Hindarx Azərbaycan Respublikasının Ağcabədi rayonunun Hindarx qəsəbə inzibati ərazi dairəsində qəsəbə Hindarx40 04 12 şm

Hindarx — Azərbaycan Respublikasının Ağcabədi rayonunun Hindarx qəsəbə inzibati ərazi dairəsində qəsəbə.

Hindarx



Ölkə	Azərbaycan
Region	Ağcabədi rayonu
Tarixi və coğrafiyası
Mərkəzin hündürlüyü	104 m
Saat qurşağı
Əhalisi
Əhalisi	16.998 nəfər
Rəqəmsal identifikatorlar
Poçt indeksi	AZ0415
Xəritəni göstər/gizlə Hindarx Hindarx
Vikianbarda əlaqəli mediafayllar

23 oktyabr 2007-ci ildən Hindarx kəndi qəsəbə statusu almışdır və fəaliyyətini qəsəbə kimi davam etdirir. Hindarx qəsəbəsinin ərazisi 48.2 kv.km.-dir.

Toponimikası

Hindarx kəndi Ağcabədi rayonunun əhalisi ən çox olan yaşayış məntəqəsidir. Kəndin İsmayilovlar, tağılar, hacızeyinlilər, fərruxbəylilər, xəlilbəylilər, misiruşağılar, bəşirlilər, verdiyevlər, hacızeynallı, məşədiağauşağılar, umud yüzbaşılar, hacıcabbarlar, hümbətalılar, mirzəlilər, həsənqulular, səfilər, kəlbaallahverdilər, rzalılar, ədillilər, bayramlılar, davudlularl ceyranlı və s. nəsilləri vardır. Yerli məlumata görə, bu yaşayış məntəqəsi XVI əsrdə yaranıb. Guya dahi Azərbaycan şairi Məhəmməd Füzulinin olan bir nəfər hindli, Boyat kəndinin yaxınlığından indiki kəndin ərazisinə arx çəkdirmiş və həmin arxın ətrafında yaranan yaşayış məntəqəsi də onun şərəfinə Hindarx adlanmışdır. Sonralar hindarxlılarla Füzulinin atası Suleyman kişi arasında nifaq düşdüyündən o, kürəkənini bələdçiliyi ilə ailəsini də götürüb İraqa köçmüşdür.Çox güman ki, toponimin belə izahı xalq etimologiyasıdır. Digər bir yerli məlumata görə isə buraya Hind Vəli adlı bir nəfər arx çəkmiş və sonralar arx onun adı ilə əlaqədar olaraq Hindarx adlanmışdır.Arxın bir nəfər hindistanlı mühəndisin çəkməsi ilə əlaqədar belə adlanması haqqında rəvayət də vardır. Bəzi tədqiqatçıların fikrincə, Hindarx hidronimi sanskrit dillərindəki ind sözündəndir. İnd komponenti "Böyük çay" "əsas çay" anlamındadır. Hindarx toponiminin elmi izahı hələ dəqiq müəyyənləşdirilməmişdir.

Əhalisi

Əhalisi 16.998 nəfərdir. Əhalinin əsas məşğuliyyəti əkinçilik və heyvandarlıqdır 4 min 507 hektar ərazisi, Hindarx qəsəbəsində 1 tam orta, 2 ümumi orta məktəb, 1 uşaq bağçası, 2 kitabxana, 3 klub, uşaq musiqi məktəbi, 25 çarpayılıq xəstəxana, rabitə şöbəsi, poçt filialı və digər xidmət sahələri fəaliyyət göstərir.

Arxeoloji abidələri

Tunc dövrünə aid Qazantəpə, Gorustəpə, Hüseynbəytəpə, Daşdəmirtəpə, Quştəpə və s.kurqanlar Hindarx kəndinin ərazisindədir.

İstinadlar

Azərpoçt. "İndekslər" (az.). www.azerpost.az. 2016-04-19 tarixində arxivləşdirilib. İstifadə tarixi: 2016-04-19.
Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 2024-02-28. 2024-03-14 tarixində (PDF). İstifadə tarixi: 2024-04-05.
Nazim Tapdıqoğlu (Vəlişov). Ağcabədi Ensiklopediyası. Bakı-2006
"Arxivlənmiş surət". 2014-03-01 tarixində . İstifadə tarixi: 2017-10-16.

Ağcabədi rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

Qəsəbə ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

[1] Azərpoçt. "İndekslər" (az.). www.azerpost.az. 2016-04-19 tarixində arxivləşdirilib. İstifadə tarixi: 2016-04-19.

[2] Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 2024-02-28. 2024-03-14 tarixində (PDF). İstifadə tarixi: 2024-04-05.

[ReferenceA-3] Nazim Tapdıqoğlu (Vəlişov). Ağcabədi Ensiklopediyası. Bakı-2006

[4] "Arxivlənmiş surət". 2014-03-01 tarixində . İstifadə tarixi: 2017-10-16.