Hüseyn Hümmət Hümbət oğlu Nəcəfov Nəcəfbəyli 1 yanvar 1907 Kolanlı irəvan qəzası 16 iyul 1967 Bakı Azərbaycan partiya və

Hüseyn Hümmət (Hümbət) oğlu Nəcəfov (Nəcəfbəyli) (1 yanvar 1907, Kolanlı, İrəvan qəzası – 16 iyul 1967, Bakı) — Azərbaycan partiya və dövlət xadimi, Azərbaycan KP-nın Naxçıvan Vilayət Komitəsinin birinci katibi (1940–1948), Azərbaycan SSR meşə və kağız sənayesi naziri (1948–1950).

Hüseyn Nəcəfov

Azərbaycan Kommunist Partiyası Naxçıvan Vilayət Komitəsinin birinci katibi
oktyabr 1940 – yanvar 1948
Əvvəlki	Kazım İsmayılov
Sonrakı	Yusif Yusifov
Azərbaycan SSR meşə və kağız sənayesi naziri
6 mart 1950 – 20 sentyabr 1950
Sonrakı	Rza İsmayılov
Azərbaycan SSR meşə sənayesi naziri
28 yanvar 1948 – 6 mart 1950
Əvvəlki	Rza İsmayılov
Şəxsi məlumatlar
Doğum tarixi	1 yanvar 1907(1907-01-01)
Doğum yeri	Kolanlı, İrəvan qəzası, İrəvan quberniyası, Rusiya imperiyası
Vəfat tarixi	16 iyul 1967(1967-07-16) (60 yaşında)
Vəfat yeri	Bakı, Azərbaycan SSR, SSRİ
Dəfn yeri	Fəxri Xiyaban
Partiya	Sovet İttifaqı Kommunist Partiyası (1928–1967)
Təhsili	Yakov Sverdlov adına Kommunist Universiteti^[d] (–1937)
Fəaliyyəti	siyasətçi

Təltifləri

Həyatı

Hüseyn Nəcəfov 1907-ci ildə İrəvan quberniyasının Kolanlı kəndində yoxsul kəndli ailəsində anadan olmuşdur. 19 yaşında olarkən Gəncəyə köçmüş və toxucu-əyirici fabrikində fəhləlik etmişdir. 1928-ci ildə ÜİK(b)P (Sov.İKP) üzvlüyünə qəbul edilmiş, bir qədər sonra fabrikin həmkarlar ittifaqının katibi seçilmişdir.

1930-cu ildən Azərbaycan LKGİ Gəncə Şəhər Komitəsinin üzvü, sonra isə katibi seçilmiş, Azərbaycan LKGİ Mərkəzi Komitəsinin mədəni-maarif şöbəsinin müdiri olmuşdur. 1933-cü ildə Kommunist Partiyasının çağırışı ilə MTS-lər yanında yaradılan siyasi şöbələrdən birində işləməyə getmişdir. 1934-cü ilədək Naxçıvanın maşın-traktor stansiyalarından birində siyasi şöbənin rəisinin müavini işləmişdir. 1937-ci ildən Azərbaycan Kommunist Partiyası Bakı Şəhər Komitəsinin partiya kadrları şöbəsinin müdiri olmuşdur. 1939-cu ildə Azərbaycan LKGİ MK-nın birinci katibi seçilmiş, 1940–1948-ci illərdə Azərbaycan Kommunist Partiyası Naxçıvan Vilayət Komitəsinin birinci katibi işləmişdir. 1948-ci ildən Azərbaycan SSR meşə sənayesi naziri olmuşdur.

Hüseyn Nəcəfov 1937-ci ildə ÜİK(b)P MK yanında Yakov Sverdlov adına Ali Təbliğatçılar Məktəbini bitirmişdir. O, SSRİ Ali Sovetinin (2-ci çağırış) və Azərbaycan SSR Ali Sovetinin və Naxçıvan MSSR Ali Sovetinin (2-ci çağırış) deputatı seçilmişdir. 1950-ci ilədək Azərbaycan Kommunist Partiyası Mərkəzi Komitəsinin üzvlüyünə namizəd olmuşdur.

Hüseyn Nəcəfov 1967-ci ildə Bakıda vəfat etmişdir.

Təltifləri

— 25 fevral 1946
— 27 aprel 1940
— 1 fevral 1945
— 1945
— 1944

İstinadlar

Һ. Һ. Нәҹәфов // Коммунист. № 167 (13555). 18 ијул 1967-ҹи ил. С. 4.
Nəcəfov Hüseyn Hümbət oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 50–51.
Nəcəfov Hüseyn Hümmət oğlu // Fəxri Xiyaban. Bakı: Heydər Əliyev Fondu. 2007. səh. 166.
"Наджафов Гусейн Гумбат оглы". knowbysight.info (rus). Справочник по истории Коммунистической партии и Советского Союза 1898–1991. 15 noyabr 2021 tarixində . İstifadə tarixi: 15 noyabr 2021.

Xarici keçidlər

"Huseyn H. Najafov" (ingilis). Find a Grave. 14 dekabr 2021 tarixində . İstifadə tarixi: 14 dekabr 2021.

Həmçinin bax

[kom67-1] Һ. Һ. Нәҹәфов // Коммунист. № 167 (13555). 18 ијул 1967-ҹи ил. С. 4.

[nst-2] Nəcəfov Hüseyn Hümbət oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 50–51.

[fx-3] Nəcəfov Hüseyn Hümmət oğlu // Fəxri Xiyaban. Bakı: Heydər Əliyev Fondu. 2007. səh. 166.

[know-4] "Наджафов Гусейн Гумбат оглы". knowbysight.info (rus). Справочник по истории Коммунистической партии и Советского Союза 1898–1991. 15 noyabr 2021 tarixində . İstifadə tarixi: 15 noyabr 2021.