Həsən Kərimov (siyasətçi)

Həsən Hüseyn oğlu Kərimov (28 may 1954, Köçəsgər, Ağstafa rayonu – 20 noyabr 2015, Bakı) — Azərbaycan Xalq Cəbhəsi Partiyası Ali Məclisinin sabiq sədri, Səbail Rayon İcra Hakimiyyətinin sabiq başçısı.

Həsən Kərimov
Azərbaycan Xalq Cəbhəsi Partiyası Ali Məclisinin sədri
2009 – 20 noyabr 2015
Əvvəlki	Qulamhüseyn Əlibəyli
Sonrakı	Nurəddin Məmmədli
Azərbaycan Xalq Cəbhəsi Partiyasının sədr müavini
Səbail Rayon İcra Hakimiyyətinin başçısı
10 avqust 1992 – 12 iyul 1993
Əvvəlki
Sonrakı
Şəxsi məlumatlar
Doğum tarixi	28 may 1954(1954-05-28)
Doğum yeri	Köçəsgər, Ağstafa rayonu, Azərbaycan SSR, SSRİ
Vəfat tarixi	20 noyabr 2015(2015-11-20) (61 yaşında)
Vəfat yeri	Bakı, Azərbaycan
Dəfn yeri	Yeni Günəşli
Partiya	Azərbaycan Xalq Cəbhəsi Partiyası, Azərbaycan Xalq Cəbhəsi
Fəaliyyəti	siyasətçi
Vikianbarda əlaqəli mediafayllar

Həyatı

Həsən Kərimov 28 may 1954-cü il tarixində Qazax rayonunun Köçəsgər kəndində anadan olmuşdur.

Həsən, İsfəndiyar və Rəşad Kərimovların məzarları

Onun oğlu İftixar Kərimov 2009-cu ildə vəfat etmiş, ardınca digər oğlu Rəşad Kərimov itkin düşmüşdür. Daha sonra Rəşad Kərimovun öldüyü və naməlum şəxs olaraq dəfn olunduğu məlum olmuşdur.

Cəmil Həsənli, Əli Kərimli, İsa Qəmbər və digərləri Həsən Kərimovun dəfnində

Həsən Kərimov 2011-ci ildə Mərkəzi Klinik Xəstəxanada ürəyi ilə bağlı müalicə almışdır. 23 sentyabr 2013-cü il tarixində Həsən Kərimovun səhhəti kəskin pisləşmiş və o, kəskin ürək ağrıları səbəbi ilə Elmi-Tədqiqat Kardiologiya İnstitutuna yatırılmışdır. O, 2013-cü ilədək 3 dəfə infarkt keçirmişdir. O, 2015-ci ilədək ürəyi ilə bağlı problemlər yaşamış, 20 noyabr 2015-ci il tarixində ürək xəstəliyi səbəbindən ölmüşdür. Onun cənazəsi Yeni Günəşli qəsəbəsində dəfn edilmişdir.

Siyasi fəaliyyəti

Həsən Kərimov 10 avqust 1992-ci il tarixində Azərbaycan Prezidenti Əbülfəz Elçibəyin 119 nömrəli fərmanı ilə Səbail Rayon İcra Hakimiyyətinin başçısı təyin edilmişdir. O, 12 iyul 1993-cü il tarixində Azərbaycan Respublikası Prezidentinin səlahiyyətini həyata keçirən Azərbaycan Respublikası Ali Sovetinin sədri Heydər Əliyevin 679 nömrəli fərmanı ilə vəzifəsindən azad edilmişdir.

Həsən Kərimov Azərbaycan Xalq Cəbhəsi və Azərbaycan Xalq Cəbhəsi Partiyası üzvü olmuşdur. O, Azərbaycan Xalq Cəbhəsi Partiyasının təşkilat şöbəsinin müdiri, sədr müavini kimi postlarını tutmuş, 2009-cu ildə isə partiya Ali Məclisinin sədri seçilmişdir. O ölənədək bu vəzifəni icra etmişdir.

Seçkilərdə

Həsən Kərimov 2005-ci parlament seçkilərində Azadlıq Blokunun 29 saylı Səbail seçki dairəsi üzrə deputatlığa vahid namizədi olmuşdur. O seçkilərdə bitərəf namizəd Fuad Muradova məğlub olmuşdur.

Həsən Kərimov 2010-cu il parlament seçkilərində "AXCP-Müsavat" Seçki Blokunun 29 saylı Səbail seçki dairəsi üzrə deputatlığa vahid namizədi olmuşdur. O, seçkilərdə 1779 səs (9,17%) toplayaraq bitərəf namizəd Fuad Muradovun ardınca seçkiləri ikinci sırada tamamlamışdır.

İstinadlar

1. "Arxivlənmiş surət". 2022-05-05 tarixində . İstifadə tarixi: 2022-05-05.
2. "Arxivlənmiş surət". 2022-05-05 tarixində . İstifadə tarixi: 2022-05-05.
3. "Arxivlənmiş surət". 2022-05-05 tarixində . İstifadə tarixi: 2022-05-05.
4. "Arxivlənmiş surət". 2022-05-05 tarixində . İstifadə tarixi: 2022-05-05.
5. "Arxivlənmiş surət". 2015-11-21 tarixində . İstifadə tarixi: 2022-05-05.
6. "Arxivlənmiş surət". 2022-05-05 tarixində . İstifadə tarixi: 2022-05-05.
7. "Arxivlənmiş surət". 2022-05-05 tarixində . İstifadə tarixi: 2022-05-05.
8. "Arxivlənmiş surət". 2022-05-05 tarixində . İstifadə tarixi: 2022-05-05.
9. "Arxivlənmiş surət". 2015-12-29 tarixində . İstifadə tarixi: 2022-05-05.
10. "Arxivlənmiş surət". 2007-03-19 tarixində . İstifadə tarixi: 2022-05-05.
11. "Arxivlənmiş surət". 2021-11-07 tarixində . İstifadə tarixi: 2022-05-05.
12. "Arxivlənmiş surət". 2021-11-07 tarixində . İstifadə tarixi: 2022-05-05.

Xarici keçidlər

• "Həsən Kərimovun dəfnindən fotolar". 2022-05-05 tarixində . İstifadə tarixi: 2022-05-05.