Mariinski sarayı

Mariinski sarayı (ukr. Маріїнський палац) — Ukrayna Prezidentinin rəsmi iqamətgahıdır. Yelizaveta dövrünə aid barokko üslublu saray, Ukraynanın paytaxtı Kiyevdə Dnepr çayının sağ sahilində, Ukrayna parlamenti olan Ali Radanın neoklassik bitişik yerləşir.

Mariinski sarayı Маріїнський палац
Ölkə	Ukrayna
Şəhər	Kiyev
Yerləşməsi	Peçersk rayonu, Mixail Qruşevski küçəsi, 5A
İnşaatçı	Yelizaveta Petrovna
Memarı	Françesko Bartolomeo Rastrelli
Memarlıq quruluşu	barokko
İnşası	1744—1752-ci illər
Aidiyyatı	Ukrayna Ali Radası

Tarixi

Saray 1744-cü ildə rus imperatriçası Yelizaveta Petrovnanın əmri ilə tikilmişdir. Sarayın memarı o dövrdə Rusiya imperiyasında işləyən ən görkəmli memar Françesko Bartolomeo Rastrelli olub. Rastrellinin tələbələrindən biri olan İvan Miçurin bir qrup digər memarla birlikdə sarayı 1752-ci ildə tamamlayıb. İmperatriça Yelizaveta sarayının tamamlandığını görə bilmədi. İmperator ailəsinin sarayda qalan ilk yüksək rütbəli üzvü 1787-ci ildə Kiyevə səfər edən imperatriça Yelizavetanın baldızı, II Yekaterina idi. XVIII əsrin sonu və XIX əsrin əvvəllərində saray general-qubernatorların əsas iqamətgahı idi.

XIX əsrin əvvəllərində saray baş verən bir çox yanğınlar zamanı yandı və demək olar ki, yarım əsr ərzində tamamilə yararsız vəziyyətdə qalıb. 1870-ci ildə imperator II Aleksandr sarayı yenidən qurdurdu. Memar Konstantin Mayevski tərəfindən saray köhnə rəsmlərvə akvarellərdən istifadə edilərək yenidən quruldu. Daha sonra saray, hökmdar olan imperator Mariya Aleksandrovnanın şərəfinə adlandırıldı. Onun istəyi ilə sarayın cənub tərəfində böyük bir bağ salındı. Saray, 1917-ci ilə qədər imperator ailəsinin üzvlərini ziyarət etmək üçün iqamətgah kimi istifadə edilmişdir.

1917–1920-ci illərdə Rusiya vətəndaş müharibəsi illərində saray, xüsusilə Kiyev bolşevik üsyanı zamanı Kiyev revkomunun qərargahı kimi istifadə edilmişdir. 1920-ci illərdə bina kənd təsərrüfatı məktəbinə məxsus olub, qısa müddətdən sonra muzeyə çevrilib. Mariinski sarayı, İkinci Dünya müharibəsi zamanı ciddi zədələnmiş və 1940-cı illərin sonunda bərpa edilmişdir. Sarayın digər əsaslı bərpa 1980-ci illərin əvvəllərində tamamlanmışdı.

Müasir yaşayış yeri

2007-ci ilin iyun ayında sarayın yenidən qurulmasına başlanılıb, onun 2011-ci ilə qədər başa çatdırılması gözlənilsə də, yenidən qurma işlərilakin 2017-ci ilə qədər davam edib. 2022-ci il aprelin 5-də prezident Vladimir Zelenskinin dövlət rəhbərliyi, xarici dövlət başçılarını qəbul etdiyi Mariinski sarayının Ağ zalının 2Ukrayna Qəhrəmanlarının Ağ zalı" adlandırılacağını bəyan edib. Ukrayna Qəhrəmanı adına layiq görülənlər burada təltif olunacaqlar.

Populyar mədəniyyətdə

2022-ci il Hindistan teluqu dilində RRR filmindən "Naatu Naatu" mahnısı üçün musiqi videosu 2021-ci ilin avqustunda Mariinski sarayında lentə alınıb. Mahnı 2022-ci ildə Ən yaxşı orijinal mahnı nominasiyasında və 95-ci Akademiya mükafatını qazanıb.

Qalereya

• Bağlardan sarayın arxa hissəsinə mənzərə
• İnteryeri. Prezident Leonid Kuçma ABŞ prezidenti Bill Klinton ilə. 5 iyun 2000-ci il.
• Lixtenşteynin varisi Aloisin 2018-ci ilin iyun ayında Kiyevə rəsmi səfəri.
• Saray dəmir məhəccərlərlə əhatə olunub.
• Mariinski sarayı 1911-ci ildə
• Mariinski sarayı 1888-ci ildə
• ABŞ Prezidenti Co Bayden Ukrayna Prezidenti Vladimir Zelenski ilə Kiyevdə, 20 fevral 2023-cü il

Mariinski sarayının qonaqlar kitabında Co Bayden tərəfindən yazılan xatirə yazısı. 20.02.2023.

Həmçinin bax

• Klov sarayı

İstinadlar

1. "Маріїнський палац після реконструкції відкриють для туристів". ua.korrespondent.net. uk:Корреспондент. 2009-04-06. 2018-01-17 tarixində . İstifadə tarixi: 2018-01-16.
2. "Володимир Зеленський вручив ордени "Золота Зірка" військовослужбовцям ЗСУ та членам родин загиблих Героїв України". Офіційне інтернет-представництво Президента України (ukrayna). 2022-04-05. 2022-04-30 tarixində .
3. "У Маріїнському палаці з'явилася Біла зала Героїв України". Укрінформ (ukrayna). 2022-04-06. 2022-05-05 tarixində .
4. "'RRR' team reaches Ukraine for last leg of shooting". The News Minute. 2021-08-03. 3 February 2023 tarixində .
5. "Zelenskyy Offered Ukrainian President's Palace for RRR". indiaherald.com (ingilis). 2022-06-23 tarixində . İstifadə tarixi: 2022-05-29.
6. "RRR Team Celebrates Win at Golden Globe Awards 2023: See Unseen Photos of Ram Charan, Jr NTR, SS Rajamouli and MM Keeravani". 2023-05-26 tarixində . İstifadə tarixi: 2024-03-11.
7. Nordyke, Hilary Lewis,Kimberly; Lewis, Hilary; Nordyke, Kimberly. "Oscars: Full List of Nominations". The Hollywood Reporter (ingilis). 2023-01-24. 2023-01-24 tarixində . İstifadə tarixi: 2023-01-26.
8. "Oscars 2023: RRR's Naatu Naatu, the Elephant Whisperers bring home trophy". 2024-01-04 tarixində . İstifadə tarixi: 2024-03-11.

Xarici keçidlər

Vikianbarda Mariinski sarayı ilə əlaqəli mediafayllar var.

• Mariinskyi Palace — Internet Encyclopedia of Ukraine
• The Palace on Google Maps