Emin əzizov 29 dekabr 1984 imişli Azərbaycanı təmsil edən sərbəst güləşçi Emin əzizovşəxsi məlumatlarTam adı Emin əzizov

Emin Əzizov (29 dekabr 1984, İmişli) — Azərbaycanı təmsil edən sərbəst güləşçi.

Emin Əzizov

Şəxsi məlumatlar

Tam adı

Emin Əzizov

Vətəndaşlığı

Azərbaycan

Doğum tarixi

29 dekabr 1984(39 yaş)

Doğum yeri

İmişli, Azərbaycan SSR

Boyu

172 sm. (5 ft 6 in)

İdman növü

Güləş

Karyera illəri

1996—2014

Məşqçisi

Qalib Zülfüqarov

Medallar


Avropa Çempionatı
Bürünc		66 Kq.

Karyerası

Emin Əzizov 2006-cı ildə Rusiyada Avropa Çempionatını 12-ci, 2007-ci ildə Bolqarıstanda Avropa Çempionatını isə 5-ci pillələrdə başa vurdu.

2008-ci ildə Emin Əzizov Finlandiyanın Tampere şəhərində baş tutan Avropa Çempionatının bürünc medalına sahib oldu. Həmin ilin iyununda Qızıl Qran-Pri beynəlxalq turnirini gümüş medalla başa vuran Emin Əzizov avqustda olimpiadada mübarizə apardı.

Emin Əzizov Azərbaycanı 2008-ci ildə Çində baş tutan XXIX Yay Olimpiya Oyunlarında təmsil etdi. Olimpiadanın təsnifat mərhələsində Emin Əzizov İsveçrə nümayəndəsi Gregori Sarrasin ilə üz-üzə gəldi. Həmin görüşün birinci hissəsində rəqibinə 1:0 hesabı ilə qalib gələn Emin Əzizov növbəti hissədə rəqibi üzərində 2:0 hesabı ilə qələbə qazandı və olimpiadanın 1/8 final mərhələsinə adladı. Bu mərhələdə onun rəqibi Qazaxıstan nümayəndəsi Leonid Spiridonov oldu. Həmin görüşdə Emin Əzizov rəqibinə 0:2 (0:2, 0:2) hesabı ilə məğlub oldu. Rəqibi final görüşünə vəsiqə qazanmadığına görə Emin Əzizov təsəlliverici qrupda da mübarizə aparmadı və olimpiadanı 12-ci pillədə başa vurdu.

Bundan sonra o, nüfuzlu beynəlxalq turnirlərdə uğurlara imza ata bilmədi. Emin Əzizov 2009-cu ildə Qızıl Qran-Pri beynəlxalq turnirini 20-ci pillədə, 2010-cu ildə Qızıl Qran-Pri beynəlxalq turnirini gümüş medalla, 2011-ci ildə Qızıl Qran-Pri beynəlxalq turnirini isə 12-ci pillədə başa vurdu.

2012-ci ildə Emin Əzizov Kiyev Turnirini 10-cu, Avropa Çempionatını 8-ci pillələrdə, Qızıl Qran-Pri beynəlxalq turnirini isə gümüş medalla başa vurdu.

2013-cü ildə İranda Taxti Cup beynəlxalq turnirini 12-ci, Polşada Poland Open beynəlxalq turnirini 8-ci, Azərbaycanda Qızıl Qran-Pri beynəlxalq turnirini 8-ci pillələrdə başa vuran Emin Əzizov, 2014-cü ildə Yaşar Doğununun Turnirinin gümüş medalına sahib oldu, Əli Əliyev Turnirini isə 12-ci pillədə başa vurdu. İyulda Qızıl Qran-Pri beynəlxalq turnirinin gümüş medalına sahib olan Emin Əzizov, 30 yaşında idmanla vidalaşdı.

Nəticələri

Sıra	İl	Yarış	Ev sahibi	Nəticə
1	2006	Avropa Çempionatı	Rusiya	12.
2	2007	Avropa Çempionatı	Bolqarıstan	5.
3	2008	Avropa Çempionatı	Finlandiya	3.
4		Qızıl Qran-Pri	Azərbaycan	2.
5		Olimpiya Oyunları	Çin	12.
6	2009	Qızıl Qran-Pri	Azərbaycan	20.
7	2010	Qızıl Qran-Pri	Azərbaycan	2.
8	2011	Qızıl Qran-Pri	Azərbaycan	12.
9	2012	Kiyev Turniri	Ukrayna	10.
10		Avropa Çempionatı	Serbiya	8.
11		Qızıl Qran-Pri	Azərbaycan	2.
12	2013	Taxti Cup	İran	12.
13		Poland Open	Polşa	8.
14		Qızıl Qran-Pri	Azərbaycan	8.
15	2014	Yaşar Doğu Turniri	Türkiyə	2.
16		Ə. Əliyev Turniri	Rusiya	16.
17		Qızıl Qran-Pri	Azərbaycan	2.

İstinadlar

Olympedia.org. "Emin ƏZİZOV". www.olympedia.org (ingilis). 2022-08-30. 2022-06-10 tarixində . İstifadə tarixi: 30.08.2022.
International Wrestling Database. "EMIN AZIZOV". www.iat.uni-leipzig.de (ingilis). 2022-08-04. 2022-02-15 tarixində . İstifadə tarixi: 02.08.2022.
Olympedia.org. "2008 Summer Olympics / Wrestling / Welterweight / Freestyle (66 Kilograms) / Men". www.olympedia.org (ingilis). 2022-08-30. 2022-05-11 tarixində . İstifadə tarixi: 30.08.2022.

[:PR-1] Olympedia.org. "Emin ƏZİZOV". www.olympedia.org (ingilis). 2022-08-30. 2022-06-10 tarixində . İstifadə tarixi: 30.08.2022.

[:PRO-2] International Wrestling Database. "EMIN AZIZOV". www.iat.uni-leipzig.de (ingilis). 2022-08-04. 2022-02-15 tarixində . İstifadə tarixi: 02.08.2022.

[:RES-3] Olympedia.org. "2008 Summer Olympics / Wrestling / Welterweight / Freestyle (66 Kilograms) / Men". www.olympedia.org (ingilis). 2022-08-30. 2022-05-11 tarixində . İstifadə tarixi: 30.08.2022.