Apokalipsis: İkinci dünya müharibəsi (film, 2009)

"Apokalipsis: İkinci dünya müharibəsi" (fr. Apocalypse, la 2e Guerre mondiale) — ikinci dünya müharibəsi haqqında altı seriyalı sənədli film. Filmin rejissorları Daniel Kasatelle və İzabella Klarkdır. Sənədli film üçün musiqi Kenci Kavay tərəfindən bəstələnmişdir.

Apokalipsis: İkinci dünya müharibəsi
fr. Apocalypse, la 2e Guerre mondiale
Janr	sənədli teleserial^[d]
Əsas mövzu	İkinci Dünya müharibəsi
Rejissorlar	Daniel Kasatelle İzabella Klark
Prodüser	Lui Vodevil
Bəstəkar	Kenci Kavay
Distribütor	Netflix
İlk baxış tarixi	20 avqust 2009
Filmin növü	sənədli film
Müddət	5 saat 20 dəqiqə
Ölkələr	Fransa
Dil	fransız dili
İl	2009
Bölüm sayı	6
IMDb	ID1508238

Sənədli film yalnız müharibə dövründə hərbi jurnalistlər, əsgərlər, Fransa Müqavimət Hərəkatı üzvləri və sıravi vətəndaşlar tərəfindən çəkilmiş sənədli kadrlardan ibarətdir. Filmdə həm sonradan bərpa edilərək rənglənmiş ağ-qara lentlərdən, həm də bir neçə orijinal rəngli lentlərdən istifadə olunub. Yeganə istisna — Holokost cinayətlərinin orijinalda olduğu kimi ağ-qara təsvir olunduğu səhnələrdi.

Film ilk dəfə avqustun 20-dən 27-dək və sentyabrın 3-də Belçikanın fransızdilli RTBF kanalında nümayiş olunub. Avqustun 23-dən 30-dək və sentyabrın 6-da İsveçrənin fransızdilli Télévision Suisse Romande kanalında və 2009-cu ilin sentyabrın 8-dən 22-dək Fransanın France 2 kanalında nümayiş olunmuşdur. Sənədli film sonralar Amerika Birləşmiş Ştatlarının Smithsonian kanalında, National Geographic və Channel 4 kanalları vasitəsilə Böyük Britaniyada, Kanadada, Niderlandda, Polşada, Rumıniyada, Avstraliyada və Asiya ölkələrində, Finlandiyanın Yle Teema, İtaliyanın Rete 4, İsrailin Israel Broadcasting Authority, Portuqaliyanın RTP2 və İspaniyanın La 2 kanalında nümayiş olunmuşdur. Filmin fransızdilli versiyasında hekayəçi rolunda fransalı rejissor və aktyor , ingilisdilli versiyasında isə amerikalı rejissor və aktyor Martin Şin çıxış edib.

Seriyalar

1. Təcavüz (1933–1939): Nasizmin yaranması və Almaniya ordusunun Polşaya soxulması.
2. Sarsıdıcı məğlubiyyət (1939–1940): Dünkerk uğrunda döyüş, Fransa uğrunda döyüş və Britaniya uğrunda döyüş.
3. Şok (1940–1941): Şimali Afrika kampaniyası, Yuqoslaviya cəbhəsi, Yunanıstan və Krit Adası uğrunda döyüş, Barbarossa əməliyyatı, Leninqradın blokadası, Smolensk döyüşü və Moskva uğrunda döyüş
4. Dünya alov içində (1941–1942): Pörl Harbora hücum, Miduey döyüşü, Quadalkanal uğrunda döyüş və "Blau" planı.
5. Böyük quru qoşunları (1942–1943): "Ox" ölkələrinin ilk məğlubiyyətləri, Stalinqrad döyüşü, El-Alameyn yaxınlığında ikinci döyüş, Məşəl əməliyyatı, Tunis kampaniyası, Kursk döyüşü və İtaliya kampaniyası.
6. Cəhənnəm (1944–1945): İkinci cəbhə, Mərkəzi Avropa əməliyyatı, Almaniyanın kapitulyasiya aktı, Hiroşima və Naqasakinin atom bombardmanı, və Yaponiyanın kapitulyasiya aktı.

İstinadlar

1. "Даниэль Костель". Kinopoisk.ru.
2. "Изабель Кларк". Kinopoisk.ru. 2012-07-31 tarixində . İstifadə tarixi: 2016-11-30.
3. "Луи Водевиль". Kinopoisk.ru.
4. "Кэндзи Кавай". Kinopoisk.ru. 2020-09-22 tarixində . İstifadə tarixi: 2016-11-30.
5. . 2009-12-12 tarixində orijinalından arxivləşdirilib. İstifadə tarixi: 2009-12-13. (#invalid_param_val)
6. "Матьё Кассовиц". Kinopoisk.ru. 2017-10-16 tarixində . İstifadə tarixi: 2016-11-30.
7. "Мартин Шин". Kinopoisk.ru. 2017-04-04 tarixində . İstifadə tarixi: 2016-11-30.

Xarici keçidlər

• Apokalipsis: İkinci dünya müharibəsi — Internet Movie Database saytında.

• Apokalipsis: İkinci dünya müharibəsi.  (rus.)