	2010	Avropa Çempionatı	Azərbaycan	1.
5		Qızıl Qran-Pri	Azərbaycan	8.
6		Dünya Çempionatı	Rusiya	5.
7	2011	Yaşar Doğu Turniri	Türkiyə	1.
8		Klippan Lady Open	İsveç	1.
9		Avropa Çempionatı	Almaniya	1.
10		Austrian Ladies Open	Avstriya	3.
11		Qızıl Qran-Pri	Azərbaycan	8.
12		Dünya Çempionatı	Türkiyə	8.
13	2012	Kiyev Turniri	Ukrayna	1.
14		Avropa Çempionatı	Serbiya	3.
15		Dünya Olimpiya Təsnifat Turniri	Finlandiya	8.
16		Qızıl Qran-Pri	Azərbaycan	1.
17		Dünya Çempionatı	Kanada	8.
18	2014	A. Medved Turniri	Belarus	7.
19		Avropa Çempionatı	Finlandiya	17.
20		Almaniya Qran-Prisi	Almaniya	3.
21		Dünya Çempionatı	Özbəkistan	12.
22	2015	Paris Qran-Prisi	Fransa	8.
23		Klippan Lady Open	İsveç	5.
24		D. Kolov - N. Petrov Turniri	Bolqarıstan	2.
25		Avropa Oyunları	Azərbaycan	14.
26		Poland Open	Polşa	2.
27		Dünya Çempionatı	ABŞ	18.

İstinadlar

1. International Wrestling Database. "NADESHDA MUSHKA". www.iat.uni-leipzig.de (ingilis). 2022-08-04. 2022-08-20 tarixində . İstifadə tarixi: 04.08.2022.