Eldəniz Zeynalov

Eldəniz Məmməd oğlu Zeynalov (1 yanvar 1937, Bakı – 5 noyabr 2001, Bakı) — görkəmli Azərbaycan aktyoru, Azərbaycan Respublikasının xalq artisti (2000).

Eldəniz Zeynalov
Eldəniz Məmməd oğlu Zeynalov
Doğum tarixi	1 yanvar 1937
Doğum yeri	Bakı, Azərbaycan SSR, SSRİ
Vəfat tarixi	5 noyabr 2001 (64 yaşında)
Vəfat yeri	Bakı, Azərbaycan
Dəfn yeri	Yasamal qəbiristanlığı
Milliyyəti	azərbaycanlı
Vətəndaşlığı	SSRİ→ Azərbaycan
Fəaliyyəti	aktyor
Fəaliyyət illəri	1963–2001
Təhsili	Azərbaycan Dövlət Mədəniyyət və İncəsənət Universiteti
Mükafatları	2000
IMDb	ID0954367

Həyatı

Eldəniz Zeynalov 1 yanvar 1937-ci ildə anadan olub. Hələ məktəbli ikən dayısı Həsənağa Salayevin tövsiyəsi ilə Azərbaycan Dövlət Dram Teatrında uşaq rollarında çıxış edib. Teatr İnstitutunda aktyorluq təhsili alıb (1956–1962).

Tələbə ikən Eldar Quliyevin "Bir Cənub Şəhərində" filmində baş rollardan birinə çəkilib. Məzun olduqdan sonra Akademik Dram Teatrında işə başlayıb. İlk dəfə "Sevil" tamaşasında Gündüz rolunu oynayıb. Sonralar teatr və kinoda, televiziya və radio tamaşalarında, "Mozalan" satirik kinojurnalının bir çox süjetlərində yadda qalan obrazlar yaradıb.

Xarici film istehsalçılarının "Dulsineya Tobosskaya" (Mosfilm), "Təyyarələr Enmədi" (Özbəkfilm) filmlərində çəkilib. "Humay" mükafatı laureatı (1999), əməkdar artist (1974), xalq artisti Eldəniz Zeynalov 2001-ci il noyabrın 5-də dünyasını dəyişib, Yasamal qəbiristanlığında dəfn edilmişdir.

Aktyor və rejissor Elbrus Zeynalovun atasıdır.

Xatirəsi

2017-ci ilin oktyabrında Mərdəkan Mədəniyyət Sarayında Eldəniz Zeynalovun 80 illik yubileyinə həsr olunmuş tədbir keçirilib.

Filmoqrafiya

1. 100 (film, 1985) (qısametrajlı bədii film-Mozalan № 100)
2. 777 №-li iş (film, 1992) (tammetrajlı bədii film)
3. 777 №-li sexdə (film, 1979) (qısametrajlı bədii süjet-Mozalan № 47)
4. Arvadım mənim, uşaqlarım mənim (film, 1978)
5. Babamızın babasının babası (film, 1981)
6. Bağ mövsümü (film, 1985)
7. Bəyin oğurlanması (film, 1985)
8. Bir cənub şəhərində (film, 1969)
9. Bizim Cəbiş müəllim (film, 1969)
10. Dörd bazar günü (film, 1975)
11. (Əhməd haradadır? (film, 1963))
12. Əzablı yollar (film, 1982)
14. Gözlə məni (film, 1980)
15. Hər şey yaxşılığa doğru (film, 1997)
16. Həyat bizi sınayır (film, 1972)
17. İyirmialtılar (film, 1966)
18. Qızıl uçurum (film, 1980)
19. Qonşu qonşu olsa... (film, 1989)
20. Mən mahnı qoşuram (film, 1979)
21. Musiqili xaş (film, 1984)
22. Nakəs (film, 1991)
23. Nigarançılıq (film, 1998)
24. O qızı tapın (film, 1970)
25. Ömrün səhifələri (film, 1974)
26. Sehrli çıraq (film, 1987)
27. Vulkana doğru (film, 1977)
28. Yaramaz (film, 1988)
29. Yeddi oğul istərəm... (film, 1970)
30. Yenilik (film, 1986)
31. Yerlə göy arasında (film, 1999)
32. Yol əhvalatı (film, 1980)
33. Yorulmamışam. Rövşən Behcət (film, 2007)

İstinadlar

1. İsaq, İ. Dünyadan dəhşətli ağrılarla köçən Eldəniz Zeynalov – İradə İsaq yazır //Həftə içi.- 2015.- 6 yanvar.- S.6.
2. "Arxivlənmiş surət". 2024-01-26 tarixində . İstifadə tarixi: 2024-01-30.
3. Muz TV. "Eldəniz Zeynalovun 80 illik yubileyi keçirildi" (az.). Youtube.com. 31.10.2017. 2021-03-24 tarixində . İstifadə tarixi: 2017-10-31.

Xarici keçidlər

• İzlə (filmoqrafiya)