Model 2005 ci ildə A Due Carmen adı ilə yaradılan və sonradan 2008 ci ildə Model adını alan Türkiyənin alternativ rok qr

Model — 2005-ci ildə "A Due Carmen" adı ilə yaradılan və sonradan 2008-ci ildə "Model" adını alan Türkiyənin alternativ rok qrupudur.

Model

Əsas məlumatlar
Üslub	alternativ rok
Fəaliyyət illəri	2005-2016
Ölkə	Türkiyə
Şəhər	İzmir
Leybl	Doğan Music Company^[d]
Heyət	Okan Işık (Gitar) Can Temiz (Bas Gitara) Kerem Sedef (Nağara)
Keçmiş üzvlər	Serkan Gürüzümcü Aşkın Çolak Burak Yerebakan Fatma Turgut
Əməkdaşlıq	Sony Music (2009) GNL / DMC (2011-2016)
Vikianbarda əlaqəli mediafayllar

Tarixi

2005-ci ildə "A due Carmen" adı ilə Okan Işık (gitaraçı), Aşkın Çolak (zərb alətləri) və Can Temiz (bas gitara) tərəfindən yaradılmışdır. 2007-ci ildə vokalda Fatma Turqut və gitarada Serkan Gürüzümcü qrupa qoşuldu və daha sonraki il qrupun adı "MODEL" olaraq dəyişdirildi.

Onun ilk albomu "Perili Sirk" 2009-cu ildə GNL Entertainment-in dəstəyi ilə işıq üzü görüb. "Olmaz" mahnısı diqqət çəkib və albomda Levent Yüksellə ifa etdiyi "Bak Bir Varmış Bir Yokmuş" dueti yer alıb.

Model albom və səhnə işlərindən əlavə şirkətlər üçün hazırladığı sinqıllarla da adından söz etdirib. Brend Konfransı üçün 10-cu Yubiley Himni, 1 sınqıl və 1 intro bəstələdi. 2009 və 2010-cu illərdə konfransın musiqi koordinatoru olub. Qrup 2010-cu ildə Efes Pilsenin "Küçədə Həyat Var" layihəsində iştirak edib. 25 sentyabr 2010-cu ildə Antalyada keçirilən Efes Pilsen One Love Festivalında iştirak etmişdir.

İkinci albomu 2011-ci ilin fevral ayında Demir Demirkanın prodüseri olduğu "Diğer Masallar" adı ilə çıxdı. Bu müddət ərzində qrup AFM, Herbalife, Algida və Sinpaş kimi brendlər üçün sinqıllar üzərində çalışıb. "Diğer Masallar" albomundan çıxan "Buzdan Şato", "Pembe Mezarlık", "Değmesin Ellerimiz" və "Bir Melek Vardı" mahnıları böyük rəğbətlə qarşılanıb. Albom çıxandan bir ay sonra Modeldən ayrılan ikinci gitaraçı Serkan Fürüzümcünün yerinə Burak Yerebakan gəldi.

Daha sonra Kerem Sedef 2012-ci ilin dekabrında Modeldən ayrılan nağara ifaçısı Aşkın Çolakın yerinə gəlib. Keremin Model üzvləri ilə köhnə illərindən dostluq münasibəti olduğundan dərhal onların musiqi tərzinə uyğunlaşaraq albom üzərində işləməyə başladı. Albom işlərinə başlamazdan əvvəl qrupun ikinci gitaraçısı Burak Yerebakan Modeldən ayrıldı və qrupda cəmi 4 nəfər qaldı.

Üçüncü albomu "Levla'nın Hikayesi", 2013-cü ilin noyabr ayının son həftəsində GNL Entertainment etiketi ilə çıxdı. Model bu albom üçün konsept yaratmaq istəyirdi. Ayrılıqdan sonrakı yasın beş mərhələsi, daha sonra isə insanın daxili hesabı, insani münasibətləri lirika ilə izah olunur. "Diğer Masallar" albomunda olduğu kimi, "Levla'nın Hikayesi" Demir Demirkanın prodüserliyi ilə qeyd edildi. Model qrupu üç alboma imza atıb. İstanbul Live, Jolly Joker, Bronx Pi səhnəsində və müxtəlif festivallarda iştirak edib.

Qrup 26 sentyabr 2016-cı ildə dağılma qərarı ilə yollarını ayırıb. Lakin sentyabrın 27-də Model qrupunun solisti Twitter-də retvitlə bunu təkzib etdi. Dekabrın 27-nə keçən gecə Fatma Turqut öz sosial hesabından ayrıldığını, Can Temiz və Okan Işık isə Model qrupunun sosial media hesabından bunu təsdiqləyiblər.

Qrup üzvləri

Okan Işık

9 mart 1986-cı ildə İzmirdə anadan olan Okan Işık 2003-cü ildə 60. Yıl Anadolu Liseyini bitirib. O, böyük qardaşının aldığı klassik gitara ilə orta məktəbdə musiqiyə başlayıb. Ege Universitetinin maşın mühəndisliyi fakültəsini bitirdikdən sonra Model qrupunun digər üzvləri ilə birlikdə İstanbulda məskunlaşıb. Hal-hazırda Qalatasaray İTM-də təqaüdlə səs mühəndisliyi təhsili alır və YTU-da maşın mühəndisliyi üzrə magistr təhsili alır. Modeldəki işindən başqa, müxtəlif musiqi studiyalarında çalışıb. 2013-cü ildə Serra Arabacıoğlu ilə ailə həyatı qurub.

Can Temiz

Can Temiz 1987-ci ildə İzmirdə anadan olub. İbtidai və orta təhsilini burada bitirib. O, orta məktəbdə bacısının aldığı klassik gitara ilə musiqiyə başlayıb. 11 yaşında bu gitara ilə ilk bəstələrini bəstələməyə başlayıb. O, ilk bas gitarasını 13 yaşında götürüb. 2004-cü ildə Ege Universitetinin Biokimya fakültəsinə daxil olub. Bir neçə il "əyləncə" üçün müxtəlif qruplarla çalışdıqdan sonra 2005-ci ilin sentyabrında Serkan və Fatma'nın iştirakı ilə daha sonra Okan və Aşkın ilə Model adlanacaq "A due Carmen" qrupunu qurdu. 2009-cu ilin yanvar ayında Model ilə İstanbula köçdü. 2010-cu ilin sentyabr ayında Portfolio Creative Advertising School-a qəbul olunmuş və noyabr ayında təhsilini başa vurmuşdur. 2016-cı ildə Model qrupu dağıldı. Can Temiz 2016-cı ildə ABŞ-a köçüb və burada Okan Işıkla "Seven Day Sleep" adlı qrup yaradıb. Bu gün də o, Seven Day Sleep qrupunda işləməyə davam edir. Bundan sonra Türkiyəyə qayıdıb və 2020-ci ildə "Hayvan Yaralı" adlı sinqılı çıxararaq solo karyerasına başlayıb və bu layihə üzərindəki işləri davam edir.

Digər

Fatma Turgut (Vokal) (2005–2016)
Kerem Sedef (Nağara-Zərb)

Diskoqrafiya

Albomlar

Perili Sirk (2009)
Diğer Masallar (2011)
Levla'nın Hikayesi (2013)

Sinqıllar

"Bir Pazar Kahvaltısı" (feat. Emre Aydın) (2014)
"Mey" (2016)
"Dağılmak İstiyorum" (feat. Ozan Doğulu)" (2012)
"Böyle Akşamlar" (feat. Ozan Doğulu)" (2014)

Video kliplər

"Olmaz" (2009)
"Buzdan Şato" (2011)
"Değmesin Ellerimiz" (2011)
"Pembe Mezarlık" (2011)
"Bir Melek Vardı" (2012)
"Dağılmak İstiyorum (feat. Ozan Doğulu)" (2012)
"Makyaj" (2013)
"Ağlamam Zaman Aldı" (2013)
"Antidepresan Gülümsemesi" (2014)
"Böyle Akşamlar (feat. Ozan Doğulu)" (2014)
"Bir Pazar Kahvaltısı (feat. Emre Aydın)" (2014)
"Sen Ona Aşıksın" (2015)
"Sarı Kurdeleler" (2015)
"Mey" (2016)

Mükafatlar

2007

12-ci Tuborg Roxy Musiqi Günləri — Billboard Xüsusi Mükafatı
Nokia Super Sound'07, "Dostunuzla gedən ən yaxşı musiqi" kateqoriyası — birincilik mükafatı

2011

Digital Age Awards — "Sokakta Hayat Var" adlı mahnı ilə Ən Yaradıcı Musiqi/Səs Dizaynı qalibi (C-Section agentliyinə verilən mükafatı)

2012

PAL FM Musiqi Mükafatları — Ən Yaxşı Qrup
18-ci Kral Musiqi Mükafatları — Ən Yaxşı Qrup
11-ci Rotabest Mükafatları — Ən Yaxşı Qrup
39-cu Qızıl Kəpənək Musiqi Mükafatları — Ən Yaxşı Qrup
24-cü Kristal Elma Türkiyə Reklam Mükafatları — Ən Yaxşı Reklam Musiqisi — Kağıttan Gemilerim

2015

42-ci Qızıl Kəpənək Musiqi Mükafatları — Ən Yaxşı Qrup
1st Gossip Time İl Sonu Mükafatları — Ən Yaxşı Qrup

İstinadlar

Model musiqi qrupu Arxivləşdirilib 2023-09-01 at the Wayback Machine (türk.)
Değmesin Ellerimiz Arxivləşdirilib 2023-09-01 at the Wayback Machine (türk.)
Pembe Mezarlık Arxivləşdirilib 2023-09-01 at the Wayback Machine (türk.)
Model musiqiləri Arxivləşdirilib 2023-09-01 at the Wayback Machine (türk.)

[1] Model musiqi qrupu Arxivləşdirilib 2023-09-01 at the Wayback Machine (türk.)

[2] Değmesin Ellerimiz Arxivləşdirilib 2023-09-01 at the Wayback Machine (türk.)

[3] Pembe Mezarlık Arxivləşdirilib 2023-09-01 at the Wayback Machine (türk.)

[4] Model musiqiləri Arxivləşdirilib 2023-09-01 at the Wayback Machine (türk.)