Famil isgəndər oğlu isgəndərov 15 may 1975 Bakı 17 mart 1995 Bakı Azərbaycanın Milli Qəhrəmanı Qarabağ müharibəsinin fəa

Famil İsgəndər oğlu İsgəndərov (15 may 1975, Bakı – 17 mart 1995, Bakı) — Azərbaycanın Milli Qəhrəmanı, Qarabağ müharibəsinin fəal iştirakçısı, Mart hadisələri zamanı dövlətçiliyimiz, suverenliyimiz uğrunda ömrünü qurban verərək şəhidlik zirvəsini fəth etmiş fateh.

Famil İsgəndərov
Famil İsgəndər oğlu İsgəndərov

Doğum tarixi	15 may 1975(1975-05-15)
Doğum yeri	Bakı, Azərbaycan SSR, SSRİ
Vəfat tarixi	17 mart 1995(1995-03-17) (19 yaşında)
Vəfat yeri	Bakı, Azərbaycan
Vəfat səbəbi	şəhid
Dəfn yeri	Şəhidlər Xiyabanı
Vətəndaşlığı	SSRİ→ Azərbaycan
Mükafatları

Həyatı

15 may 1975-ci ildə Bakı şəhərində doğulmuşdur. 1991-ci ildə 157 saylı orta məktəbi bitirmişdir. Orta məktəbi bitirdikdən sonra 6 ay gəmi təmiri zavodunda işləyib. 1993-cü ildə Milli Ordu sıralarına çağırılmışdır. Oxuduğu 157 saylı orta məktəb hal-hazırda onun adını daşıyır.

Ailəsi

Subay idi.

Hərbi xidməti

Famil İsgəndərov 1993-cü ildə Milli Ordu sıralarına çağırılıb. O, 6 ay Qusar rayonundakı hərbi hissədə təlim keçdikdən sonra cəbhə bölgəsinə göndərilib.

Döyüşlərdə iştirakı

Famil Ağdərə və Tərtər döyüşlərində iştirak etmiş, Murovdağın geri qaytarılması zamanı ayağından yaralanır. Müalicədən sonra isə "N" saylı hərbi hissədə xidmətini davam etdirir. 1995-ci il 13–17 mart hadisələri zamanı silahlı dəstənin zərərsizləşdirilməsi zamanı döyüşçü dostlarını xilas edərkən baş nahiyəsindən ağır yaralanaraq həlak olub. Bakı şəhərinin Şəhidlər Xiyabanında dəfn edilmişdir.

Təltifləri

Azərbaycan Respublikası Prezidentinin 4 aprel 1995-ci il tarixli 307 saylı fərmanı ilə Famil İsgəndər oğlu İsgəndərov ölümündən sonra "Azərbaycanın Milli Qəhrəmanı" adına layiq görülmüşdür.

(4 aprel 1995) — (ölümündən sonra)

Xatirəsi

Oxuduğu 157 saylı orta məktəb qəhrəmanımızın adını daşıyır, məktəbdə büstü qoyulub.
Yaşadığı binanın önünə xatirə lövhəsi vurulub.
Dağıstan Muxtar Respublikasının Qasımkənd rayonu kəndindəki məktəb də Famil İsgəndərovun adını daşıyır.

Ədəbiyyat

Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 142.

İstinadlar

"Azərbaycan Respublikasının hərbi qulluqçularının və polis işçilərinin bir qrupunun təltif edilməsi haqqında Azərbaycan Respublikası Prezidentinin Sərəncamı". www.e-qanun.az (Normativ hüquqi aktların vahid internet elektron bazası) ( (az.)). 04.04.1995. 2017-05-13 tarixində . İstifadə tarixi: 04.04.1995.
"157 №-Lİ TAM ORTA MƏKTƏB". 2021-10-31 tarixində . İstifadə tarixi: 2020-10-20.
Milli Qəhrəman Famil İsgəndərovun büstü ^{[ölü keçid]}

[1] "Azərbaycan Respublikasının hərbi qulluqçularının və polis işçilərinin bir qrupunun təltif edilməsi haqqında Azərbaycan Respublikası Prezidentinin Sərəncamı". www.e-qanun.az (Normativ hüquqi aktların vahid internet elektron bazası) ( (az.)). 04.04.1995. 2017-05-13 tarixində . İstifadə tarixi: 04.04.1995.

[2] "157 №-Lİ TAM ORTA MƏKTƏB". 2021-10-31 tarixində . İstifadə tarixi: 2020-10-20.

[3] Milli Qəhrəman Famil İsgəndərovun büstü ^{[ölü keçid]}