Batumi gürc ბათუმი 1936 cı ilə qədər Batum Gürcüstanın Qara dəniz limanı və Acarıstan Muxtar Respublikasının paytaxtı şə

Batumi (gürc. ბათუმი; 1936-cı ilə qədər Batum) — Gürcüstanın Qara dəniz limanı və Acarıstan Muxtar Respublikasının paytaxtı. Şəhərin əhalisi 152 839 nəfərdir (2014). Turizm mərkəzi olan Batuminin əhalisi yay aylarında 400 000 min nəfərə çatır.

Batumi

ბათუმი


Bayraq^[d]	Gerb

Ölkə

Gürcüstan

Tarixi və coğrafiyası

Sahəsi

64,9 km²

Mərkəzin hündürlüyü

3 ± 1 m

Saat qurşağı

Əhalisi

169.095 nəf. (2020)

Rəqəmsal identifikatorlar

Telefon kodu

+995 (422)

Poçt indeksi

6000–6099

Digər

batumi.ge

Batumi

Vikianbarda əlaqəli mediafayllar

Batumi Cənubi Qafqaz dəmiryolunun və Bakı neft boru xəttinin qurtardığı əhəmiyyətli liman və ticarət mərkəzidir. Türkiyə sərhədindən 12 kilometr məsafədə yerləşir. Subtropik iqlimə malikdir, sitrus meyvələri və çay yetişdirilir. Neftayırma zavodu və gəmiqayırma sənayesi ilə tanınır.

Tarixi

Batumi sözü bu ərazidə yerləşən qədim yunan koloniyası Batisin (Batis – "dərin", Batis limen – "dərin liman") adı ilə bağlıdır. Şəhər orta əsrlərə qədər gürcü knyazlıqlarının idarəsində olmuşdur.

Antik dövrdə İranın suverenliyi altında olan şəhər, əvvəl Pont krallığının daha sonra isə romalıların əlinə keçmişdir. Orta əsrlərdə gürcü knyazlarının hakimiyyəti altına düşən şəhər, XIII əsrdə monqol işğalına uğramışdır.

1564-cü ildə Sultan Süleyman Qanuninin dövründə Osmanlılar tərəfindən ələ keçirilmişdir. nəticəsində imzalanmış və Berlin müqavilələri ilə şəhər Rusiyanın əlinə keçdi. Birinci dünya müharibəsindən sonra Rusiyanın bölgədən çəkilməsi ilə şəhər Brest-Litovsk müqaviləsinə uyğun olaraq Osmanlı dövlətinə geri qaytarıldı. Mudros sülh müqaviləsinin şərtlərinə əsasən isə əvvəl ingilislərə, sonra gürcülərə verildi.

Şəhər 1918-ci ildə qurulan Gürcüstan Demokratik Respublikasının tərkibinə daxil oldu. 1921-ci ilin mart ayında türklər tərəfindən ələ keçirildi, lakin 16 mart 1921-ci ildə imzalanan Moskva müqaviləsinin şərtlərinə əsasən, əhalisi müsəlman acarlardan ibarət olan bölgəyə muxtariyyət verilməsi qarşılığında şəhər Gürcüstana təhvil verildi.

Batumi 16 iyul 1921-ci ildə qurulan Acarıstan Muxtar Sovet Sosialist Respublikasının paytaxtı oldu. Qars müqaviləsinə əsasən Sovet Gürcüstanına birləşdirilməsi təsdiqləndi. Bağlanmış müqaviləyə görə Acarıstan Muxtar Respublikasının muxtariyyəti Türkiyə dövlətinin zəmanəti altındadır.

Gürcüstanın 1991-ci ildə müstəqilliyini elan etməsindən sonra Acarıstan Muxtar Respublikasının rəhbərliyi Aslan Abaşidzenin əlində cəmləşdi. 2004-cü ilin may ayında Abaşidze iqtidarı sona çatdı.

Müasir vəziyyəti

Batumi hazırda Gürcüstanın əsas liman şəhəridir. Batumi limanı neft məhsulları daşıyan 80 000 tonluq tankerləri qəbul etmək gücünə malikdir. Bu neft əsasən Azərbaycan, Qazaxıstan və Türkmənistandan gəlir. Əlavə olaraq şəhər regional kənd təsərrüfatı məhsulları da ixrac edir. 1995-ci ildən yük dövriyyəsi artmış və 2001-ci ildə təxminən 8 milyon ton qeydə alınmışdır. Limanın illik gəliri 200-300 milyon dollar arasında qiymətləndirilir.

2007-ci ildə Gürcüstanın Konstitusiya Məhkəməsi Tbilisidən Batumiyə köçürülüb.

Bölmələr

Batumi Şəhər Bələdiyyəsinin 31 mart 2008-ci il qərarına müvafiq olaraq Batumi şəhəri yeddi hissəyə bölünülür:

Köhnə Batumi (ძველი ბათუმის უბანი)
Ximşiaşvili (ხიმშიაშვილის უბანი)
Baqrationi (ბაგრატიონის უბანი)
Ağmaşenebeli (აღმაშენებლის უბანი)
Cavaxişvili (ჯავახიშვილის უბანი)
Tamar (თამარის უბანი)
Boni-Qorodok (ბონი-გოროდოკის უბანი)

Görməli yerləri

Batumi əhəmiyyətli liman şəhəridir. Eyni zamanda tətil mərkəzi olan şəhər botanika bağları və tropik bitkilər baxımından zəngindir. Dünyanın ən zəngin botanika bağlarından biri də Batumidə yerləşir. Batumi Botanika bağında dünyanın bir çox yerlərindən - Şərqi Asiya, Şimali Amerika, Yeni Zelandiya, Cənubi Amerika, Himalay, Meksika və Avstraliyadan gətirilən bitkilər, ağaclar əkilib. Botanika bağında hətta dünyanın ən yaşlı ağacı belə qorunub saxlanır. Bu məkan 1912-ci ildə coğrafiyaşünas Andrey Krasnov tərəfindən salınıb. Botanika bağındakı floranın zənginliyi 111 hektarda yerləşən 9 bölmədə əks olunub. Botanika bağını həm piyada, həm də ekskursiya məqsədli elektromobillərlə seyr etmək mümkündür.

Şəhərin görməli yerləri arasında Orta məscid, , , İsa Məsihin 12 həvariyunundan biri olan abidə məzarının yerləşdiyi Roma dövründən qalma , XX əsrdə tikilmiş gürcü memarlığını əks etdirən köhnə poçt binası, Qara dəniz sahilindəki , akvarium və sirk sayıla bilər.

Batumi parkının ərazisində yerləşən delfinari şəhərin ən çox ziyarət olunan məkanlarındandır. Burada delfinlərin hərəkəti adamı valeh edir. Delfinarinin amfiteatrı 4 sektordan ibarətdir və 703 tamaşaçı üçün nəzərdə tutulub.

Batumidən cənub istiqamətinə 12 kilometrlik məsafədə Çoroxi çayının sol sahilində I əsrə aid Qonio-Apsaros qalası yerləşir. Qalanın ətrafında isə Gürcüstanın qədim yaşayış məskənlərindən biri yerləşir. Qonio-Apsaros qalası unikal strateji əhəmiyyətə malik olmaqla, Cənub-Qərbi Gürcüstanla Qara dəniz sahillərini birləşdirən Çoroxi və Açaristsxali mağaralarını mühafizə edib. Relyefinə görə Qonio qalası Qara dəniz regionunun Bizans və Osmanlı imperiyalarının istinad nöqtələrindən birinə çevrilib. Müvafiq olaraq qala bir neçə mədəni hissədən ibarətdir: Roma (e.ə. III-IV), Bizans (VI-VII əsrlər) və Osmanlı (XVI əsr). Qonio-Apsarosun tarixi arqonavtlar barəsindəki miflə sıx əlaqəlidir. Qonio qalasının ərazisində İsa peyğəmbərin tərəfdarlarından olan apostol Matfeyin simvolik məzarı da yerləşir. Bəzi tarixi mənbələrə görə, apostol məhz bu ərazidə dəfn edilib. Ərazidə aparılan arxeoloji qazıntılar nəticəsində ellin dövrünə aid artefaktlar, ictimai tikililər, keramika, bürünc, gümüş əşyalar və I Yustinianın dövründən qalma gümüş sikkələr aşkar edilib.

Mədəniyyət

Batumidəki ən önəmli tədris qurumu 1990-cı ildə açılan .

İqlim

Batumidə əsasən subtropik iqlim hökm sürür. Şəhərdə və ətrafında subtropik bitkilər yetişir. Parklar, çay plantasiyaları və sitrus önəmli yer tutur. Batumidə orta illik temperatur 14 °C-dir. Ən soyuq ay olan yanvarda orta temperatur göstəricisi 6 °C, ən isti aylar olan iyul və avqustda isə 22 °C-dir. Batumidə qeydə alınmış ən aşağı temperatur -7 °C, ən yüksək temperatur isə 40 °C-dir.

Nəqliyyat

Yenidən inşa edilən Batumi Beynəlxalq Hava Limanı 2007-ci ildə açılmışdır. Batuminin Maxincauri stansiyasından başlayan dəmiryolu xətti Tbilisiyə bağlanır. Bakıdan Batumiyə dəmir yolu ilə getmək mümkündür. 2008-ci il 22 may tarixində yeni Bakı-Batumi-Bakı aviareysi açılmışdır. Yeni aviareysin ilk sərnişini Azərbaycana ikigünlük rəsmi səfərini başa çatdıran Gürcüstan Prezidenti Mixail Saakaşvili olmuşdur. Heydər Əliyev adına Beynəlxalq Hava Limanında Gürcüstan dövlətinin başçısına ilk billet və sertifikat təqdim olunmuşdur.

Əhalinin etnik tərkibi

Batumi əhalisinin çoxu acarlardan ibarətdir. 2014-cü il siyahıya almasına müvafiq olaraq Batumidə 152 839 nəfər yaşayır. Əhalinin sıxlığı 2355,0 nəfər/km²-dir.

Etnik qruplar:

Gürcülər – 142 691
Ermənilər – 4 636
Ruslar – 2 889
Ukraynalılar – 628
Yunanlar – 289
Azərbaycanlılar – 269
Abxazlar – 229
Yezidi – 76
Osetinlər – 71
Kistlər – 4

Şəhərdə yerləşən dini məbədlər:

Gürcü Provaslav Baş kilsəsi
Müqəddəs Ruhun Katolik Kilsəsi
Batumi Məscidi
Batumi Erməni kilsəsi
Batumi Sinaqoqu

Qardaşlaşmış şəhərlər

Şəhər	Ölkə	İl
Yalta	Ukrayna	2008
	ABŞ	1992
San Sebastian	İspaniya	1987
Bari	İtaliya	1987
	Kolumbiya	1987
Pirey	Yunanıstan	1996
Kislovodsk	Rusiya	1997
Artvin	Türkiyə	1999
Trabzon	Türkiyə	2000
Böyük Qarakilsə	Ermənistan	2006
	ÇXR	2006
Kuşadası	Türkiyə	2010

Tanınmış insanları

Batumidə yaşayan və ya yaşamış tanınmış insanlar:

Aslan Abaşidze - Gürcüstanın dövlət və siyasi xadimi, 1991-2004-cü illərdə Acarıstan Muxtar Respublikasının rəhbəri.
– Gürcüstanı ilk dəfə Avroviziya 2007-də təmsil etmiş müğənni
– müğənni
Arkadi və Boris Struqatski – elmi fantastika müəllifləri
– 1906-cı ildə burada öldürülən britaniyalı diplomat
– , kosmonavt
Valeri Meladze – müğənni
(1908-2005) – Yunan-Sovet musiqi bələdçisi

Fotoalbom

Batumidən görünüş
Batumi küçələri
Dənizkənarı
Batumi Dövlət Universiteti
Batumi Dövlət Universiteti
İnturist mehmanxanası
Batumidən görünüş
Batumi bulvarı
Gecə görüntüsü
Acarıstan Nazirlər Kabinetinin binası
Batumidə Türkiyə Respublikası konsulluğunun binası
Batumidə park

İstinadlar

https://geostat.ge/media/31044/1-3---population-by-cities-and-boroughs.xlsx.
Georgian Post. 1805.
"Батуми — статья из Электронной еврейской энциклопедии". 2017-10-27 tarixində . İstifadə tarixi: 2020-08-19.
"მოსახლეობის საყოველთაო აღწერა 2014". საქართველოს სტატისტიკის ეროვნული სამსახური. ნოემბერი 2014. 2018-07-01 tarixində . İstifadə tarixi: 26 ივლისი 2016.
დადგენილება N 3-1 ბათუმის უბნები 2012-02-15 at the Wayback Machine (Decision #3.1. Boroughs of Batumi). Batumi City Council. Accessed November 15, 2009
Qara dənizin sahilindəki əsrarəngiz – BATUMİ^{[ölü keçid]}

Xarici keçidlər

Batumi Dəniz Limanı 2009-12-16 at the Wayback Machine
Prokudin-Gorskii color photos of Batumi circa 1910
Fotoqalereya "Batumi bu gün". Acarıstan hökumətinin veb-saytı 2011-10-07 at the Wayback Machine

Şəhər ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

Gürcüstan ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

[_da334cc538f0fa73-1] ttps://geostat.ge/media/31044/1-3---population-by-cities-and-boroughs.xlsx.

[_de880062ab20540d-2] Georgian Post. 1805.

[3] "Батуми — статья из Электронной еврейской энциклопедии". 2017-10-27 tarixində . İstifadə tarixi: 2020-08-19.

[აღწერა_2014-4] "მოსახლეობის საყოველთაო აღწერა 2014". საქართველოს სტატისტიკის ეროვნული სამსახური. ნოემბერი 2014. 2018-07-01 tarixində . İstifadə tarixi: 26 ივლისი 2016.

[5] დადგენილება N 3-1 ბათუმის უბნები 2012-02-15 at the Wayback Machine (Decision #3.1. Boroughs of Batumi). Batumi City Council. Accessed November 15, 2009

[6] Qara dənizin sahilindəki əsrarəngiz – BATUMİ^{[ölü keçid]}