Firuz Xudaverdiyev

Firuz İslam oğlu Xudaverdiyev — Azərbaycanın tanınmış teatr, kino və televiziya aktyoru, Azərbaycanın əməkdar artisti (2002).

Firuz Xudaverdiyev
Doğum adı	Firuz İslam oğlu Xudaverdiyev
Doğum tarixi	9 iyul 1939
Doğum yeri	Qobu, Bakı, Azərbaycan SSR
Vəfat tarixi	28 mart 2017 (77 yaşında)
Vəfat yeri	Qobu, Abşeron rayonu, Azərbaycan
Vəfat səbəbi	Xərçəng
Milliyyəti	azərbaycanlı
Vətəndaşlığı	SSRİ→ Azərbaycan
Həyat yoldaşı	Əzizə xanım
Uşağı	Tahir Azər Elmar Ülviyyə
Fəaliyyəti	aktyor
Fəaliyyət illəri	1970-2017
Təhsili	Azərbaycan Dövlət Mədəniyyət və İncəsənət Universiteti
Mükafatları	2002
IMDb	ID3178493
azdrama.az

Həyatı

Firuz Xudaverdiyev 1939-cu il iyulun 9-da Bakının Qobu kəndində anadan olub.1969-cu ildə Mirzəağa Əliyev adına Azərbaycan Dövlət İncəsənət İnstitutunun dram və kino aktyorluğu fakültəsini bitirib və təyinatla Mingəçevir Dövlət Dram Teatrının aktyor truppasına daxil olub.1969-1976-cı illərə kimi Mingəçevir Dövlət Dram Teatrında çalışıb.1976-cı ildən ömrünün sonuna kimi Azərbaycan Dövlət Akademik Milli Dram Teatrında aktyor çalışıb.2002-ci ildə Azərbaycan mədəniyyətinin inkişafındakı xidmətlərinə görə Azərbaycan Respublikasının Əməkdar artist fəxri adına layiq görülüb.Aktyor səhnə yaradıcılığından əlavə bir sıra tele tamaşalar və bədii filmlərdə rol alıb bunlardan "Dəvətnamə" (Müəllim), "Həmyerlilər" (Sarı Sarızadə), "Ordan burdan" (Müəllim), "Pəncərədə işıq" (Firuz) və digərlərinin adlarını çəkmək olar.

Firuz İslam oğlu Xudaverdiyev 28 mart 2017-ci ildə dünyasını dəyişmişdir.Uzun müddət mədə xərçəngindən əziyyət çəkib. Əməkdar artist doğulduğu Qobu kəndində torpağa tapşırılıb.

Teatr səhnəsində ifa etdiyi rollar

Mingəçevir Dövlət Dram Teatrı(1969-1976)

• Fuad ("Almaz", Cəfər Cabbarlı)
• Şəmsi bəy ("Eşq və intiqam", Süleyman Sani Axundov)
• Vəzir ("Fərhad və Şirin", Səməd Vurğun)
• Ədalət ("Məhv olmuş gündəliklər", İlyas Əfəndiyev)
• Assistent ("Şöhrət və ya unudulan adam", Nazim Hikmət)

Akademik Milli Dram Teatrı(1976-2017)

• Bir kişi ("Dəli yığıncağı", Cəlil Məmmədquluzadə)
• Qoca ("Fitnə", Abdulla Şaiq)
• Əsgər ("Maqbet", Uilyam Şekspir)
• Xəstə ("Biganələr oteli", Rüstəm İbrahimbəyov)
• N.Kokin ("Daşqın", A. Safronov)
• Çolaq ("Yad adam", L. Frank)
• 1-ci polis ("Səhra yuxuları", Anar)
• Ter Vahan və Mamayı ("Xurşidbanu Nətavan", İlyas Əfəndiyev)
• Mola ("Mirzə Şəfi Vazeh", Nəbi Xəzri)
• Hans ("Gecənin sirri", A. Safronov)
• 1-ci Qanun ("İblis", Hüseyn Cavid)
• Kərbəlayı Bəndalə ("Bəxtsiz cavan", Əbdürrəhim bəy Haqverdiyev)
• Aşpaz Abbas ("Sehrli alma", Y. Lada)
• 1-ci ərizəçi ("Lənkəran xanının vəziri", Mirzə Fətəli Axundov)
• Qulam ("Aydın", Cəfər Cabbarlı)
• Həkim ("Kəllə", Nazim Hikmət)
• Molla ("Brüsseldən məktublar", Həsən Həsənov)
• Reynaldo ("Hamlet", Uilyam Şekspir)
• Kərbəlayi Vəli ("Ölülər", Cəlil Məmmədquluzadə)
• Hacı Hüseyn ("Dirilən adam", Mir Cəlal)
• Müəllim ("Nazirin xanımı", Branislav Nuşiç)
• Yaşlı kişi ("21:15 qatarı", Toyqun Orbay)
• Hacı Kazım ("Ölülər", Cəlil Məmmədquluzadə)
• Xristian İvanoviç Gibner ("Müfəttiş", Nikolay Qoqol)

Filmoqrafiya

1. Kişilər (film, 1979)
2. Mənim günahım (film, 1985)
3. Ordan-burdan (film, 1987)
4. Ağ atlı oğlan (film, 1995)(tammetrajlı bədii film)-rol: kənd sakini
6. Bağdada putyovka var... (film, 2000)
7. Qeybdən gələn səs (film, 2002)
8. Dəvətnamə (film, 2003)
9. Sonuncu şahid (film, 2004)
10. Cavid ömrü (film, 2007)
11. Biz qayıdacağıq (film, 2007)
12. Günaydın, mələyim! (film, 2008)
13. (Vəkil hanı? (film, 2011))
14. Mürafiə vəkillərinin hekayəti (film, 2011)
15. 3 bacı (film, 2012-2014) (bədii serial) (rol: baba)
16. Bir ovuc torpaq (teleserial, 2013)
17. Ümid işığı (film, 2014)
18. Azərbaycan tarixinin parlaq epizodları. Əhmədiyyə Cəbrayılov (film, 2015)

İstinadlar

1. APA TV. "Əməkdar artist Firuz Xudaverdiyev vəfat edib" (az.). Youtube.com. 28.03.2017. 2017-03-31 tarixində . İstifadə tarixi: 2017-03-28.
2. "Xərçəngə yoluxan əməkdar artist öldü". 2022-07-19 tarixində . İstifadə tarixi: 2017-03-28.

Xarici keçidlər

• Firuz Xudaverdiyev