Vikipediyada bu ad soyadlı digər şəxslər haqqında da məqalələr var bax Kənan Hacıyev Kənan Hacı Kənan Hacıyev 1975 Buzov

Kənan Hacı (Kənan Hacıyev; 1975, Buzovna) — şair, yazıçı, esseist, tərcüməçi.

Kənan Hacı
Kənan Şirbala oğlu Hacıyev

Doğum tarixi	1975
Doğum yeri	Bakı, Buzovna qəsəbəsi
Vətəndaşlığı	Azərbaycan
Atası	Şirbala Hacıyev
Milliyyəti	azərbaycanlı
Fəaliyyəti	şair, yazıçı, esseist, tərcüməçi
Mükafatları	“İlin ən yaxşı jurnalisti”, “Həsən bəy Zərdabi”, “Əli bəy Hüseynzadə” "Şahmar Əkbərzadə" mükafatları, "Turan Birliyi" medalı.

Həyatı

Kənan Hacı 1975-ci ildə Bakının Buzovna qəsəbəsində anadan olub. 1992-ci ildə Xəzər rayonu Buzovna qəsəbəsinin 125 saylı orta məktəbini bitirib. 1995-ci ildə özəl universitetin jurnalistika fakültəsini bitirib.

Fəaliyyəti

1995-ci ildən yazıları mütəmadi olaraq dövri mətbuatda çap olunur. “İki sahil”, “Ədalət”, “Vətəndaş həmrəyliyi”, “Yazar” və digər qəzetlərdə çalışıb. APA İnformasiya Agentliyinin Kulis.az saytında redaktor, “Qanun” Nəşrlər Evində redaktor, Publika.az portalının redaktoru, Azərbaycan Respublikası Nazirlər Kabineti yanında Tərcümə Mərkəzinin “Aydın yol” qəzetində redaktor vəzifələrində çalışıb. Azərbaycan Yaradıcılıq Fondunun Sim-sim.az saytının redaktoru olaraq çalışmışdır. "Mücrü" jurnalının baş redaktorudur.

Azərbaycan Yazıçılar Birliyinin üzvüdür. Müxtəlif ədəbi əsərlərdən ibarət 11 kitabı nəşr olunub. Tərcümələrindən ibarət 5 kitab çap olunub. Əsərləri rus, türk, ingilis, ukrayn dillərinə tərcümə olunub, müxtəlif nüfuzlu antologiyalarda, almanaxlarda dərc olunub.

Bakı Slavyan Universitetinin Yaradıcılıq fakültəsinin Elmi Şurasının üzvü olub. Azərbaycan Radiosunun “Qərib axşamlar” verilişinin iki buraxılışı onun yaradıcılığına həsr olunub. Yaradıcılığı haqqında Vaqif Yusifli, Əsəd Cahangir, Tofiq Abdin, Səlim Babullaoğlu, Ülvi Babasoy, Şərif Ağayar, Cəlil Cavanşir, Mətanət Vahid və digərləri yazılar yazıb.

Mükafatları

2004-cü ildə Müstəqil Media Mərkəzinin “İlin ən yaxşı jurnalisti” mükafatına layiq görülüb. Azərbaycan Respublikası Mədəniyyət və Turizm Nazirliyinin təşkilatçılığı ilə keçirilən “Kitab bayramı” yarışmasında “2009-cu ilin Yeni Nəsil yazarı” mükafatını alıb. “Qızıl Qələm” və “Həsən bəy Zərdabi” mükafatları laureatıdır. 2016-cı ildə Azərbaycan Yazıçılar Birliyi ilə “Ədəbiyyat qəzeti”nin təsis etdiyi “Əli bəy Hüseynzadə” mükafatına layiq görülüb. 2020-ci ildə Orta Asya Yazarlar və Tarixçilər Birliyi tərəfindən Türk Dünyasına xidmətlərə görə "Turan Birliyi" medalına, 2020-ci ildə "Vektor" Beynəlxalq Elmlər Akademiyası tərəfindən "Şahmar Əkbərzadə" adına beynəlxalq mükafata layiq görülüb.

Əsərləri

2008-ci il - “Retro yuxular” (Xüsusi buraxılış)
2009-cu il - “Özündən qaçmaq olmur” (şeir)
2010-cu il - “Çəhrayı qan” (nəsr)
2010-cu il - “Quşlar üçün karusel” (nəsr)
2011-ci il - “Yağ kimi” (roman)
2013-cü il - “Atamın sevgilisi” (nəsr)
2013-cü il - “Yaddaş kartı” (memuar-roman)
2014-cü il - “Rəqqasə” (roman)
2015-ci il - “Uzaqdasan, soyuqdur” (şeir)
2015-ci il - “Ədəbiyyatın kulisi” (esselər)
2017-ci il - “Fironun dəftəri” (roman)
2017-ci il - “İki qadını ayıran pəncərə” (nəsr)

Pyesləri

2004-cü il - “Kölgə” (pantomim)
2017-ci il - “Xəlbir və ney”

Tərcümələri

Lev Tolstoy – “İnsan nə ilə yaşayır”
Umberto Eko – “Naməlum O”
“Həyat işığı” (Rus ədəbiyyatından seçmələr)
“Əjdahanı necə öldürdülər” (Avropa yazarlarından hekayələr)
“Actus reus” (müştərək)