Adıgözəl Xəlil oğlu Gözəlov 1907 Kürqarabucaq Cavad qəzası 29 may 1966 Azərbaycan sovet partiya və dövlət xadimi Naxçıva

Adıgözəl Xəlil oğlu Gözəlov (1907, Kürqarabucaq, Cavad qəzası – 29 may 1966) — Azərbaycan-sovet partiya və dövlət xadimi, Naxçıvan MSSR Xalq Komissarları Sovetinin sədri (1943–1946), Azərbaycan SSR balıq sənayesi naziri (1954–1957).

Adıgözəl Gözəlov
SSRİ Ali Sovetinin deputatı Adıgözəl Gözəlov
Azərbaycan SSR balıq sənayesi naziri
19 may 1954 – 6 iyun 1957
Əvvəlki	nazirlik yaradılıb
Sonrakı	nazirlik ləğv edilib
Gəncə Vilayət Zəhmətkeş Deputatları Soveti İcraiyyə Komitəsi sədrinin müavini
28 may 1952 – 17 aprel 1953
Sədr	Sadıq Rəhimov
Naxçıvan MSSR Xalq Komissarları Sovetinin sədri
sentyabr 1943 – 1946
Əvvəlki
Sonrakı	Balamet Balametov (Nazirlər Sovetinin sədri kimi)
Azərbaycan Kommunist Partiyası Mərkəzi Komitəsinin yeyinti və balıq sənayesi üzrə katibi
1 dekabr 1941 – 1943
Birinci katib	Mir Cəfər Bağırov
Azərbaycan Kommunist Partiyası Mərkəzi Komitəsinin kadrlar üzrə katibi
16 may 1939 – 4 aprel 1941
Birinci katib	Mir Cəfər Bağırov
Şəxsi məlumatlar
Doğum tarixi	1907
Doğum yeri	Kürqarabucaq, Cavad qəzası, Bakı quberniyası, Rusiya imperiyası
Vəfat tarixi	29 may 1966(1966-05-29)
Partiya	Sovet İttifaqı Kommunist Partiyası (1928–1966)
Təhsili	Azərbaycan Dövlət Pedaqoji İnstitutu (–1933), Sov.İKP MK yanında Ali Partiya Məktəbi^[d]
Fəaliyyəti	siyasətçi

Təltifləri

Həyatı

Adıgözəl Xəlil oğlu Gözəlov 1907-ci ildə Cavad qəzasının Kürqarabucaq kəndində su maşinisti ailəsində anadan olmuşdur. 15 yaşında olarkən, 1922-ci ildə kənd məktəbinə daxil olmuş, burada komsomol üzvü seçilmişdir. İlk təhsilini başa vurduqdan sonra Bakıya gələrək Azərbaycan Pedaqoji İnstitutuna daxil olmuş, institutu bitirdikdən sonra əvvəlcə Lənkəran MTS-də siyasi şöbənin qəzet redaksiyasında redaktor, "Kommunist" qəzeti redaksiyasında partiya həyatı şöbəsinin müdiri, sonra isə məsul redaktor əvəzi, "Kommunist maarifi" qəzetinin və "İşçi-kəndli müxbiri" məcmuəsinin redaktoru olmuşdur.

Adıgözəl Gözəlov 1939-cu ilədək Azərbaycan Kommunist Partiyası Mərkəzi Komitəsinin Təşviqat və təşkilat şöbəsinin müdiri olmuş, 1939–1941-ci illərdə Mərkəzi Komitənin kadrlar üzrə katibi, 1941–1943-cü illərdə Mərkəzi Komitənin yeyinti və balıq sənayesi üzrə katibi vəzifələrində işləmişdir.

ÜİK(b)P MK yanında yanında Ali Partiya Məktəbini bitirən Adıgözəl Gözəlov 1943-cü ilin sentyabr ayında Naxçıvan MSSR Xalq Komissarları Sovetinin sədri vəzifəsinə irəli çəkilmiş və bu vəzifədə 1946-cı ilədək çalışmışdır. 1954–1957-ci illərdə Azərbaycan SSR balıq sənayesi naziri, 1957–1958-ci illərdə isə Azərbaycan Xalq Təsərrüfatı Şurasının Balıqçılıq Təsərrüfatı Baş İdarəsinin rəisi olmuşdur.

Adıgözəl Gözəlov 1-ci çağırış Azərbaycan SSR Ali Sovetinin, 2-ci çağırış SSRİ Ali Sovetinin deputatı seçilmişdir. O, 29 may 1966-cı ildə 59 yaşında vəfat etmişdir.

Təltifləri

— 27 aprel 1940
— 25 fevral 1946
— 1 fevral 1945

İstinadlar

Адыҝөзәл Ҝөзәлов // Коммунист. № 19 (7201). 25 јанвар 1946-ҹы ил. С. 2.
Gözəlov Adıgözəl Xəlil oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 49.
"Гёзалов Ади Гёзал Халил оглы". knowbysight.info (rus). Справочник по истории Коммунистической партии и Советского Союза (1898–1991). 25 noyabr 2021 tarixində . İstifadə tarixi: 25 noyabr 2021.
А. Х. Ҝөзәлов // Коммунист. № 124 (13210). 1 ијун 1966-ҹы ил. С. 4.

Həmçinin bax

Naxçıvan hökumət başçılarının siyahısı

[kom46-1] Адыҝөзәл Ҝөзәлов // Коммунист. № 19 (7201). 25 јанвар 1946-ҹы ил. С. 2.

[nst-2] Gözəlov Adıgözəl Xəlil oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 49.

[know-3] "Гёзалов Ади Гёзал Халил оглы". knowbysight.info (rus). Справочник по истории Коммунистической партии и Советского Союза (1898–1991). 25 noyabr 2021 tarixində . İstifadə tarixi: 25 noyabr 2021.

[kom66-4] А. Х. Ҝөзәлов // Коммунист. № 124 (13210). 1 ијун 1966-ҹы ил. С. 4.