Malayziya Sabah Universiteti MSU Malayziyanın Sabah ştatında dövlət universiteti Sabah ştatının Kota Kinabalu körfəzində

Malayziya Sabah Universiteti (MSU)— Malayziyanın Sabah ştatında dövlət universiteti. Sabah ştatının Kota Kinabalu körfəzində 999 hektar ərazidə yerləşir. Kinabalu dağı və Cənubi Çin dənizi fonunda tikilən MSU Cənub-Şərqi Asiyanın ən gözəl universitetlərindən biri hesab olunur.

Malayziya Sabah Universiteti UMS

^HGYO
Əsası qoyulub	1994
Ölkə	Malayziya
Sayt	ums.edu.my
Vikianbarda əlaqəli mediafayllar

Tarixi

MSU-də ilkin qeydiyyat 1995-ci ildə 205 tələbə ilə bakalavr səviyyəsində başlamışdır. Yarandığı ilk illərdə MSU müvəqqəti icarəyə götürülmüş binalarda fəaliyyət göstərirdi və universitetin tədris və təlim fəaliyyəti 1995-ci ildə Likasdakı Sabah Fondu İcma Kollecinin və 1996-cı ildə Menggatal Telekom Təlim Kollecinin binalarında həyata keçirilirdi.

1999-cu ilin yanvarında universitet MSU Labuan Beynəlxalq Kampusunun açılması ilə Labuan Federal ərazisinə qədər öz akademik fəaliyyətini genişləndirdi.

1999-cu ilin iyunundan 2000-ci ilin may ayına qədər UMS mərhələlərlə Sepanggar körfəzindəki daimi kampusuna köçdü.

Təhsil proqramları üç məktəb - Elm və Texnologiya, Biznes və İqtisadiyyat və Sosial Elmlər Məktəbləri, həmçinin Humanitar elmlər üzrə tədqiqat mərkəzi olan Bilik və Dil öyrənilməsinin Təşviqi Mərkəzi tərəfindən təklif olunurdu.

Daha sonra Kota Kinabalu şəhərciyində 9 əlavə məktəb açıldı: Mühəndislik və İnformasiya Texnologiyaları, Qida Elmləri və Qidalanma, Beynəlxalq Tropik Meşəçilik, Təhsil və Sosial İnkişaf, Psixologiya və Sosial İşlər, İncəsənət Araşdırmaları, Kompüter Elmləri və Biznes və Beynəlxalq Maliyyə məktəbləri.

2002-ci ilə qədər universitet 11 Təhsil proqramı yaratdı.

2003-cü ildə Tibb Məktəbinin yaradıldı. Bunun ardınca 2006-cı ildə Dayanıqlı Kənd Təsərrüfatı Məktəbinin yaradılması izləndi və bu məktəb 5 il sonra 2011-ci ildə hazırkı yeri olan Sandakan kampusuna köçürüldü.

MSU-in digər diqqətəlayiq təşəbbüsləri 2010-cu ildə Elm və Texnologiyaya Hazırlıq Mərkəzinin yaradılması və MSU Xəstəxanası (HUMS) binası layihəsinin işə salınmasıdır.

Akademik strukturu

MSU hazırda 115 akademik təhsil proqramı təklif edir. Proqramlara Foundation Science, Bakalavr, Magistratura, Aspirantura, və PhD proqramları daxildir.

Fakültələri

Mühəndislik
Elm və Təbii sərvətlər,
Qida elmləri
Tibb və sağlamlıq elmləri
Kənd təsərrüfatı
Hesablama və İnformatika
Humanitar elmlər
İncəsənət və İrs
Biznes, İqtisadiyyat və Mühasibat
Psixologiya və Təhsil

Qallereyası

Malayziya Sabah Universiteti

İstinadlar

"Arxivlənmiş surət". 2024-05-13 tarixində arxivləşdirilib. İstifadə tarixi: 2024-05-13.
"Arxivlənmiş surət". 2024-03-04 tarixində arxivləşdirilib. İstifadə tarixi: 2024-05-13.
"Arxivlənmiş surət". 2024-05-13 tarixində arxivləşdirilib. İstifadə tarixi: 2024-05-13.

Xarici keçidlər

Universiti Malaysia Sabah

[1] "Arxivlənmiş surət". 2024-05-13 tarixində arxivləşdirilib. İstifadə tarixi: 2024-05-13.

[2] "Arxivlənmiş surət". 2024-03-04 tarixində arxivləşdirilib. İstifadə tarixi: 2024-05-13.

[3] "Arxivlənmiş surət". 2024-05-13 tarixində arxivləşdirilib. İstifadə tarixi: 2024-05-13.