Birmingem ing Birmingham ABş nin cənub şərqində Alabama ştatının mərkəzi hissəsində şəhər Birminhem Quver Kalman aqlomer

Birmingem (ing. Birmingham) — ABŞ-nin cənub-şərqində, Alabama ştatının mərkəzi hissəsində şəhər. Birminhem-Quver-Kalman aqlomerasiyasının mərkəzi.

şəhər

Birmingem

ing. Birmingham

Bayraq^[d]

Ölkə

ABŞ

Tabesində

Alabama

Region

Tarixi və coğrafiyası

Əsası qoyulub

19 dekabr, 1871

Sahəsi

384.71 km²

Mərkəzin hündürlüyü

196 m

Saat qurşağı

UTC−06:00

Əhalisi

212,237 nəfər (2012)

Sıxlığı

1,453.24 nəf./km²

Rəqəmsal identifikatorlar

Telefon kodu

+1 205

Poçt indeksi

35201 - 35298

Digər

birminghamal.gov

Xəritəni göstər/gizlə

Birmingem

Vikianbarda əlaqəli mediafayllar

Əhalisi

Əhalisi 231,6 min (2005; o cümlədən afroamerikalılar 70%-dən çoxdur), şəhərətrafı ilə 939 min.

Coğrafiyası

Appalaç dağlarının ətəyindədir. Avtomobil və dəmiryolları qovşağı. Beynəlxalq aeroport. Blek-Uorrior çayı sahilində port. Su yolu vasitəsilə Mobil portu (Meksika körfəzi) ilə əlaqəsi var.

Tarixi

1871-ci ildə dəmiryol xətlərinin kəsişdiyi yerdə, dəmir filizləri, yüksəkkeyfiyyətli kokslaşan kömür, dolomit və flüslu əhəngdaşı yataqlarının yaxınlığında salınmışdır; adını İngiltərənin ən iri metallurgiya mərkəzinin adından götürmüşdür. 19-cu əsrin sonlarından Birmingem rayonunda mədən və metallurgiya sənayesi sürətlə inkişaf edirdi. 1907-ci ildə “Yunayted Steyts Stil” şirkəti tərəfindən Birmingemdən qərbdə tam tsiklli metallurgiya kombinatı (ABŞ-nin cənubunda ən iri) inşa olunmuşdur. 1960-cı illərdə afroamerikalılar hərəkatının mərkəzlərindən biri idi. 1979-cu ildə ABŞ tarixində ilk dəfə Birminqemin meri vəzifəsinə ağ irqə mənsub olmayan R. Arrinqton seçilmişdir.

Memarlığı

Birminqemın ən iri təhsil və elmi mərkəzi Alabama Universitetidir (1969); (1841), Birmingem Cənub kolleci (1898), Mayls kolleci (1905), Kütləvi kitabxana (1909), İncəsənət muzeyi (İntibah dövrünə aid rəngkarlıq əsərləri kolleksiyası) fəaliyyət göstərir. Red-Mauntin dağlarında şəhərin simvolu olan tanrı Vulkanın çuqundan 17 m-lik heykəli (pyedestalının hündürlüyü 48 m) qoyulmuşdur (C. Moretti, 1904).

İqtisadiyyatı

İqtisadiyyatında xidmət sferası, o cümlədən səhiyyə (qadın sağlamlığının mühafizəsi üzrə ölkənin aparıcı müəssisələri və s.), maliyyə və işgüzar xidmətləri (ABŞ-nin 500 ən iri korprasiyalarından 6-sının mənzil qərargahı şəhərdə yerləşir) mühüm yer tutur.

Sənayesi

Birmingem aqlomerasiyasında işləyənlərin təqribən 10 %-i sənayedə məşğuldur. Qara metallurgiya (idxal olunan xammal əsasında; polad tikişsiz borular və s. istehsalı), təyyarəqayırma, “Daymler-Kraysler” və “Honda” şirkətlərinin avtomobilyığma zavodları, qaldırıcı-nəqliyyat avadanlıqları, sement istehsalı, yeyinti sənayesi (o cümlədən sallaqxanalar) müəssisələri var.

Qalereya

16-cı Küçə Baptist Kilsəsi, indi Tarixi bir Yer
Birmingem şəhər səması, şəhərin Federal binası 1 iyul 2015-ci il
Birmingem şəhərindəki Müq. Paul kilsəsi
Şəhər mərkəzində AT & T Şəhər Mərkəzi

Həmçinin bax

Cersi-Siti

İstinadlar

Azərbaycan Milli Ensiklopediyası (25 cilddə). 4-cü cild: Bəzirxana – Brünel (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2013. səh. 138–139. ISBN .

Xarici keçidlər

Birmingem rəsmi internet səhifəsi

[:0-1] Azərbaycan Milli Ensiklopediyası (25 cilddə). 4-cü cild: Bəzirxana – Brünel (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2013. səh. 138–139. ISBN .