Biri var idi, biri yox idi (III mövsüm)

Biri var idi, biri yox idi — ABC telekanalında yayımlanan ABŞ nağıl-dram serialıdır. Serialın üçüncü mövsümünün çəkiləcəyi ABC tərəfindən 10 may 2013-cü ildə elan edilmişdi. İcraçı prodüserlər Adam Horovitz və Edvard Kitsis bildirmişdilər ki, üçüncü mövsüm iki hissəyə bölünərək, birinci mövsüm 29 sentyabr-15 dekabr 2013-cü ildə, ikinci hissə isə 9 mart-11 may 2014-cü ildə efirə veriləcək.

III Mövsüm
DVD üz şəkli
Ölkə	ABŞ
Seriya sayı	22
Ekranlaşdırma
Orijinal kanal	ABC
Orijinal efir	29 sentyabr 2013 (2013-09-29) – 11 may 2014 (2014-05-11)
Ev video çıxışı
DVD çıxış 19 avqust 2014 (2014-08-19)
Blu-ray Disk çıxış 19 avqust 2014 (2014-08-19)
Mövsüm xronologiyası
← Əvvəlki II Mövsüm Sonrakı → IV Mövsüm

Birinci hissədə qəhrəmanların Yoxlandiyada Piter Penlə mübarizəsi və Storibruka qayıtmaları, ikinci hissədə isə qəhrəmanların şəhərə yol tapmış Qərbin Qəddar Cadugəri Zelena ilə mübarizələri göstərilir. İki hissənin əsas antoqonistləri olan Qərbin Qəddar Cadugəri və Piter Pendən başqa üçüncü mövsümdə Din-din, Ariel, Şahzadə Erik, Ursula, Meduza, Rapunzel, Oz cadugəri, Xeyirxah Cadugər Qlinda, Şimalın Xeyirxah Cadugəri, Cənubun Cadugəri, Doroti Geyl, Qarasaqqal və Elza obrazları da debüt edir.

Mövsüm premyerası 8.52 milyon nəfər tərəfindən izlənmiş və 18-49 yaş arası 2.6/7 reytinq qazanmışdır. Mövsüm ortası finalı tənqidçilər tərəfindən qiymətləndirilmiş və Cənab Qoldun özünü qurban etməsi və keçmişlə bağlı göstərişlər qeyd edilmişdir. Mövsümün ikinci hissəsi yaxşı reytinq nəticəsi göstərərək, ikinci seriya həftənin ən yüksək reytinq nəticəsinə nail olmuşdur və bu 2012-ci ilin oktyabrında ikinci mözsümün ikinci seriyasının yayımlanmasından sonra serialın göstərdiyi ən uğurlu nəticə idi. Seriya tənqidçilər tərəfindən yüksək qiymətləndirilmiş, ssenari müəllifləri və prodüserlər tərəfindən yaradılmış yeni ssenari xəttinə dəyər verilmişdir. İki saatlıq mövsüm finalı 6.8 milyon nəfər tərəfindən izlənmiş və 18-49 yaş arası 2.3/7 reytinq nəticəsi göstərmişdir ki, bu da serialın reytinqlərinin yaxşılaşmasına baxmayaraq, ən zəif final göstəricisi olmuşdur. 8 may 2014-cü ildə serialın dördüncü mövsümünün çəəkiləcəyi elan edildi və dördüncü mövsümün premyerası 28 sentyabr 2014-cü ildə baş tutdu.

Məzmunu

III mövsümün Qəddar Kraliçaya həsr olunmuş təbliğat posteri: "İnan ki, ananın sevgisi onun qaranlıq ürəyindən daha güclü ola bilər."

Xarici video
	III mövsümün treyleri

Qreq Mendell və Tamara tərəfindən Yoxlandiyaya aparılan Henri Millsbütün bunların Piter Penin göstərişi ilə həyata keçirildiyini öyrənir. Penə səmimi inananın ürəyi – Henrinin ürəyi lazımdır. İtmiş uşaqların köməkliyi ilə Pietr Pen Henrini magiyanı yalnız onun xilas edə biləcəyinə inandırmağa çalışır. Henrinin axtarışında olan Emma, Meri Marqaret, Cazibədar Şahzadə, Qəddar Kraliça, Rumpleştilskin və Kapitan Qarmaq da uğurlu şəkildə Yoxlandiyaya gəlib çatırlar, lakin, Kapitan Qolda komanda ilə işləməyin mümkün olmadığını bildirərək onları tərk edərək tək yalnız şəkildə Henrinin axtarışına başlayır. Digərləri isə Din-dini onlara kömək etməyə razı sala bilirlər. Devid itmiş uşaqlardan birinin atdığı zəhərli oxdan yaralansa da, bunu gizli saxlaya bilir.

Bu arada Sehrli meşəyə düşmüş Nil Kassidiyə Şahzadə Avrora, Şahzadə Filip və Mulan kömək edirlər. Mulan Şahzadə Avroraya aşiq olduğunu başa düşsə də, bunu deyə bilmir, ona görə də onları tərk edərək Robin Hudun dəstəsinə qoşulur. Robin Hudun köməkliyi ilə Nil Penin kölgəsini Yoxlandiyaya getmək üçün istifadə edir. Emma, Kapitan Qarmaq və Emmanın valideynləri Nili Piterin tələyə saldığı Exo mağarasından xilas edirlər. Qarmaq Emmaya sevgisini etiraf edir. Nil isə atası Rumpelştilskinlə görüşərək ona inanmadığını bildirir. Devid zəhərli oxla yaralandığını və adanın sehrli bulağının onu sağaltdığını, buna görə də adanı tərk edə bilməyəcəyini etiraf edir. Dəstə penin kölgəsini həbsə ala bilir. Pen isə magiyanı xilas etmək adı ilə Henrini Kəllə qayaya aparır.

Birinci hissənin əsas antoqonisti Piter Pendir (Robbi Kay).

Adaya ilk çatdığı anda Rumpelştilskin Qara Maqın xəncərini kölgəsinə verərək onu heç kimin tapa bilməyəcəyi yerdə gizlətməyi əmr edir. Tez-tez Reumpeli ziyarət edən Bellin görüntüsü onu ovundurur, lakin Recinanın kömkliyi ilə Rumpel bunun əslində Penin kölgəsi olduğunu müəyyən edir. Bu köməkdən sonra güclərini birləşdirən Recina və Qold su pərisi Arieli Pandora qutusunu gətirmək üçün Storibruka gətirməyə göndərirlər. Bell Storibruku kənar gözlərdən qoruyan tilsimi həyata keçirdikdən sonra Yoxlandiyada Piter Pen tərəfindən əsir saxlanan Vendi Darlinqin qardaşları Con və Maykl Darlinqlərə bacılarına qovuşmağa kömək etməyə söz verir, bundan sonra Ariel Pandora qutusu ilə birlikdə Yoxlandiyaya qayıdır. Dəstəyə qoşulan Rumpelştilskin və Recina birlikdə Henrini xias etmək üçün yola düşürlər. Kəllə qayada Pen Rumpeli aldadaraq qutuya salsa da, valideynləri onu xilas edə bilirlər. Rumpelştilskin Pandora qutusundan azad edilir. Gəmidə Storibruka qayıdarkən Henriyə Piter Pen hücum edir, lakin, Rumpel yetişərək Peni Pandora qutusunda həbs edə bilir. Buna baxmayaraq Henri ilə tək qaldığı qısa müddətdə Piter Pen Henrinin bədənini ələ keçirməyə nail olur, Rumpel isə xəbəri olmadan Piterin bədənində Henrini qutuya salır.

Henrinin bədənində gizlənmiş Piter Pen Storibruku ələ keçirərək burada yeni Yoxlandiya yaratmağı planlaşdırır. Bu məqsədlə o, kölgəni azad edir və Mavi Pərini öldürür. Rumpel Devidə zəhər əlehinə iksir verir. Emmanın Henrinin özü olmadığına inanmasından sonra Qold qitunu açmağa məcbur olur və Henri azad olur. Pen isə Recinaın Storibruku yaratmaq üçün istifadə etdiyi tilsimi oğurlayaraq yenidən şəhərə tilsim qoymağa çalışır. Din-din yenidən özündə sehrli güc hiss edərək Penin kölgəsini həbs edir, Mavi Pəri isə dirilir. Recina və Rumpel uğurla Henrinin öz bədəninə qayıtmasına nail ola bilirlər. Son qarşılaşmada Rumpel Piter Peni öldürmək üçün özünü qurban verir. Recina Penin yenilədiyi cadunun qarşısını almaq üçün öz tilsimini məhv etməli olur, buna görə də, Henri və Emma yeni həyata başlamaq üçün Storibruka geri dönürlər. Nağıl qəhrəmanları isə hamısı Sehrli meşəyə qayıdırlar.

İkinci hissənin əsas antoqonisti Qərbin Qəddar Cadugəri Zelenadır (Rebekka Meyder).

Sehrli meşəyə qayıdan qəhrəmanlar burada hakimiyyətin və kral sarayının Qərbin Qəddar Cadugəri Zelena və onun uçan meymunları tərəfindən ələ keçirildiyini görürlər. Recina Henrini itirməsi ilə barışa bilmir və anası kimi ürəyindən imtina etməyə cəhd edir, lakin, Robin Hud buna imkan vermir. Robin və Recina arasında münasibət yaranır və onlar bir-birinin xoşuna gəlməyə başlayırlar. Recina ilə qarşılaşan Zelena onun bacısı olduğunu və anaları Koranın körpə ikən ondan imtina etdiyini bildirir. Nil və Bell Rumpelştilskinin qəsrinə gələrək burada Rumpeli diriltmək üçün vasitə əldə edirlər. Nil özünü qurban verir və atası Rumpeli dirildir. Lakin ölməzdən əvvəl Emmanın yaddaşını qaytarmağa kömək edəcək iksiri Kapitan Qarmaq ilə Nyu-Yorka – bizim dünyaya göndərir. Qarmaq Şən Rocer adlandırdığı sevimli gəmisinin Kapitan Qara Saqqal tərəfindən oğurlandığını Arieldən öyrənir və gəmisini geri qaytarır, lakin, Arielə Şahzadə Eriki qaytarmağa kömək edə bilmir. Xeyli müddət sonra onlar Arielin şahzadəsini tapdığını və adada xoşbəxt yaşadıqlarını öyrənirlər. Daha sonra Qarmaq bizim dünyaya yol tapmaq üçün Şən Roceri sehrli lobyaya dəyişir. Zelena hadisələri keçmişə qaytarmaq və hər şeyə yenidən başlamaq üçün tilsim hazırlayır və bu tilsimə lazım olan əsas elementlərdən biri də Cazibədar Şahzadə və Ağbənizin hələ doğulmamış yeni övladıdır. Körpənin müdafiəsi üçün Cənubun Xeyirxah Cadugəri Qlindaya müraciət edərkən onlar Zelenanı yalnız ağ magiyanın köməkliyi ilə məğlub edə biləcəklərini öyrənir və kömək üçün Emmaya müraciət etmək qərarı verirlər. Ağbəniz vaxtilə Qəddar Kraliçanın həyata keçirdiyi tilsimi təkrarlayır və Devidin ürəyini qurban verir, öz ürəyini isə onunla bölür. Tilsimin həyata keçirilməsinə başlandıqda zelena öz iksirini əlavə edir və Storibruka qayıdan nağıl qəhrəmanları Sehrli meşədə keçirdikləri bir ili unudurlar.

Bir il sonra Nyu-Yorkda Emma və henrini tapan Kapitan Qarmaq Emmanın yaddaşını qaytarmağa nail olur və Emmanı səkkiz ay görüşdüyü Uelşlə evlənməkdən çəkindirir. Bu zaman uçan meymuna çevrilən Uelş Emmaya hücum etsə də, Emma xilas ola bilir. Sonradan məlum olur ki, Zelena Oz cadugərini qanadlı meymuna çevirərək Emmanın arxasınca Nyu Yorka göndərib. Storibruka qayıdan Emma valideynlərinə qovuşur və onların yeni uşağın doğulmasını gözlədiklərini öyrənir. Həm də bəlli olur ki, bütün nağıl personajları Sehrli meşədə keçirdikləri bir ili xatırlamırlar. Şəhər sakinləri birləşərək yeni tilsimin müəllifini axtarmağa başlayırlar. Qısa zamanda Emma və Recinanın tələsinə düşən Zelena Storibrukda olduğunu büruzə verir. O, Meri Marqaretlə yaxınlaşaraq onun uşağı iləünsiyyətdə olmağa çalışır və Deidin mərdliyini oğurlayır. Şəhərin sərhəddini keçməyə çalışan nağıl qəhrəmanları isə uçan meymuna çevrilirlər. Zelena həm də Qara Maqın xəncərini ələ keçirdiyi üçün Qoldu əsir saxlayır. Henri şəhərə qayıtsa da, Recina da daxil olmaqla heç kimi xatırlamır. Robin Hud ilə münasibət qurmağa başlayan Recina vaxtilə Din-dinin dediyi qolunda şir döyməsi olan kişinin məhz o olduğuna əmin olur. Zelenanın onun ürəyinə ehtiyacı olduğunu öyrənən Recina öz ürəyini saxlamaq üçün Robin Huda etibar edir. Onlar arasında romantik münasibətlər yaranır.

Bell öyrənir ki, Zelenaya zaman səyahəti üçün portal açmağa üç element lazımdır: Rumpelştilskinin beyni, Devidin mərdliyi və Recinanın ürəyi. Dördncü element isə Meri Marqaretin doğulmamış körpəsi olmalıdır. Recina anası Koranın ruhu ilə əlaqə yaradaraq Zelenanın keçmişini öyrənir. Bu zaman bəlli olur ki, Zelena keçmişə qayıdaraq Ağbənizin anası Şahzadə Yevanı öldürmək, beləliklə anası Koranın onu tərk etməsinin qarşısını almaq istəyir. Daha sonra Zelena Kapitan Qarmağın dodaqlarını tilsimləyir ki, o, Emmanı öpərək sehrli gücündən məhrum etsin. Meri Marqaret Henrinin nağıl kitabını yenidən tapır və kitab Henrinin yaddaşının bəra olunmasına kömək edir. Recinanın Henrini öpməsi tilsimi sındırır və bütün nağıl qəhrəmanları kim olduqlarını xatırlayırlar. Onlar öyrənirlər ki, yalnız Emma kimi güclü ağ magiyaya malik olan adam Zelenaya qalib gələ bilər.

Qısa zaman sonra Meri Marqaretin doğum vaxtı yetişir. Qarmaq və Emma Zelenanı dayandırmağa çalışsalar da, Zelenanın əmri ilə Qold Qarmağı suda boğur və onu süni nəfəs verməyə məcbur olan Emma magiyasını itirir. Zelena yeni doğulmuş körpəni də oğurlayaraq portalı açmağa çalışır. Lakin Henrinin təhriki ilə müsbətə doğru dəyişmiş Recina ağ magiyadan istifadə edərək Zelenanın qarşısını ala bilir. Rumpelştilskin Nilin ölümünün qisası olaraq Zelananı öldürür. Zelenanın açdığı zaman portalına düşən Emma və Qarmaq keçmiş dövrdə Sehrli meşəyə gəlib çıxırlar. Buradan qayıdarkən Emma ölümdən xilas etdiyi qızı da özü ilə Storibruka gətirir və məlum olur ki, həmin qız Robin Hudun ölmüş arvadı Ledi Meriondur. Recina ilə romantik münasibətlər qurmuş Robin Hud çətin vəziyyətə düşür. Mövzümün sonunda məlum olur ki, açılmış zaman portalından təkcə Qarmaq və Emma yox, həm də Qar kraliçası Elza keçərək Storibruka gəlib.

Rollarda

Əsas - /Meri Marqaret Blnaşer (22 seriya) Cennifer Morrison - (22 seriya) - /Recina Mills (22 seriya) - /Devid Nolan (22 seriya) Emili de Revin - Bell/Leysi (17 seriya) Cared Gilmor - Henri Mills (19 seriya) Kolin O'Donok - (22 seriya) - Belfayr/Nil Kassidi (15 seriya) - /Cənab Qold (19 seriya) Köməkçi Beverli Elliott - Dul Lukas / Nənə (12 seriya) Şon Makuayr - Robin Hud (12 seriya) Robbi Kay - Malkolm / / Hameln tütəkçisi (11 seriya) Li Arenberq - Deyingən cırtdan / Leroy (10 seriya) Qeyb Kot - Maraqlı cırtdan / Tom Kark (10 seriya) Parker Kroft- Feliks (10 seriya) Rebekka Meyder - / Zelena (10 seriya) Devid Pol Qruv - Dok (9 seriya) Rouz MakAyver - (8 seriya) Faustino Di Bauda - Yuxulu cırtdan / Uolter (8 seriya) Kiqan Konnor Treysi - / Rəhbər ana (7 seriya) Rafael Sbarj - Danışan cırcırama / Dr. Arçi Huper (7 seriya) Miq Makario - Utancaq cırtdan (7 seriya) Ceffri Kayser - Ləng cırtdan (7 seriya) Maykl Koleman - Xoşbəxt cırtdan (7 seriya) Sara Bolger - Şahzadə Avrora (5 seriya) Coanna Qarsiya - Ariel (4 seriya) Meqan Ori - / Rubi(4 seriya) Freya Tinqli - (4 seriya) Kris Qotye - Uilyam Smi (4 seriya) Devid Anders - / Dr. Veyl (3 seriya) Culian Morris - (3 seriya) Gil MakKinni - (3 seriya) Kristofer Qorhem - / Uelş (3 seriya)

Qonaq - (2 seriya) - Sindi / (2 seriya) Dilan Şmidt - Gənc Belfayr (2 seriya) Çarlz Mesur - Qarasaqqal (2 seriya) Sanni Mabri] - (2 seriya) Stefan Lord - Malkolm (2 seriya) Kristi Lainq - (2 seriya) Etan Embri - Qreq Mendell (1 seriya) Sonik Martin-Qrin - Tamara (1 seriya) Bernard Kurri - Liam Conson (1 seriya) Skayler Jisondo - Devin (1 seriya) Uiat Oleff - Gənc Rumpelştilskin (1 seriya) Merlin Menson - Piter Penin kölgəsi (səs) (1 seriya) Aleksandra Metz - Rapunzel (1 seriya) Henri Lubatti - Lümyer (1 seriya) Rouz MakQovan - Gənc Kora (1 seriya) Devid de Lutor - Conatan (1 episode) Erik Lanc - Şahzadə Leopold (1 seriya) İvet Nikol Braun - (1 seriya/yalnız səs) Matreya Skarrvener - Doroti Geyl (1 seriya) Anastasiya Qriffit - Şahzadə Abigeyl / Ketrin Nolan (1 seriya) Toni Amendola - / Marko (1 seriya) Aleks Zahara - Kral Midas (1 seriya) Erik Kinlisayd - Moe Frenç/ Mauris (1 seriya)

Cared Gilmor Rebekka Meyder Rouz MakAyver Şon Makuayr Kiqan Konnor Treysi

Seriyalar

Serialda No.	Mövsümdə No.	Ad	Rejissor	Ssenari	Orijinal efir vaxtı	İstehsal kodu	ABŞ izləyiciləri (milyon)
45	1	Səmimi inananın ürəyi	Ralf Hemeker	Edvard Kitsis & Adam Horovitz	29 sentyabr 2013 (2013-09-29)	301	8.52
Yoxlandiyaya gətirilən Henri Piter Penin itmiş uşaqlarının arasına düşür. Onun axtarışına çıxan Emma, onun valideynləri, Recina, Cənab Qold və Kapitan Qarmaq da Yoxlandiyaya gəlirlər. Komanda birlikdə Henrini axtarmaq planı qursa da, Cənad Qold onları tərk edərək tək axtarışa başlayır. Paralel olaraq, sehrli Meşədə ayılan Nil, Mulan, Avrora və Filippin köməkliyi ilə Emmanın Yoxlandiyada olmasını öyrənir.
46	2	İtmiş qız	Ron Andervud	Endryu Çambliss & Kalinda Vazkes	6 oktyabr 2013 (2013-10-06)	302	8.00
Yoxlandiyada Emma Piter Penlə üzləşir, Piter onlarla oynamağa başlayır. Emmaya xəritə verən Piter yalnız əsl kimliyini etiraf etdiyi zaman xəritənin ona yol göstərəcəyini bildirir. Paralel olaraq, Sehrli meşədə Qəddar Kraliça Ağbənizi onun xeyrinə taxtdan imtina üçün məcbur etməyə çalışsa da, buna nail ola bilmir.
47	3	Tamamilə ümumi pəri	Aleks Zakrzevski	Ceyn Espenson	13 oktyabr 2013 (2013-10-13)	303	7.53
Piter Pen Henrini aldadaraq onu magiyanı xilas etməli olduğunu deyir. Paralel olaraq, Nil Yoxlandiyaya gəlmək üçün Robin Huddan kömək istəyir. Robin Hud və Mulanın köməyi ilə Yoxlandiyanın kölgəsi Nili göterərək Sehrli meşədən uçur. Paralel olaraq, tənhalıqdan əziyyət çəkən Recinanın köməyinə Din-din adlı yaşıl pəri gəlir. Din-din Recinaya sevgi bəxş etmək üçün pərilərin sehrli tozunu oğurlayaraq özünü riskə atır. Lakin Recina onu pis vəziyyətdə qoyaraq tərk edir. Buna görə də cəza olaraq Mavi pəri Din-dinin qanadlarını əlindən alır.
48	4	Murdar vərdişlər	Devid Boyd	David H. Qudmen & Robert Hull	20 oktyabr 2013 (2013-10-20)	304	7.05
Nil uğurlu şəkildə Yoxlandiyaya çatır və atası ilə güclərini birləşdirərək meşədə Henrinin axtarışına çıxırlar. Lakin atasının öncədəngörmə haqqında xəbərini öyrənən Nil onun səmimiliyinə şübhə edir və Henrini öldürə biləcəyini düşünür. Buna görə də onu donduraraq qaçır. Lakin, yolda Piter Penin adamları tərəfindən ələ keçirilir. Paralel olaraq, Sehrli meşədə Belfayr da daxil olmaqla bəzi uşaqlar naməlum tütəkçi tərəfindən qaçırılır. Rumpelştilskin həmin tütəkçinin Piter Pen olduğunu öyrənir və oğlunu xilas edir.
49	5	Yaxşı forma	Con Amiel	Kristina Boylan & Daniel T. Tomsen	27 oktyabr 2013 (2013-10-27)	305	7.23
Leytinant Killian Cons və onun qardaşı kapitan Liam Cons kralın tapşırığı ilə zəhərli bitkinin ardınca Yoxlandiyaya gəlirlər. Burada Liam həmin bitkinin tikanı ilə zəhərlənir, lakin Piter Pen adanın sehrli suyunun onu xilas edə biləcəyini deyir. Onlar adanı tərk etdiklərində isə Liam ölür və Killian kapitan olur. Lakin, Killian onları ölümcül zəhər arxasınca göndərək kraldan üz çevirərək pirat olur. Paralel olaraq, Yoxlandiyada, itmiş uşaqlardan birini ələ keçirməyə nail olan Recina Henri ilə əlaqə qurur. Kapitan Qarmaq Cazibədar Şahzadəyə kömək edərək onun zəhərdən ölməsinin qarşısını alır. Qarmaq ilə Emma arasında ilk öpüşmə baş verir.
50	6	Ariel	Siaran Donnelli	Edvard Kitsis & Adam Horovitz	3 noyabr 2013 (2013-11-03)	306	7.55
Nilin sağ olmasını öyrənən Emma, Qarmaq, Devid və Meri Marqaret onu xilas etmək üçün Exo mağarasına gedirlər. Burada onlar yolun açılması üçün bir-birlərinə sirrlərini etiraf etməli olurlar. Penin kölgəsi Bellin cildinə girərək Rumpeli məşğul edir, lakin, Recina onu xilas edir və onlar birlikdə Henrini axtarmağa qərar verirlər. Paralel olaraq, Sehrli meşədə Qəddar Kraliçanın əsgərlərindən qaçarkən dənizə atılan Ağbənizi su pərisi Ariel xilas edir. Ağbəniz isə ona sevgilisi Şahzadə Eriklə görüşməyə kömək edir. Lakin Qəddar Kraliça onların qovuşmasına mane olur.
51	7	Qaranlıq oyuq	Qay Ferland	Kalinda Vazkes & Endryu Çambliss	10 noyabr 2013 (2013-11-10)	307	6.71
Emma, Nil və Qarmaq birlikdə Piter Penin kölgəsini həbs edirlər. Piter Pen isə həbsdə saxladığı Vendi Darlinqdən istifadə edərək Henriyə təsir etməyə çalışır. Bu arada Recina və Rumpel Arieli Storibruka üzüb Penin cəzalandırılması üçün lazım olan qədim artefaktı gətirməyə razı sala bilirlər.
52	8	Sevdiklərinizi düşünün	Devid Solomon	David H. Qudmen & Robert Hull	17 noyabr 2013 (2013-11-17)	308	6.66
Emmanın dəstəsi Recina və Rumpellə birləşir. Onlar Vendi Darlinqdən Piter Penin əsas məqsədinin Henrinin ürəyini ələ keçirərək ömrünü uzatmaq olduğu öyrənirlər. Pen isə son missiyanın yerinə yetirilməsi üçün Kəllə Qayaya gəlir. Burada Rumpel Henrini xilas etmək istəyərkən Pen tərəfindən aldadılaraq Pandora qutusuna salınır. Piter Pen Henrinin ürəyini alaraq qaçır.
53	9	Henrinin xilası	Endi Qoddard	Kristina Boylan & Daniel T. Tomsen	1 dekabr 2013 (2013-12-01)	309	6.64
Recinanın köməkliyi ilə Henrinin ürəyini geri qaytarırlar və Penin kölgəsi Qarmağın gəmisini uçurur. Paralel olaraq on bir il əvvəl Recinanın Henrini övladlığa götürməsi göstərilir.
54	10	Yeni Yoxlandiya	Ron Andervud	Endryu Çambliss	8 dekabr 2013 (2013-12-08)	310	6.94
Yoxlandiyada olanlar itmiş uşaqlarla birlikdə Storibruka qayıdırlar. Gəmidə Pen Henriyə hücum edir və onun bədəninə girməyə nail olur. Rumpel isə səhvən Piter Penin bədənində olan Henrinin ruhunu Pandora qutusuna salır. Cənab Qold söz verdiyi kimi iksir hazırlayaraq Devidi ölümdən xilas edir. Emma Henrinin bədənində Piter Penin gizləndiyini müəyyənləşdirir. Paralel olaraq, Sehrli meşədə Ağbəniz və Cazibədar Şahzadə gələcək övladlarını Qəddar Kraliçadan qorumaq üçün Meduzadan istifadə etməyə çalışsalar da, onların planı baş tutmur.
55	11	Evə qayıdış	Ralf Hemeker	Edvard Kitsis & Adam Horovitz	15 dekabr 2013 (2013-12-15)	311	6.44
Henrinin bədənində məskunlaşan Piter Pen Storibrukda özü üçün yeni Yoxlandiya yaratmaq haqqında planlar qurur, əgər onun planları baş tutsa Storibrukda heç kim Piter Penə qarşı çıxa bilməyəcək. Emma və digərləri mane olmağa çalışsalar Piter Pen Recinanın nağıl personajlarını Storibruka göndərərkən istifadə etdiyi tilsimi ələ keçirir.
56	12	Nyu-York serenadası	Billi Gierhart	Edvard Kitsis & Adam Horovitz	9 mart 2014 (2014-03-09)	312	7.66
Bir il sonra Emma və henri birlikdə Nyu-Yorkda yaşayırlar, lakin qəfildən hər şey dəyişir, Kapitan Qarmaq Nyu-Yorkda Emmanın qapısı qabağında peyda olaraq yaddaşını qaytarmağa çalışır. Paralel olaraq, Sehrli meşədə, Ağbəniz və Qəddar Kraliça qəsrlərini ələ keçirmiş Qərbin Zalım Cadugəri ilə mübarizə aparırlar.
57	13	Cadugər ovu	Qay Ferland	Ceyn Espenson	16 mart 2014 (2014-03-16)	313	7.75
Kapitan Qarmağın verdiyi iksir vasitəsiylə yaddaşı bərpa olunmuş Emma və Henri, növbəti bir tilsimin təsiri ilə yaddaşlarını itirmiş və Storibrukda peyda olmuş nağıl qəhrəmanlarına kömək etmək üçün Nyu Yorkdan Storibruka qayıdırlar. Bir il sonra Meri Marqaret hamilədir, Qərbin Zalım Cadugəri Zelena isə onun ətrafında fırlanır. Paralel olaraq, Sehrli meşədə, Recina Zelena ilə bacı olduqlarını öyrənir.
58	14	Qüllə	Ralf Hemeker	Robert Hull	23 mart 2014 (2014-03-23)	314	6.91
Storibrukda Emma və Recina Zelenenı ələ keçirməyə çalışırlar, şəhər sakinləri isə bir-bir qanadlı meymunlara dönürlər. Zelenanın Rumpelştilskini əsir saxladığı ortaya çıxır, lakin Rumpel qaça bilir. Paralel olaraq, Sehrli meşədə, Cazibədar Şahzadə Rapunzeli meşədəki qüllədən xilas edir.
59	15	Sakit fikirlər	İql Egilsson	Kalinda Vaskez	30 mart 2014 (2014-03-30)	315	6.64
Unudulmuş ildə Belfayr və Bell Rumpelştilskini həyata qaytara biləcək üzərində Lumyer yazılmış şamdan tapırlar. Storibrukda Cənab Qold Qara Maqın xəncərini ələ keçirmiş Zelenanın əsirinə çevrilib. Recina Robin Hudla tanış olur, lakin əvvəl tanış olduqlarını və Robinin onun qisməti olmasını unutmuş olur.
60	16	Yaşıl olmaq asan deyil	Mario Van Pibles	Endryu Çambliss	6 aprel 2014 (2014-04-06)	316	7.26
Zelena Qərdin Qəddar Cadugəri kimi bacısı Recinanı Storibrukun mərkəzi meydanında duelə çağırır. Paralel olaraq, uzun illər əvvəl Zelena dünyada öz yerini müəyyənləşdirməyə çalışır. Oz tilsimkarının köməkliyi ilə Sehrli meşəyə gələn Zelena Rumpelştilskindən onu öyrətməsini xahiş edir, lakin Rumpel sonda paxıl xislətinə görə ondan imtina edir.
61	17	Şən Rocer	Ernest Dikerson	David H. Qudmen	13 aprel 2014 (2014-04-13)	317	6.50
Storibruka qayıdan Ariel, Kapitan Qarmaqdan Şahzadə Erikin tapılmasında kömək etməyi xahiş edir. Qarmaq və Bellin köməkliyi ilə Ariel sevimli şahzadəsinin öldüyünü müəyyənləşdirir. Bu zaman özünü günahkar hesab edən Qarmaq Arieldən üzr istəyərək Emmaya olan sevgisindən bəhs edir. Bundan istifadə edən Zelena Qarmağın dodaqlarını tilsimləyir və Emmanı öpəcəyi halda onun sehrli gücünü əlindən alacağını bildirir. Ariel cildində Storibrukda peyda olanın əslində Zelena olması, Arielin isə əslində nağıllar aləmində şahzadəsi ilə xoşbəxt yaşaması müəyyənləşir. Recina Emmaya magiyasını istifadə etməyi öyrədir.
62	18	Qanaxma yoluyla	Romeo Tirone	Ceyn Espenson & Daniel T. Tomsen	20 aprel 2014 (2014-04-20)	318	5.95
Zelena Recinanın Robin Huda etibar elədiyi ürəyini oğurlaya bilir, Zelenanın keçmişi ilə bağlı həqiqətləri öyrənmək üçün Recina anası Koranın ruhu ilə əlaqə yaradır. Paralel olaraq, Nağıllar aləmində gənc Kora tavernada tanış olduğu və özünü şahzadə kimi təqdim edən gənc adamdan Zelenaya hamilə qalır. Lakin sonradan həmin adamın kral sarayında bağban olması müəyyənləşir. Kralla evlənmək ərəfəsində Ağbənizin anası Şahzadə Yevanın cəhdləri nəticəsində Koranın sirrinin üstü açılır və evlilik təxirə salınır. Kora istəmədən ilk övladı zelenanı meşədə tərk edir.
63	19	Qəribə əşya	Ralf Hemeker	Edvard Kitsis & Adam Horovitz	27 aprel 2014 (2014-04-27)	319	7.34
Zelena Kapitan Qarmağı hədələyərək bildirir ki, əgər Emmanı öpmüb onu magiyasından məhrum etməsə Henrini öldürəcək, bu arada, Recina və Robin Hud arasında romantik münasibətlər yaranır. Nağıllar aləmində Recina, Ağbəniz və Cazibədar Şahzadə Cənubun Yaxşı Sehrbazını taparaq ondan Zelenaya yalnız ağ magiyanın gücü ilə qalib gəlməyin mümünlüyünü öyrənirlər. Buna görə də onları xilas edə biləcək yeganə şəxsin Emma olduğunu düşünürlər. Həmçinin Kapitan Qarmağı Emmanın arxasınca Storibruka göndərənin özünü atasının dirilməsi üçün qurban vermiş Nil olduğu müəyyənləşir.
64	20	Kanzas	Qvinet Horder-Peyton	Endryu Çambliss & Kalinda Vazkes	4 may 2014 (2014-05-04)	320	6.86
Zelena zaman səyahəti üçün Emmanın yeni doğulacaq körpəsindən istifadə etməyi planlaşdırır, lakin bütün şəhər sakinləri ona mane olmağa çalışırlar. Paralel olaraq, nağıllar aləmində, Qlinda Zelenanı müsbət istiqamətə dəyişməyə çalışır, lakin Zelenanın paxıl xisləti buna mane olur.
65	21	Qar dənələri	Ron Andervud	David H. Qüdmen & Robert Hull	11 may 2014 (2014-05-11)	321	6.80
Storibrukda hər kəs yeni doğulmuş körpənin adqoyma və təqdimat mərasiminə toplansa da, Emma və Qarmaq Zelenanın açılmış zaman portalına düşərək keçmiş dövrdə Sehrli Meşəyə qayıdırlar. Onlar Storibruka dönməyin yolunu axtararkən hadisələrin axarına mane olmamağa çalışırlar. Qeyd: Bu seriya "Ev kimi yer yoxdur" seriyası ilə birlikdə 2 saatlıq xüsusi buraxılış şəklində yayımlanmışdır..
66	22	Ev kimi yer yoxdur	Ralf Hemeker	Edvard Kitsis & Adam Horovitz	11 may 2014 (2014-05-11)	322	6.80
Emma və Qarmaq zaman fərqini geridə qoyaraq Storibruka qayıtmağa nail olurlar. Lakin, Emma qayıdarkən özü ilə Qəddar Kraliçanın həbsxanasından xilas etdiyi qızı da gətirir. Storibrukda həmin qızın Robin Hudun ölmüş arvadı Xanım Marion olması və Emmanın hadisələrin gedişinə mane olduğu məlum olur. Seriyanın sonunda Emmanın özü ilə Storibruka yeni təhlükə gətirdiyi görünür. Qeyd: Bu seriya "Qar dənələri" seriyası ilə birlikdə 2 saatlıq xüsusi buraxılış şəklində yayımlanmışdır.

İstehsal

İnkişaf

Disneyin 2013-cü ildə təqdim etdiyi “” filminin uğurundan sonra ABC telekanalı “Biri var idi, biri yox idi” serialını üçüncü mövsüm üçün yeniləmiş və serialın üçüncü mövsümünün premyerası 29 sentyabr 2013-cü ildə ba tutmuşdur. Həmin ay serialın bəzi seriyalarının keçid xarakteri daşıyaraq, gələcəkdə efirə veriləcək və “Biri var idi, biri yox idi” serialının spin-offu olacaq “” serialı ilə əlaqəli olacağı açıqlandı. 2013-cü ilin avqustunda mövsümün iki hissəyə bölünəcəyi, birinci hissənin 29 sentyabrdan 2013-cü ilin dekabrına kimi, ikinci hissənin isə 9 martdan 2014-c ilin mayına kimi efirə veriləcəyi haqqında məlumat yayıldı.

İlk on bir seriyada əsas hadisələr adasında baş verir; serialın yaradıcıları Adam Horovitz və Edvard Kitsis üçüncü mövsümün qurğusu haqqında danışarkən qeyd edirlər ki, “Yoxlandiya inam, təsəvvür yurdudur və elə bir məkandır ki, burada bütün qəhrəmanlar öz köklərinə qayıtmış olurlar. Bu həm bizə, həm də ssenari müəlliflərinə daha da dərinə gedərək qəhrəmanların keçmişinə getməyə, müxtəlif məkanlarla bağlı yeni hekayələr danışmağa imkan verir. Obrazları bu formada görmək, il ərzində onların keçmişini araşdırmaq və Emmanın valideynləri ilə olmasının necə gerçəkləşəcəyini görmək həqiqətən də maraqlıdır. Yoxlandiya həqiqətən də, bizim oturub bütün bu məsələlər haqqında fikirləşə biləcəyimiz bir məkandır.” Cütlük daha sonra qeyd edir ki, Piter Pen bu mövsümdə iştirak etsə də daha mürəkkəb obraz kimi təsvir olunur, Kitsis isə bildirir ki, “Biz hələ Piter Penlə qarşılaşmamışıq, hələ heç vaxt Yoxlandiyada olmamışıq və məhz oraya yola düşməyə hazırlaşırıq!” Başqa bir müsahibədə Horovitz qeyd edir ki, “Bizim üçün Yoxlandiya elə bir yerdir ki, obrazları keçmişləri ilə üzləşməyə vadar edir. Bura bir növ qaranlığın ürəyidir, siz 200 yaşlı da ola bilərsiz, çünki qocalmırsız və etməli olduğunuz yeganə iş şən olmaqdır. Lakin, Piter Pen həddən artı müddət ərzində orada qalıb və onun bu qədər vaxtı orada keçirməsinin səbəbini biz Piter Pen haqqında əfsanə ilə açacıyıq.” Disneyin D23 Expo tədbirində serialın yaradıcıları Emma Svon və Kapitan Qarmaq arasında romantic münasibətlər olacağına işarə etmiş və Killian Consun necə Kapitan Qarmaq olacağının açıqlanacağını bildirmişdilər. 10 mart 2014-cü ildə serialın prodüserləri, Disneydən yaşıl işıq alacaqları halda, mövsümün son seriyalarında “”, “” və “” filmlərindən olan qəhrəmanların canlandırılması üçün aktyorlar axtarıldığını elan etmişdilər. Həmin ayın sonunda mövsüm finalının 11 may 2014-cü ildə efirə veriləcəyi və iki saat davam edəcəyi açıqlanmışdı.

Aktyor seçimi

2013-cü ilin mayında ikinci mövsümün əsas aktyorlarından olan Meqan Orinin (/Tubi) CBS telekanalının hazırladığı “” teleserialında əsas rollardan birini canlandırmaq üçün “Biri var idi, biri yox idi” teleserialından uzaqlaşacağı elan edildi. Lakin, Ori bildirdi ki, gələcəkdə ehtiyac olarsa serialın başqa seriyalarında qonaq aktyor kimi iştirak etməyə hazırdır. Sonradan Ori üçüncü mövsümün on iki və on üçüncü seriyalarında qonaq aktyor kimi çəkilmişdi. Həmin ay Maykl Reymond-Ceymsin (Belfayr/Nil Kassidi) serialın ikinci dərəcəli aktyor heyətindən əsas aktyor heyətinə keçəcəyi açıqlanmışdı. 2013-cü iyulunda ikinci mövsümdə serialdan uzaqlaşmış Jankarlo Espositonun (Cin//Sidni Qlas) üçüncü mövsümdə yenidən seriala qayıdacağı bildirildi. Həmin ay Robin Hud obrazını canlandırmaq üçün yeni kastinq keçirildiyi və Şon Maquayrın Tom Ellisin yerinə rolu canlandıracağı açıqlandı. Adam Horovitz qeyd edir ki, “Baxmayaraq ki, biz Tom Ellisi çox sevirik, o, rolu canlandırması mümkün olmadı. Biz əvvəlki kimi onun fanatlarıyıq, lakin film gözləyə bilməzdi və biz işi irəlilətməli idik.” Mövsümün birinci yarısında Böyük Britaniya aktyoru Robbi Kay əsas antoqonist obrazını yaradır. 29 iyulda Rouz MakAyverin Din-din personajını yaradacağı bildirildi. Adam Horovitz və Edvard Kitsis məşhur personajı gözlənilməz şəkildə şərh edərək “Bu ikonik xarakter xüsusi önəm daşıyır və hadisələrin inkişafına təsir edir. Biz onu necə təqdim edəciyik və bizim üçün onun kim olması, ümidvarıq ki, sizi təəccübləndirəcək, çünki biz, onun bir personajla sürpriz əlaqəsini nəzərdə tutmuşuq.” Beşinci seriyada Bernard Kurri qonaq aktyor kimi Kapitan Qarmağın qardaşı Liam obrazını, Skayler Cizondo isə İtmiş oğlanlardan Devini canlandırır. Coanna Qarsiya “Balaca su pərisi” cizgi filmindən Ariel obrazını canlandırmışdır. 3 sentyabr 2013-cü ildə Cil MakKinninin Şahzadə Erik obrazını canlandıracağı açıqlanmışdı. 18 oktyabr 2013-cü ildə isə ABŞ musiqiçisi Merlin Mensonun Piter Penin kölgəsi obrazını səsləndirəcəyi haqqında məlumat yayılmışdı. 21 oktyabrda Britaniya aktyoru Stefan Lordun Rumpelştilskinin atası Malkolmu canlandıracağı bildirildi. O, səkkizinci və on birinci seriyalarda çəkilib.

Mövsümün ikinci hissəsində əsas antoqonist obraz Qərbin Qəddar Cadugəri Zelena Rebekka Meyder tərəfindən canlandırılmışdır. Aleksandra Metz tərəfindən xilas edilən Rapunzel obrazını yaratmışdır. On səkkizinci seriyada gənc Kora obrazı ilə Rouz MakQovan yenidən seriala qayıtmış, gənc Kral Leopold (şahzadə kimi) obrazı Erik Lanc tərəfindən canlandırılmış, Şahzadə Yeva obrazı üçün Yeva Börn yenidən seriala qayıtmışdır. 2014-cü ilin yanvarında Çarlz Mejer Qarasaqqal obrazı üçün seçilmiş və bir seriyada Kapitan Qarmağın düşməni kimi bu obrazı canlandırmışdır. 2014-cü ilin fevralında eleqant, xoş, zəngin, ağıllı və alicənab kimi təsvir edilən Xeyirxah Cadugər Qlinda obrazı üçün aktyor seçimi elan edilmişdi. Aktrisa Sanni Mabri Qlinda obrazını canlandırmaq üçün seçilmişdir.

“Bir dəfə Möcüzələr ölkəsində” serialının yayımının tamamlanmasından sonra, serialda Ürəklər Valeti obrazını canlandırmış Maykl Soçanın dördüncü mövsümdə “Biri var idi, biri yox idi” serialının ikinci dərəcəli aktyor heyətinə qoşulacağı haqqında məlumat yayıldı. 2014-cü ilin aprelində bu xəbər təsdiqləndir.

Təbliği

2013-cü ildə ABC üçüncü mövsümün aktyor heyətinin təsvir olunduğu təbliğat şəkillərini yayımlamışdır. Lakin, fanatların reaksiyalarından sonra şəkillər silinmişdir. Bundan sonra, sosial şəbəkələr vasitəsiylə '#SaveHenry' heşteqi altında yeni təbliğat şəkilləri yayılmışdır. Mövsümün ikinci hissəsinin təbliği üçün "#WickedIsComing" heşteqindən, ikinci hissənin yayımı zamanı isə 2014-cü ilin mart-may ayları ərzində "#WickedVsEvil" heşteqindən istifadə olunmuşdur.

Çəkilişlər

Hadisələrin Yoxlandiyada baş verdiyi birinci hissənin çəkilişləri Vankuverdə, qapalı studiyalarda aparılmış, bunun üçün on iki tropik məkan maketi yaradılmışdır. Çox bahalı maketlərin hazırlanması zamanı Disneyin “” filminin və “” filmindəki Evok kəndinin maketlərindən təsirlənilmişdir. Quruluşçu-rəssam köməkçisi Sara MakKolloh qeyd edir ki, “Maketlərdə istifadə olunmuş bitlkilərin toplanmasına beş gün sərf edildi. Biz hər gün sulayıb, hər axşam isti məkanla təmin etdiyimiz 200 real bitki, 30 həqiqi ağac kötüyü və üzərinə ipək yarpaqlar düzülmüş 450 süni budaqdan istifadə etmişdik.” Storibruk səhnələri isə, əvvəlki kimi Stiviston, Britaniya Kolumbiyası, Kanadada çəkilmişdir.

Reytinqlər

ABŞ live reytinqləri

No.	Başlıq	Orijinal efir vaxtı	Reytinq/yayılma (18–49)	Ümumi izləyicilər (milyon)	Həftəlik izləyici göstəricisi	Live + 7 gün (DVR) reytinqi
						18-49 reytinq göstəricisi	İzləyici miqdarı (milyon)	Ümumi 18-49	Ümumi izləyicilər (milyon)
45 (3-01)	"Səmimi inananın ürəyi"	29 sentyabr 2013 (2013-09-29)	2.6/7	8.52	#24	1.2	2.54	3.8	11.06
46 (3-02)	"İtmiş qız"	6 oktyabr 2013 (2013-10-06)	2.6/7	8.00	#25	1.2	—	3.8	—
47 (3-03)	"Tamamilə ümumi pəri"	13 oktyabr 2013 (2013-10-13)	2.4/6	7.53	#23	1.1	—	3.5	—
48 (3-04)	"Murdar vərdişlər"	20 oktyabr 2013 (2013-10-20)	2.1/5	7.05	—	1.3	2.55	3.4	9.60
49 (3-05)	"Yaxşı forma"	27 oktyabr 2013 (2013-10-27)	2.2/6	7.23	—	1.2	—	3.4	—
50 (3-06)	"Ariel"	3 noyabr 2013 (2013-11-03)	2.3/6	7.55	#22	1.2	2.70	3.5	10.25
51 (3-07)	"Qaranlıq oyuq"	10 noyabr 2013 (2013-11-10)	2.1/5	6.71	—	1.3	2.68	3.4	9.39
52 (3-08)	"Sevdiklərinizi düşünün"	17 noyabr 2013 (2013-11-17)	1.9/5	6.66	—	1.2	2.59	3.1	9.25
53 (3-09)	"Henrinin xilası"	1 dekabr 2013 (2013-12-01)	1.9/5	6.64	—	1.3	2.59	3.2	9.22
54 (3-10)	"Yeni Yoxlandiya"	8 dekabr 2013 (2013-12-08)	2.1/5	6.94	—	1.1	2.44	3.3	9.38
55 (3-11)	"Evə qayıdış"	15 dekabr 2013 (2013-12-15)	1.9/5	6.44	—	1.2	2.50	3.1	8.94
56 (3-12)	"Nyu-York serenadası"	9 mart 2014 (2014-03-09)	2.4/7	7.66	#18	1.0	—	3.4	—
57 (3-13)	"Cadugər ovu"	16 mart 2014 (2014-03-16)	2.4/7	7.75	#15	1.3	2.68	3.7	10.43
58 (3-14)	"Qüllə"	23 mart 2014 (2014-03-23)	2.1/6	6.91	#19	1.2	2.62	3.3	9.53
59 (3-15)	"Sakit fikirlər"	30 mart 2014 (2014-03-30)	2.1/6	6.64	#21	1.1	2.56	3.2	9.21
60 (3-16)	"Yaşıl olmaq asan deyil"	6 aprel 2014 (2014-04-06)	2.4/6	7.26	#16	1.1	2.45	3.5	9.71
61 (3-17)	"Şən Rocer"	13 aprel 2014 (2014-04-13)	2.0/6	6.50	#20	1.2	2.58	3.2	9.08
62 (3-18)	"Qanaxma yoluyla"	20 aprel 2014 (2014-04-20)	1.7/5	5.95	#24	—	—	—	—
63 (3-19)	"Qəribə əşya"	27 aprel 2014 (2014-04-27)	2.2/6	7.34	#11	1.0	2.09	3.2	9.43
64 (3-20)	"Kanzas"	4 may 2014 (2014-05-04)	2.1/6	6.86	#18	1.1	2.32	3.2	9.19
65 (3-21)	"Qar dənələri"	11 may 2014 (2014-05-11)	2.3/7	6.80	#11	1.2	2.59	3.5	9.39
66 (3-22)	"Ev kimi yer yoxdur"	11 may 2014 (2014-05-11)	2.3/7	6.80	#11	1.2	2.59	3.5	9.39

İstinadlar

1. Lambert, David. "Once Upon a Time - Blu-ray Discs, DVDs Announced for  '​The Complete 3rd Season '​". TV Shows on DVD. June 6, 2014. June 9, 2014 tarixində . İstifadə tarixi: 14 iyun 2015.
2. . EW.com. 2014-05-13 tarixində orijinalından arxivləşdirilib. İstifadə tarixi: 14 iyun 2015.
3. "TV Ratings Sunday: 'Revenge' & 'Once Upon A Time' Finales Rise, 'The Simpsons' Down, 'Rosemary's Baby' Low" 2014-05-13 at the Wayback Machine from TV By The Numbers/Zap2It (14 iyun 2015)
4. Kondolojy, Amanda. . TVbytheNumbers. . May 8, 2014. May 9, 2014 tarixində orijinalından arxivləşdirilib. İstifadə tarixi: 14 iyun 2015.
5. Busis, Hillary. "'Once Upon a Time' recap: Season 3 premiere". . September 29, 2013. January 18, 2015 tarixində . İstifadə tarixi: 14 iyun 2015.
6. 'Once Upon a Time' recap: Faith, Hope and Fairy Dust 2015-01-14 at the Wayback Machine by Hilary Busis, from (14 iyun 2015)
7. Busis, Hillary. "'Once Upon a Time' recap: 'Dark Hollow'". Entertainment Weekly. 10 November 2013. 6 October 2014 tarixində . İstifadə tarixi: 14 iyun 2015.
8. Hillary, Busis. "'Once Upon a Time' recap: Monkey Business". Entertainment Weekly. March 9, 2014. October 6, 2014 tarixində . İstifadə tarixi: May 25, 2015.
9. "'Once Upon a Time' recap: Really, Most Sincerely Dead?" 2015-01-18 at the Wayback Machine from (March 30, 2014)
10. "'Once Upon a Time' recap: Boat Show" 2015-01-10 at the Wayback Machine from (14 iyun 2015)
11. "'Once Upon a Time' recap: The Green Zone" 2014-10-06 at the Wayback Machine from (14 iyun 2015)
12. Bibel, Sara. . TV by the Numbers. October 1, 2013. June 6, 2016 tarixində orijinalından arxivləşdirilib. İstifadə tarixi: 12 iyun 2015.
13. Kondolojy, Amanda. . TV by the Numbers. October 8, 2013. October 11, 2013 tarixində orijinalından arxivləşdirilib. İstifadə tarixi: 12 iyun 2015.
14. Bibel, Sara. . TV by the Numbers. October 15, 2013. October 18, 2013 tarixində orijinalından arxivləşdirilib. İstifadə tarixi: 12 iyun 2015.
15. Kondolojy, Amanda. . TV by the Numbers. October 22, 2013. October 22, 2013 tarixində orijinalından arxivləşdirilib. İstifadə tarixi: 12 iyun 2015.
16. Bibel, Sara. "Sunday Final Ratings: 'The Amazing Race' Adjusted Up; 'Betrayal', 'Revenge' & '60 Minutes' Adjusted Down & Final Sports Numbers". TV by the Numbers. October 29, 2013. March 18, 2014 tarixində orijinalından arxivləşdirilib. İstifadə tarixi: 12 iyun 2015.
17. Kondolojy, Amanda. . TV by the Numbers. November 5, 2013. November 5, 2013 tarixində orijinalından arxivləşdirilib. İstifadə tarixi: 12 iyun 2015.
18. Bibel, Sara. . TV by the Numbers. November 12, 2013. November 12, 2013 tarixində orijinalından arxivləşdirilib. İstifadə tarixi: 12 iyun 2015.
19. Kondolojy, Amanda. . TV by the Numbers. November 19, 2013. November 22, 2013 tarixində orijinalından arxivləşdirilib. İstifadə tarixi: 12 iyun 2015.
20. Kondolojy, Amanda. . TV by the Numbers. December 4, 2013. December 7, 2013 tarixində orijinalından arxivləşdirilib. İstifadə tarixi: 12 iyun 2015.
21. Bibel, Sara. . TV by the Numbers. December 10, 2013. December 13, 2013 tarixində orijinalından arxivləşdirilib. İstifadə tarixi: 12 iyun 2015.
22. Kondolojy, Amanda. . TV by the Numbers. December 17, 2013. December 17, 2013 tarixində orijinalından arxivləşdirilib. İstifadə tarixi: 12 iyun 2015.
23. Kondolojy, Amanda. . TV by the Numbers. March 11, 2014. March 11, 2014 tarixində orijinalından arxivləşdirilib. İstifadə tarixi: 12 iyun.
24. Bibel, Sara. . TV by the Numbers. March 18, 2014. March 18, 2014 tarixində orijinalından arxivləşdirilib. İstifadə tarixi: 12 iyun 2015.
25. Kondolojy, Amanda. . TV by the Numbers. March 25, 2014. March 25, 2014 tarixində orijinalından arxivləşdirilib. İstifadə tarixi: 12 iyun 2015.
26. Bibel, Sara. . TV by the Numbers. April 1, 2014. April 4, 2014 tarixində orijinalından arxivləşdirilib. İstifadə tarixi: 12 iyun 2015.
27. Kondolojy, Amanda. . TV by the Numbers. April 8, 2014. April 8, 2014 tarixində orijinalından arxivləşdirilib. İstifadə tarixi: 12 iyun 2015.
28. Bibel, Sara. . TV by the Numbers. April 15, 2014. April 16, 2014 tarixində orijinalından arxivləşdirilib. İstifadə tarixi: 12 iyun 2015.
29. Kondolojy, Amanda. . TV by the Numbers. April 22, 2014. April 24, 2014 tarixində orijinalından arxivləşdirilib. İstifadə tarixi: 12 iyun 2015.
30. Bibel, Sara. . TV by the Numbers. April 29, 2014. April 29, 2014 tarixində orijinalından arxivləşdirilib. İstifadə tarixi: 12 iyun 2015.
31. Kondolojy, Amanda. . TV by the Numbers. May 6, 2014. May 6, 2014 tarixində orijinalından arxivləşdirilib. İstifadə tarixi: 12 iyun 2015.
32. Bibel, Sara. . TV by the Numbers. May 13, 2014. May 14, 2014 tarixində orijinalından arxivləşdirilib. İstifadə tarixi: 12 iyun 2015.
33. Hibberd, James. "'Once Upon a Time' to crossover with 'Wonderland' spin-off". Entertainment Weekly. May 15, 2013. May 15, 2013 tarixində . İstifadə tarixi: May 25, 2015.
34. Seidman, Robert. . TV by the Numbers. August 4, 2013. August 6, 2013 tarixində orijinalından arxivləşdirilib. İstifadə tarixi: May 25, 2015.
35. Nordyke, Kimberly. "D23 Expo: ABC Debuts New 'Once Upon a Time' Season 3 Premiere Clip". The Hollywood Reporter. August 10, 2013. August 11, 2020 tarixində . İstifadə tarixi: May 25, 2015.
36. Gonzalez, Sandra. "'Grey's Anatomy,' 'Once Upon a Time,' 'Parks and Rec,' 'Bones': Find out what's next in the Spoiler Room". Entertainment Weekly. 2014-11-13 tarixində . İstifadə tarixi: 14 iyun 2015.
37. Rigby, Sam. "'Once Upon a Time' casts Rose McIver as Tinker Bell". Digital Spy. September 25, 2015 tarixində . İstifadə tarixi: July 29, 2013.
38. Aguilera, Leanne. "Once Upon a Time Bosses Tease Peter Pan's Frightening Season 3 Debut: "We Should All Be Worried!"". E! Online. 2023-07-03 tarixində . İstifadə tarixi: 14 iyun 2015.
39. "Once Upon a Time Bosses Want to Do Frozen and Brave Princesses—and Here's Who Should Play Them" 2022-02-21 at the Wayback Machine from E! Online (14 iyun 2015)
40. "When Is the Once Upon a Time Season 3 Finale?" 2014-06-24 at the Wayback Machine from Wetpaint (14 iyun 2015)
41. Keck, William. "Keck's Exclusives: Once Upon a Time Loses Its Little Red to CBS". TV Guide. 2015-01-09 tarixində . İstifadə tarixi: 14 iyun 2015.
42. Jeffery, Morgan. "'Once Upon a Time' star made series regular". Digital Spy. 2015-09-25 tarixində . İstifadə tarixi: 2015-05-25.
43. Mitovich, Matt Webb. "Exclusive: Once Upon a Time Welcomes Back Giancarlo Esposito — But as Which Character?". TV Line. 2021-11-19 tarixində . İstifadə tarixi: 14 iyun 2015.
44. Mitovich, Matt Webb. "Once Upon a Time Exclusive: Robin Hood Recast!". TV Line. 2014-04-20 tarixində . İstifadə tarixi: 14 iyun 2015.
45. De Graeve, Nikki. "Robbie Kay as Peter Pan in Once Upon A Time". Entertainment Outlook. 2018-05-02 tarixində . İstifadə tarixi: 14 iyun 2015.
46. Suhail, Babar. "Once Upon A Time - Episode 3.05 - 2 Roles being cast". Spoiler TV. August 14, 2013. September 26, 2017 tarixində . İstifadə tarixi: May 25, 2015.
47. Keck, William. "Keck's Exclusives: Once Upon a Time Casts JoAnna Garcia As Its Little Mermaid". TV Guide. August 16, 2013. April 13, 2014 tarixində . İstifadə tarixi: May 25, 2015.
48. Gelman, Vlada. "Once Upon a Time Exclusive: Supernatural Patriarch Cast as Ariel's Prince". TV Line. September 3, 2013. November 19, 2021 tarixində . İstifadə tarixi: May 25, 2015.
49. "Marilyn Manson Joining 'Once Upon a Time' Cast". Rolling Stone. 2013-10-18 tarixində . İstifadə tarixi: 2015-05-25.
50. "Stephen Lord Cast in Fatherly Role on Once Upon a Time". TV Fanatic. October 21, 2013. August 13, 2020 tarixində . İstifadə tarixi: May 25, 2015.
51. DarkUFO. "Once Upon a Time - Episode 3.08 - Flashback Details". Spoiler TV. September 11, 2013. February 12, 2021 tarixində . İstifadə tarixi: May 25, 2015.
52. "'Once Upon a Time' Season 3 — Rebecca Mader Cast as Villainess - TVLine". TVLine. 2021-11-19 tarixində . İstifadə tarixi: 14 iyun 2015.
53. Keck, William. . Seattle PI. January 12, 2014. January 14, 2014 tarixində orijinalından arxivləşdirilib. İstifadə tarixi: 14 iyun 2015.
54. Hibberd, James. "'Once Upon a Time' scoop: Rose McGowan returning as Cora". Entertainment Weekly. January 25, 2014. January 11, 2015 tarixində . İstifadə tarixi: 14 iyun 2015.
55. "Matt's Inside Line: Scoop on Scandal, Once, NCIS, Teen Wolf, H50, Trophy Wife, Graceland and More". TV Line. January 31, 2014. October 19, 2021 tarixində . İstifadə tarixi: May 25, 2015.
56. "Once Upon a Time Season 3 Spoiler: Blackbeard Is Coming!". Wetpaint. January 23, 2014. 2014-11-02 tarixində . İstifadə tarixi: 2015-05-25.
57. "Once Upon a Time Exclusive: Witch Oz Character Will Show Up Next? Who Should Play Her?". TVLine. February 6, 2014. September 25, 2021 tarixində . İstifadə tarixi: May 25, 2015.
58. "'Once Upon a Time': Michael Socha to Join Season 4 - Hollywood Reporter". The Hollywood Reporter. 1 April 2014. 8 June 2014 tarixində . İstifadə tarixi: 14 iyun 2015.
59. http://www.entertainmentlookout.com/2014/04/20/upon-time-wondercon-3-spoilers-videos-pics/^{[ölü keçid]}
60. DarkUFO. "Once Upon a Time - Season 3 - ABC Pulls Cast Photos due to fan backlash". Spoiler TV. September 13, 2013. February 11, 2021 tarixində . İstifadə tarixi: May 25, 2015.
61. "Keck's Exclusives: Inside Once Upon a Time's Neverland Set". TV Guide. October 28, 2013. August 6, 2014 tarixində . İstifadə tarixi: May 25, 2015.
62. Bibel, Sara. . TV by the Numbers. October 1, 2013. October 5, 2013 tarixində orijinalından arxivləşdirilib. İstifadə tarixi: 14 iyun 2015.
63. "Live + 7 Day Ratings: ABC Claims 3 of the Top 5 Biggest Gainers in Adults 18-49 During Premiere Week". The Futon Critic. October 13, 2013. July 3, 2023 tarixində . İstifadə tarixi: 14 iyun 2015.
64. Kondolojy, Amanda. . TV by the Numbers. October 8, 2013. October 13, 2013 tarixində orijinalından arxivləşdirilib. İstifadə tarixi: June 14, 2015.
65. "Live + 7 Day Ratings: ABC Claims the Most Top 10 Playback Gainers of Any Network in Adults 18-49". The Futon Critic. October 23, 2013. July 3, 2023 tarixində . İstifadə tarixi: 14 iyun 2015.
66. Bibel, Sara. . TV by the Numbers. October 19, 2013. November 2, 2013 tarixində orijinalından arxivləşdirilib. İstifadə tarixi: 14 iyun 2015.
67. Kondolojy, Amanda. . TV by the Numbers. October 27, 2013. October 29, 2013 tarixində orijinalından arxivləşdirilib. İstifadə tarixi: 14 iyun 2015.
68. Bibel, Sara. . TV by the Numbers. November 3, 2013. November 5, 2013 tarixində orijinalından arxivləşdirilib. İstifadə tarixi: 14 iyun 2015.
69. Bibel, Sara. . TV by the Numbers. November 13, 2013. November 11, 2013 tarixində orijinalından arxivləşdirilib. İstifadə tarixi: 14 iyun 2015.
70. Kondolojy, Amanda. . TV by the Numbers. November 7, 2013. November 8, 2013 tarixində orijinalından arxivləşdirilib. İstifadə tarixi: 14 iyun 2015.
71. Kondolojy, Amanda. . TV by the Numbers. November 18, 2013. November 20, 2013 tarixində orijinalından arxivləşdirilib. İstifadə tarixi: 14 iyun 2015.
72. Bibel, Sara. . TV by the Numbers. November 25, 2013. November 27, 2013 tarixində orijinalından arxivləşdirilib. İstifadə tarixi: 14 iyun 2015.
73. Kondolojy, Amanda. . TV by the Numbers. December 3, 2013. December 7, 2013 tarixində orijinalından arxivləşdirilib. İstifadə tarixi: 14 iyun 2015.
74. Kondolojy, Amanda. . TV by the Numbers. December 18, 2013. December 27, 2013 tarixində orijinalından arxivləşdirilib. İstifadə tarixi: 14 iyun 2015.
75. Bibel, Sara. . TV by the Numbers. December 23, 2013. December 24, 2013 tarixində orijinalından arxivləşdirilib. İstifadə tarixi: 14 iyun 2015.
76. Kondolojy, Amanda. . TV by the Numbers. December 30, 2013. December 30, 2013 tarixində orijinalından arxivləşdirilib. İstifadə tarixi: 14 iyun 2015.
77. Kondolojy, Amanda. . TV by the Numbers. March 11, 2014. March 15, 2014 tarixində orijinalından arxivləşdirilib. İstifadə tarixi: 14 iyun 2015.
78. Kondolojy, Amanda. . TV by the Numbers. March 24, 2014. March 24, 2014 tarixində orijinalından arxivləşdirilib. İstifadə tarixi: 14 iyun 2015.
79. Bibel, Sara. . TV by the Numbers. March 18, 2014. March 22, 2014 tarixində orijinalından arxivləşdirilib. İstifadə tarixi: 14 iyun 2015.
80. Bibel, Sara. . TV by the Numbers. March 31, 2014. April 3, 2014 tarixində orijinalından arxivləşdirilib. İstifadə tarixi: 14 iyun 2015.
81. Kondolojy, Amanda. . TV by the Numbers. March 25, 2014. March 28, 2014 tarixində orijinalından arxivləşdirilib. İstifadə tarixi: 14 iyun 2015.
82. . TV by the Numbers. April 7, 2014. April 8, 2014 tarixində orijinalından arxivləşdirilib. İstifadə tarixi: 14 iyun 2015.
83. Bibel, Sara. . TV by the Numbers. April 1, 2014. April 4, 2014 tarixində orijinalından arxivləşdirilib. İstifadə tarixi: 14 iyun 2015.
84. Bibel, Sara. . TV by the Numbers. April 14, 2014. April 15, 2014 tarixində orijinalından arxivləşdirilib. İstifadə tarixi: 14 iyun 2015.
85. Kondolojy, Amanda. . TV by the Numbers. April 8, 2014. April 8, 2014 tarixində orijinalından arxivləşdirilib. İstifadə tarixi: 14 iyun 2015.
86. Kondolojy, Amanda. . TV by the Numbers. April 21, 2014. April 22, 2014 tarixində orijinalından arxivləşdirilib. İstifadə tarixi: 14 iyun 2015.
87. Bibel, Sara. . TV by the Numbers. April 15, 2014. April 16, 2014 tarixində orijinalından arxivləşdirilib. İstifadə tarixi: 14 iyun 2015.
88. Bibel, Sara. . TV by the Numbers. April 28, 2014. April 29, 2014 tarixində orijinalından arxivləşdirilib. İstifadə tarixi: 14 iyun 2015.
89. Kondolojy, Amanda. . TV by the Numbers. April 22, 2014. April 24, 2014 tarixində orijinalından arxivləşdirilib. İstifadə tarixi: 14 iyun 2015.
90. Bibel, Sara. . TV by the Numbers. April 27, 2014. May 3, 2014 tarixində orijinalından arxivləşdirilib. İstifadə tarixi: 14 iyun 2015.
91. Bibel, Sara. . TV by the Numbers. May 12, 2014. May 14, 2014 tarixində orijinalından arxivləşdirilib. İstifadə tarixi: 14 iyun 2015.
92. . TVbytheNumbers. 2014-05-11 tarixində orijinalından arxivləşdirilib. İstifadə tarixi: 14 iyun 2015.
93. . TVbytheNumbers. 2014-05-19 tarixində orijinalından arxivləşdirilib. İstifadə tarixi: 14 iyun 2015.
94. . TVbytheNumbers. 2014-05-14 tarixində orijinalından arxivləşdirilib. İstifadə tarixi: 14 iyun 2015.

Xarici keçidlər

• abc.go.com/shows/once-upon-a-time — biri yox idi Biri var idinin rəsmi saytı
• Biri var idi, biri yox idi — IMDb səhifəsi