Ceyms Oldric ing James Aldridge 10 iyul 1918 Uayt Hills Viktoriya d 23 fevral 2015 London Avstraliya və Britaniyalı yazı

Ceyms Oldric (ing. James Aldridge; 10 iyul 1918^[…], Uayt Hills, Viktoriya^[d] – 23 fevral 2015, London) — Avstraliya və Britaniyalı yazıçı və jurnalistdir. Onun İkinci Dünya müharibəsi haqqında olan əsərləri bir çox ölkələrdə nəşr olunub və o, 30-dan çox kitabın müəllifidir. Onun yaradıcılığına müharibə, macəra romanları və uşaqlar üçün yazılmış kitablar aiddir.

Ceyms Oldric
ing. James Aldridge
Ceyms Oldric(1987, Berlin)
Doğum tarixi	10 iyul 1918(1918-07-10)^[…]
Doğum yeri	Viktoriya, Avstraliya
Vəfat tarixi	23 fevral 2015(2015-02-23)(96 yaşında)
Vəfat yeri	London, Böyük London, İngiltərə, Birləşmiş Krallıq
Fəaliyyəti	jurnalist, yazıçı, roman yazıçısı, uşaq ədəbiyyatı yazıçısı
Fəaliyyət illəri	1946-cı ildən
Əsərlərinin dili	ingilis dili
Mükafatları

Həyatı

Görkəmli ingilis yazıçısı Ceyms Oldric 1918-ci ildə Avstraliyada anadan olmuşdur. 1939–1945-ci illərdə hərbi müxbir işləmiş, müxtəlif ölkələrdə, o cümlədən İranda Cənubi Azərbaycanda olmuşdur. Oldric 1942-ci ildə yazdığı "Şərəf işi", 1944-cü ildə yazdığı "Dəniz qartalı" romanlarında yunan xalqının faşizmə qarşı mübarizəsini təsvir etmişdir.

Yaradıcılığında Azərbaycan mövzusu əhəmiyyətli yer tutur. Ceyms Oldric 1949-cu ildə yazdığı Yaxın Şərq, o cümlədən İran, Cənubi Azərbaycan və kürd xalqlarının milli azadlıq hərəkatından, imperializmin müstəmləkəçilik siyasətinə qarşı mübarizəsindən bəhs edən "Diplomat" əsərinin və onun davamı olan 1974-cü ildə yazdığı "Əli silahlılar" romanının, "Qafqaz haqqında nəğmə" (1942) bədii reportajının müəllifidir.

"Diplomat" romanında Azərbaycan qəhrəmanlarının Cavad Qoçəli, Mirzə Cahansız və b. obrazlarını yaratmışdır. Müəllifin həmin romanı, bəzi hekayələri Azərbaycan dilinə tərcümə edilmişdir.

Oldric dəfələrlə SSRİ-də, o cümlədən Azərbaycanda olmuşdur. O,1953-cü ildə Ümumdünya Sülh Şurasının Qızıl medalını almışdır. 1973-cü ildə isə "Xalqlar arasında sülhü möhkəmlətməyə görə" Beynəlxalq Lenin mükafatı laureatı adına layiq görülmüşdür.

Yaradıcılığı

Əsərləri

Şərəf məsələsi (1942);
Dəniz qartalı (1944) layiq görülüb 1945;
Diplomat (romanda 1940-cı illərdə Cənubi Azərbaycanda baş verən olaylar da təsvir olunub) (1949 Bodley Head);
Ovçu (1950);
Sonuncu düym (1958);
Son sürgün (1961);
Torpaqda bir əsir (1962);
Misirdə yaşamaq, Paul Strand ilə (1969);
Əlvida Amerika (1979);
Qırılan Yəhər (1982);
Lilli Stubeckin gerçək hekayəsi (1984);
Spit Macphee'nin gerçək hekayəsi (1986);
Lola Mackellar'ın gerçək hekayəsi (1992);
Dənizdən olan qız (2002);
Kitty St Clairin qanadları (2006).

Filmoqrafiya

Sonuncu qarış (film, 1958) / rus. Последний дюйм

Həmçinin bax

Diplomat (roman)

İstinadlar

Олдридж Джеймс // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.
James Aldridge // Internet Speculative Fiction Database (ing.). 1995.
Harold Edward James Aldridge // Gran Enciclopèdia Catalana (kat.). Grup Enciclopèdia, 1968.

Xarici keçidlər

Yazıçı ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

[_62d484c9a8afff8a-1] Олдридж Джеймс // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.

[_1fd6ba90e5181f9d-2] James Aldridge // Internet Speculative Fiction Database (ing.). 1995.

[_1a3ad3f257b8d0d9-3] Harold Edward James Aldridge // Gran Enciclopèdia Catalana (kat.). Grup Enciclopèdia, 1968.