Alfred Qarsiya Kastiyo isp Alfred García Castillo d 14 mart 1997 El Prat de Yobreqat Kataloniya ispaniya ispaniya müğənn

Alfred Qarsiya Kastiyo (isp. Alfred García Castillo; d. 14 mart 1997, El-Prat-de-Yobreqat, Kataloniya, İspaniya) — İspaniya müğənnisi. O, Amaya Romero ilə duet şəklində ifa etdiyi "Tu canción" mahnısı ilə İspaniyanı 2018 Avroviziya Mahnı Müsabiqəsində təmsil etmişdir.

Alfred Qarsiya
isp. Alfred García
Alfred və Amaya 2018-ci ildə
Ümumi məlumatlar
Doğum adı	Alfred Qarsiya Kastiyo isp. Alfred García Castillo
Doğum tarixi	14 mart 1997(27 yaş)
Doğum yeri	El-Prat-de-Yobreqat, Kataloniya, İspaniya
Vətəndaşlığı	İspaniya
Partnyorları	Amaya Romero (2017–2018)
Musiqiçi məlumatları
Fəaliyyəti	müğənni
Fəaliyyət illəri	2012–h.h.
Janr	pop
Musiqi alətləri	vokal, trombon, gitara, təbil, sintezator
Səs tembri	bariton
Əlaqəsi	Amaya Romero
alfredgarcia.es
Vikianbarda əlaqəli mediafayllar

Həyatı

Alfred Qarsiya 14 mart 1997-ci ildə İspaniyanın Kataloniya muxtar vilayətində yerləşən El-Prat-de-Yobreqat şəhərində anadan olmuşdur. O, yeddi yaşından vokal və trombon dərsləri almağa başlamışdır. Qarsiya eyni zamanda gitara, təbil və sintezorda da ifa edə bilir. O, Unió Filharmònica del Prat musiqi filarmoniyasında musiqi təhsili almışdır. Qarsiya audiovizual kommunikasiya ixtisası üzrə təhsil alır. O, eyni zamanda Barselonada yerləşən Taller de Músics musiqi məktəbində caz və müasir musiqi ixtisasları üzrə təhsilinin üçüncü ilindədir.

Musiqi karyerası

Hələ 15 yaşında ikən Alfred Qarsiyanın özünün ərsəyə gətirdiyi debüt albomu Beginning satışa buraxılmışdır. Onun daha sonra iki studiya albomu da işıq üzü görmüşdür. 2016-cı ildə Qarsiya İspaniyanın The Voice səs yarışmasında iştirak etmiş, lakin yarışmada heç bir uğur qazana bilməmişdir.

2017-ci ildə Alfred Qarsiya İspaniyanın ən çox baxılan musiqi yarışması Operación Triunfo-nun dinləmələrinə qatılmışdır. Həmin ilin oktyabr ayında onun yarışmada iştirak edəcəyi təsdiqlənmişdir. 28 yanvar 2018-ci ildə Operación Triunfo nəznində keçirilən İspaniyanın Avroviziya milli seçim turunda Qarsiya Amaya Romero ilə birlikdə ifa etdiyi "Tu canción" mahnısı ilə ən çox səs toplayaraq, İspaniyanı Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil etmək hüququ əldə etmişdir.

2018-ci ilin fevral ayında keçirilən Operación Triunfo yarışmasının finalında Alfred dördüncü yerə layiq görülmüşdür. May ayında keçirilən Avroviziya finalında mübarizəyə qoşulan Alfred və Amaya ikinci səhnə almışdır. Nəticəd duet 26 ölkə təmsilçisinin yarışdığı final mərhələsində 61 xal toplayaraq, 23-cü yerdə qərarlaşmışdır.

İstinadlar

https://www.laverdad.es/gente-estilo/acabo-armonia-20181130111340-ntvo.html.
Adams, William Lee. "Spain: Alfred & Amaia win OT Eurovision Gala with "Tu canción"". Wiwibloggs. 30 yanvar 2018. 2018-01-30 tarixində . İstifadə tarixi: 2018-01-30.
Jiandani, Sanjay. "Spain: Alfred & Amaia will fly to Lisbon!". ESCToday. 30 yanvar 2018. 2018-01-30 tarixində . İstifadə tarixi: 2018-01-30.
. Festival Connexions. 2018-01-30 tarixində orijinalından arxivləşdirilib. İstifadə tarixi: 30 yanvar 2018.
"Alfred es concursante de OT". RTVE. October 20, 2017. November 15, 2020 tarixində . İstifadə tarixi: January 30, 2018.

Əvvəlki: Manel Navarro "Do It for Your Lover"	İspaniya Avroviziya Mahnı Müsabiqəsində 2018 (Amaya Romero ilə)	Sonrakı: Miki "La venda"

Xarici keçidlər

[_2f617e82c90b8d4b-1] ttps://www.laverdad.es/gente-estilo/acabo-armonia-20181130111340-ntvo.html.

[2] Adams, William Lee. "Spain: Alfred & Amaia win OT Eurovision Gala with "Tu canción"". Wiwibloggs. 30 yanvar 2018. 2018-01-30 tarixində . İstifadə tarixi: 2018-01-30.

[3] Jiandani, Sanjay. "Spain: Alfred & Amaia will fly to Lisbon!". ESCToday. 30 yanvar 2018. 2018-01-30 tarixində . İstifadə tarixi: 2018-01-30.

[4] . Festival Connexions. 2018-01-30 tarixində orijinalından arxivləşdirilib. İstifadə tarixi: 30 yanvar 2018.

[5] "Alfred es concursante de OT". RTVE. October 20, 2017. November 15, 2020 tarixində . İstifadə tarixi: January 30, 2018.