Vikipediyada bu ad soyadlı digər şəxslər haqqında da məqalələr var bax Arif Quliyev Arif əli oğlu Quliyev 16 may 1950 əl

Arif Əli oğlu Quliyev (16 may 1950, Əli-Bayramlı – 7 may 2021, Bakı) — aktyor,Azərbaycan SSR əməkdar artisti (1989), Azərbaycan Respublikasının xalq artisti (1993).

Arif Quliyev

Doğum tarixi	16 may 1950(1950-05-16)
Doğum yeri	Əli-Bayramlı, Azərbaycan SSR, SSRİ
Vəfat tarixi	7 may 2021(2021-05-07)(70 yaşında)
Vəfat yeri	Bakı, Azərbaycan
Vəfat səbəbi	COVID-19
Dəfn yeri	Ümumşəhər qəbiristanlığı
Vətəndaşlığı	SSRİ→ Azərbaycan
Fəaliyyəti	aktyor
Fəaliyyət illəri	1974–2021
İstiqamət	komediya janrlı rollar
Mükafatları	1993 1989
IMDb	ID0474591

Həyatı

Arif Əli oğlu Quliyev 1965-ci ildə Bakı Mədəni-Maarif Texnikumunun "Dram və kino aktyorluğu" fakültəsinə daxil olmuşdur. 1968-ci ildə texnikumu bitirib, Mingəçevir Dövlət Dram Teatrına təyinatla işləməyə göndərilmişdir. 1973-cü ildə Azərbaycan Dövlət İncəsənət İnstitutunun Musiqili komediya aktyorluğu fakültəsinə daxil olmuşdur. 1975-ci ildə Musiqili Komediya Teatrına dəvət edilmişdir. 1979-cu ildə o, İncəsənət İnstitutunu bitirmişdir.

Müxtəlif səpgili və müxtəlif xarakterli obrazlar yaratmışdır. Teatr səhnəsində ifa etdiyi Şərbətəli (S.Dağlı, C.Cahangirov, "Təzə gəlin"), Salyanski (F.Əmirov, M.Əlizadə, "Gözün aydın"), Əli (M.Şamxalov, Z.Bağırov, "Qaynana"), Dursun (S.Rüstəmov, S.Rüstəmov, "Durna"), Mürsəl (S.Ələsgərov, S.Qədirzadə, "Gurultulu məhəbbət"), İbişov (Ş.Qurbanov, S.Ələsgərov, "Özümüz bilərik"), Dursunov (S.Rəhman, E.Sabitoğlu, "Hicran"), Tofiq (Ş.Axundova, N.Gəncəli, "Ev bizim, sirr bizim"), Hambal (Ü.Hacıbəyov, "Məşədi İbad"), Mirzəqulu (Hidayət, "Durnalar qayıdanda"), Səbzəli (M.Haqverdiyev, "Məhəbbət, şeytan və ağ ölüm") kimi obrazlar komediya janrında yaratdığı uğurlu rollardan bir qismidir.

Yaradıcılığında Azərbaycan Televiziyası da geniş yer tutur. Onun "Şans", "Bığ əhvalatı", "Qaynana", "Lift əhvalatı", "Yarım ştat", "Evləri köndələn yar" və başqa teletamaşalarda oynadığı rollar tamaşaçıların rəğbətini qazanmışdır. "Bəyin oğurlanması", "Yaramaz", "Bəxt üzüyü", "O dünyadan salam", "Qəm pəncərəsi", "Mənim ağ şəhərim", "Alma almaya bənzər", "Ağ gəmi" bədii filmlərdəki obrazları yaradıcılıq potensialının zənginliyini ifadə edir.

İrəvan Dövlət Azərbaycan Dram Teatrında işləyib. 1988-ci ildən Özəl Satira Teatrının bədii rəhbəri olub. 1982-ci ildə Respublika Gənclər mükafatına, 1989-cu ildə Əməkdar artist fəxri adına, 1993-cü ildə isə "Humay" mükafatına layiq görülüb.

1993-cü ildə Musiqili Komediya Teatrından Milli Dram Teatrına dəvət olunub. Elə həmin il Xalq artisti fəxri adına layiq görülüb. 2006-cı ildə teatrdakı qazandığı uğurlara görə "Qızıl Dərviş", 2012-ci ildə "Zirvə" mükafatına, 2014-cü ildə sənətkar medalına layiq görülüb. Prezident təqaüdçüsü olub.

Xalq artisti 7 may 2021-ci il tarixində koronavirus səbəbindən vəfat etmişdir. Sənətkar Ümumşəhər qəbiristanlığında dəfn edilib.

Filmoqrafiya

Arif Quliyevin Ümumşəhər qəbiristanlığındakı məzarı

İşgüzar adamlar (film, 1977) — ərizəçi
Evləri köndələn yar (film, 1982) — bazar satıcısı
100 (film, 1985) (qısametrajlı bədii film-Mozalan № 100) — sərxoş
Bəyin oğurlanması (film, 1985) — Miriş
Qəm pəncərəsi (film, 1986) — kərbəlayi
Yay gününün xəzan yarpaqları (film, 1986) — bufetçi
Sehrli çıraq (film, 1987)
Yaramaz (film, 1988) — dazbaş kişi
Güzgü (film, 1990)(II)
Bəxt üzüyü (film, 1991) — milis nəfəri
777 №-li iş (film, 1992) (tammetrajlı bədii film)
O dünyadan salam (film, 1991) — Hacı Kazım
Mənim ağ şəhərim (film, 1993) — Piri
Yarımştat (film, 1996) — Şirulla
Bakı oğrusu — molla
Olacağa çarə yoxdur (film, 2003) — Hacıağa
Şans (film, 2004) — Kəlam
Adam ol! 2 (film, 2006) (tammetrajlı bədii film) — Sərxanın tanışı
Adam ol! 3 (film, 2007) (tammetrajlı bədii film) (Lider TV) — Arif
Qoy oturmuşuq (veriliş, 2007)
Halal pullar (film, 2008)
Evləri göydələn yar (film, 2010) — Badambəyli
Bığ əhvalatı
Axırıncı dayanacaq (film, 2014) — Tapdıq
Qız atası (teleserial, 2014) — Qasım (9-cu bölüm)
Dörd yoldaş və qardaş (film)
Bəxt üzüyü 2 (film, 2017) — taksi sürücüsü

İstinadlar

https://oxu.az/culture/491903.
https://azertag.az/xeber/Xalq_artisti_Arif_Quliyev_vefat_edib-1775381.
Quliyev, A. Heç kim mənim davamçım ola bilməz: [Xalq artisti Arif Quliyevlə müsahibə] /müsahibəni apardı Xəyalə Rəis // Kaspi.- 2015.- 3 noyabr.- S.12.
Günay. Alqış və gülüş: [Xalq artisti Arif Quliyev haqqında] //Paritet.- 2008.- 6–7 may.- S. 13.
Arif Quliyev mısahibə
Arif Quliyev müsahibə
"Arif QULİYEV: "Mən öz sənətimin fəhləsiyəm"". 2022-03-31 tarixində . İstifadə tarixi: 2021-05-07.
Xalq artisti Arif Quliyev dəfn edildi
Arif Quliyevlə "şöhrət var" Xalq artisti yeni filmə çəkilib: ["Dörd yoldaş və qardaş " filmi] //Gün.- 2008.- 13 may.- S. 14.

Mənbə

Adil Şirin. "Gülüş də silahımızdır!.." //Odlar yurdu.- 1990,- 1 iyun.- № 16.- səh. 3.

Xarici keçidlər

Sənətsevər. Arif Quliyev

[_c77fb1bf0a5ec723-1] ttps://oxu.az/culture/491903.

[_ada1f4f1b35c72cb-2] ttps://azertag.az/xeber/Xalq_artisti_Arif_Quliyev_vefat_edib-1775381.

[3] Quliyev, A. Heç kim mənim davamçım ola bilməz: [Xalq artisti Arif Quliyevlə müsahibə] /müsahibəni apardı Xəyalə Rəis // Kaspi.- 2015.- 3 noyabr.- S.12.

[4] Günay. Alqış və gülüş: [Xalq artisti Arif Quliyev haqqında] //Paritet.- 2008.- 6–7 may.- S. 13.

[5] Arif Quliyev mısahibə

[6] Arif Quliyev müsahibə

[7] "Arif QULİYEV: "Mən öz sənətimin fəhləsiyəm"". 2022-03-31 tarixində . İstifadə tarixi: 2021-05-07.

[8] Xalq artisti Arif Quliyev dəfn edildi

[9] Arif Quliyevlə "şöhrət var" Xalq artisti yeni filmə çəkilib: ["Dörd yoldaş və qardaş " filmi] //Gün.- 2008.- 13 may.- S. 14.