Aleksandr Bakulev tam adı Aleksandr Nikolayeviç Bakulev 25 noyabr 7 dekabr 1890 31 mart 1967 Moskva rus cərrahı SSRi də

Aleksandr Bakulev (tam adı: Aleksandr Nikolayeviç Bakulev; 25 noyabr (7 dekabr) 1890 – 31 mart 1967, Moskva) – rus cərrahı, SSRİ-də döş cərrahlığının banilərindən biri. SSRİ Elmlər Akademiyasının akademiki (1958), Tibb Elmlər Akademiyasının akademiki (1948) və prezidenti (1953–60).

Aleksandr Bakulev

Doğum tarixi	25 noyabr (7 dekabr) 1890
Vəfat tarixi	31 mart 1967(1967-03-31)(76 yaşında)
Vəfat yeri	Moskva, RSFSR, SSRİ
Dəfn yeri	Novodeviçye qəbiristanlığı
Milliyyəti	rus
Atası	Nikolayeviç Bakulev
Elm sahələri	Aorta koronar şuntlama, cərrahiyyə, siyasət
Elmi dərəcəsi	tibb elmləri doktoru
İş yeri	Bakulev adına Ürək-damar Cərrahiyyəsi Elmi Mərkəzi^[d]
Təhsili	Saratov Dövlət Universiteti^[d], İmperator Nikolay Universiteti^[d]
Üzvlüyü	SSRİ Elmlər Akademiyası (1958–), Serbiya Elmlər və İncəsənət Akademiyası^[d]
Mükafatları
Vikianbarda əlaqəli mediafayllar

Həyatı

Aleksandr Bakulev 1890-cı il dekabrın 7-də Vyatka quberniyasının Nevenikov kəndində anadan olmuşdur. 1918-ci ildə Saratov Universitetinin Tibb fakültəsini bitirmiş, S. İ. Spasokukotskinin tələbəsi olmuşdur.

Fəaliyyəti

Bakulev 1943-cü ildən ömrünün sonunadək İkinci Moskva Tibb İnstitutunun fakültə cərrahlığı kafedrasının müdiri olmuşdur. 1956-cı ildən özünün yaratdığı Döş Cərrahlığı İnstitutuna (indiki Rusiya Tibb Elmlər Akademiyasının A. N. Bakulev adına Ürək-Damar Cərrahlığı Elmi Mərkəzi) başçılıq etmişdir. Əsas işləri mədə-bağırsaq yolu cərrahlığı, neyrocərrahlıq, urologiya, ağciyər və ürək-damar cərrahlığı məsələlərinə həsr edilmişdir. Qida borusunun plastikası üsulunu (Bakulev üsulu), baş beynin ödemi zamanı araxnoidal boşluğa piltə qoyulması üsulunu (1935) təklif etmişdir;

Beyin abseslərinin müalicə üsulunu, mədə kənar edildikdən sonra qida borusu və nazik bağırsağın birləşdirilməsi qaydasını (Gertsen – Bakulev qaydası), 1940-cı ildə nazik bağırsaqla onikibarmaq bağırsağın ilgəkşəkilli anastomozunun yaradılması qaydasını (Bakulev – Delbe qaydası) işləyib hazırlamışdır. 1948-ci ildə SSRİ-də ilk dəfə olaraq botal axacağın bağlanması əməliyyatını yerinə yetirmiş, 1952-ci ildə ürək qüsuru – mitral dəliyin stenozu zamanı mitral komissurotomiyanı uğurla həyata keçirmişdir; kəskin miokard infarktı olan xəstələrin əməliyyatını təklif etmişdir. Perikard boşluğuna dərman yeritmək üçün inyeksiya iynəsi (Bakulev iynəsi) ixtira etmişdir.

Əsərləri

Пневмонэктомия и лобэктомия. M., 1949 (А. V. Gerasimova ilə birlikdə);
Хирургическое лечение болезней сердца и магистральных сосудов. М., 1952;
Врождённые пороки сердца. M., 1955 (Y. N. Meşalkin ilə birlikdə);
Хирургическое лечение опухолей и кист средостения. M., 1967 (R. S. Kolesnikova ilə birlikdə).

Həmçinin bax

Nikolay Piroqov

Xarici keçidlər

БАКУЛЕВ, АЛЕКСАНДР НИКОЛАЕВИЧ

İstinadlar

Çex Milli Hakimiyyət Məlumat bazası.
Бакулев Александр Николаевич // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.
Azərbaycan Milli Ensiklopediyası (25 cilddə). 3-cü cild: Babilistan – Bəzirxana (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2011. səh. 94. ISBN .

[_0c8c4e680598a207-1] Çex Milli Hakimiyyət Məlumat bazası.

[_0663bb3e2d4d7d68-2] Бакулев Александр Николаевич // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.

[:0-3] Azərbaycan Milli Ensiklopediyası (25 cilddə). 3-cü cild: Babilistan – Bəzirxana (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2011. səh. 94. ISBN .