Məsud Əfəndiyev

Məsud Əfəndiyev (alm. Messoud Efendiev‎, 21 oktyabr 1953, Zaqatala) — Almaniyada yaşayan azərbaycanlı riyazıyyatçı, professor. Humboldt mükafatı alan ilk azərbaycanlı. Azərbaycan Respublikasının əməkdar elm xadimi.

Məsud Əfəndiyev
Əfəndiyev Məsud Arif oğlu
Doğum tarixi	21 oktyabr 1953(1953-10-21) (70 yaş)
Doğum yeri	Zaqatala, Zaqatala rayonu, Azərbaycan SSR, SSRİ
Vətəndaşlığı	Azərbaycan
Elm sahəsi	riyaziyyat
Elmi dərəcəsi	doktorluq dərəcəsi^[d]
İş yeri	(Institute of Computational Biology)
Təhsili	Moskva Dövlət Universiteti Mexanika-riyaziyyat fakültəsi^[d]
Mükafatları	2022 * Aleksandr fon Humboldt Fondu fellowship (Germany) – 1991; – 2006; Foundation fellowship (Danimarka) – 2009; Research Fellowship for Experienced Researchers – 2015; Deans Distinguished Visiting Professor in the Toronto Universiteti and in the -2018; Distinguished Visiting Professor in the Vaterloo Universiteti-2019/2020
Personal Website

Həyatı

Əfəndiyev Məsud Arif oğlu 1953-cü il oktyabrın 21-də Azərbaycan Respublikasının Zaqatala rayonunda qulluqçu ailəsində anadan olub.1970-ci ildə Zaqatala şəhərindəki Şıxəli Qurbanov adına məktəbi qızıl medalla bitirərək Azərbaycan Dövlət Universitetinin (indiki BDU) mexanika-riyaziyyat fakültəsinə qəbul olub. İki il oxuduqdan sonra Məsud Əfəndiyev təhsilini M.Lomonosov adına Moskva Dövlət Universitetində davam etdirib, aspirantura, doktorantura pilləsinə qalxaraq, uğurla namizədlik, sonra isə doktorluq dissertasiyalarını müdafiə edib.

Elmi fəaliyyəti

Diplom işini professor Mark Vişık və Aleksandr Şnirelmanın rəhbərliyi altında  yazmışdır.  Bu iş 1975-ci ildə nəşr üçün akademik Əşrəf Hüseynov tərəfindən "Azərbaycan SSR-i Elmlər Akademiyasının Məruzələri” jurnalına təqdim edilmişdir.

1991-ci ildən Almaniyada yaşayan alim, ölkənin müxtəlif universitetlərində, o cümlədən Münhen, Ştutqart, Berlin universitetlərində dərs deyib.

2005-ci ildə Yaponiyanın nüfuzlu «Japan Society for the Promotion of Science - JSPS» təşkilatının mükafatına layiq görülüb. M.Əfəndiyev postsovet məkanında dünyanın altı aparıcı elmi jurnalının redaksiya heyətinin üzvü olan yeganə riyaziyyatçı alimdir. Dünya elmində ən yüksək təltiflərdən («kiçik Nobel mükafatı») sayılan, Almaniya hökumətinin təsis etdiyi “Aleksander fon Humboldt” mükafatının ilk azərbaycanlı laureatı kimi tarixə düşüb.

2014-cü ildə Münxendə M.Əfəndiyevin 60 illiyinə həsr olunan “Biologiya, fizika və mexanikada qeyri-xətti təzahür” beynəlxalq konfransı keçirilib.

On aparıcı Beynəlxalq jurnallarının redaksiya şuralarının üzvü olmaqla bərabər, International Journal of  Biomathematics and Biostatistics jurnalın baş redaktoru və Yaponiya, Almaniya, ABŞ , Kanada və İsveçrədə nəşr olunan 7 kitabin müəllifidir. Son iki kitab  2018-ci il də Springer nəşriyyatinda çap olunmuşdur.

01.01.2018-30.06.2018 tarixində Məsud Əfəndiyev (Deans Distinguished Professor) olaraq bir semestr ərzində  Kanadanın ən böyük şəhəri olan Torontoda yerləşən Toronto Universiteti və Fields Universitetinə dəvət edilib. O Riyaziyyat fakultəsində riyazi biologiya üzrə  mühazirələr oxumaq üçün dəvət olunub. Bu universitetlər adətən mühazirə oxumaq üçün "Deans Distinguished Professor” stasunda olan Nobel və Fields mükafatı laureatlarını dəvət edirlər. 2019-cu ilin sentyabrında Məsud Əfəndiyev professor James D. Murray tərəfindən Kanadanın Vaterloo Universitetinə "Distinguished Visiting Professor" statusu ilə mühasirə oxumağa dəvət edilmişdir. Beynəlxalq aləmdə tanınmış alim, fizika-riyaziyyat elmləri doktoru, professor Məsud Əfəndiyev hazırda Almaniyanın Münxen şəhərində "Helmholtz” Elmi-Tədqiqat Mərkəzində "Dinamik sistemlər” şöbəsinin müdiri vəzifəsində çalışır.

Aparıcı beynəlxalq jurnallarda 160-dan çox məqalə dərc etmişdir.

21 aprel 2022-ci ildə Azərbaycan Respublikasının Prezidenti İlham Əliyev tərəfindən Elm sahəsində nailiyyətlərinə və Azərbaycan diasporunun inkişafında xidmətlərinə görə "Əməkdar elm xadimi" fəxri adı ilə təltif edilib

Mənbə

• İlisu (ensiklopedik məlumat kitabı). İkinci nəşr. Tərtibçi: S. N. Murtuzayev; H. M. Fərzullayev. Bakı: "Vətən" nəşriyyatı, 2012
• Humboldt mükafatı alan ilk azərbaycanlı alim Məsud Əfəndiyev

İstinadlar

1. Deutsche Nationalbibliothek Record #1048410544 // Ümumi tənzimləmə nəzarəti (GND) (alm.). 2012—2016.
2. Ш. Назарли. . SalamNews.az. 2014-03-13. 2014-03-13 tarixində orijinalından arxivləşdirilib. İstifadə tarixi: 2014-03-13.
3. Bağıyeva, Mətanət. Xaricdə yaşayan azərbaycanlılar. Qısa bioqrafik məlumat kitabçası (PDF) (az.). Bakı: "Papirus NP". 2016. ISBN . 2017-10-21 tarixində arxivləşdirilib (PDF). İstifadə tarixi: 2017-10-21.
4. ""Beyin axını": Azərbaycanı tərk edən alimlər - II HİSSƏ - ARAŞDIRMA". 2013-08-30 tarixində . İstifadə tarixi: 2013-11-02.
5. "Azərbaycanlı alim Məsud Əfəndiyev Kanadanın ən böyük universitetinə dəvət olundu - Açıqlama". 2022-03-20 tarixində . İstifadə tarixi: 2018-09-14.
6. "Mathematical Biology and Applied Analysis Seminars.Professor Messoud Efendiyev. James D. Murray Distinguished Visiting Professor. University of Waterloo" (PDF). 2020-09-26 tarixində (PDF). İstifadə tarixi: 2020-02-18.
7. "M.A.Əfəndiyevə və Q.N.Mürşüdova "Əməkdar elm xadimi" fəxri adının verilməsi haqqında Azərbaycan Respublikası Prezidentinin Sərəncamı". 2017-10-14 tarixində . İstifadə tarixi: 2022-04-21.

Xarici keçidlər

Xarici video
Məsud Əfəndiyev
()
	Humboldt mükafatı alan ilk azərbaycanlı alim Məsud Əfəndiyev

• M.Əfəndiyevin səhifəsi
• Masud Efendiev ^{[ölü keçid]}
• Азербайджанские математики за рубежом (Azərbaycan riyazıyyatçıları xaricdə)^{[ölü keçid]}